每次談及「新乜乜」，一定會引起爭議，不過先「利申」呢個「新卡卡」稱號絕對唔係小弟老作，只要大家喺google上用keyword "new kaka" 搜尋，頭幾個結果應該都會搵到呢位仁兄——Lucas Paqueta。
效力巴甲球隊法林明高嘅盧卡斯柏基達 (Lucas Paqueta) 現年21歲，司職進攻中場，2016年首次為一隊上陣，今屆世界盃前獲選入巴西國家隊12人候補名單中，今年8月正式得到大國腳征召上陣踢友誼賽。今季於巴甲上陣24場，貢獻9入球2助攻，表現出色。盧卡斯柏基達盤扭、突破、處理死球能力出眾，至於風格上有冇卡卡嘅影子，就留俾大家判斷。
https://youtu.be/aJ1ED-njoAg
作為一位年僅21歲嘅球員，能力上當然無法同卡卡相提並論，但呢個年紀睇嘅係潛質，起碼佢已經受到巴黎聖日耳門、巴塞隆拿等歐洲大球會嘅注目。不過根據最新消息，佢嘅下一站好有可能係AC米蘭，關鍵係「大師兄」李安納度 (Leonardo Araújo)。
現任AC米蘭體育總監李安納度，球員時代係巴西國腳，佢正正係法林明高青訓出品，又曾經效力AC米蘭，佢可以說服盧卡斯柏基達加盟AC米蘭絕對合情合理。根據《ESPN》報導，李安納度正促成呢筆交易，而且消息來源透露AC米蘭已經同意出資 3,500萬歐元收購盧卡斯柏基達，待球員進行體測後簽約，就可於一月轉會窗正式加盟。
法林明高體育總監Carlos Noval接受訪問時，就表示交易並未落實，但可以確認雙方正在談判，並且估計交易有機會於兩星期內完成，或者再多幾星期就可以落實。
AC米蘭今季暫時表現平平，開季7場意甲取得3勝3和1負，排聯賽第10位。暫時擁有2次大國腳上陣經驗嘅盧卡斯柏基達，今個國際賽期並冇入選，據報原因係要為球會上陣今個星期六巴甲聯賽。
有興趣了解更多嘅球迷可以參考以下一段由Tifo Football製造嘅介紹短片，裡面講到，盧卡斯柏基達喺比賽中對空間嘅觀察十分出色，喺球隊攻守銜接上十分重要：
https://youtu.be/kooNKyCR35c
Source: ESPN、Goal、calciomercato
效力巴甲球隊法林明高嘅盧卡斯柏基達 (Lucas Paqueta) 現年21歲，司職進攻中場，2016年首次為一隊上陣，今屆世界盃前獲選入巴西國家隊12人候補名單中，今年8月正式得到大國腳征召上陣踢友誼賽。今季於巴甲上陣24場，貢獻9入球2助攻，表現出色。盧卡斯柏基達盤扭、突破、處理死球能力出眾，至於風格上有冇卡卡嘅影子，就留俾大家判斷。
https://youtu.be/aJ1ED-njoAg
作為一位年僅21歲嘅球員，能力上當然無法同卡卡相提並論，但呢個年紀睇嘅係潛質，起碼佢已經受到巴黎聖日耳門、巴塞隆拿等歐洲大球會嘅注目。不過根據最新消息，佢嘅下一站好有可能係AC米蘭，關鍵係「大師兄」李安納度 (Leonardo Araújo)。
現任AC米蘭體育總監李安納度，球員時代係巴西國腳，佢正正係法林明高青訓出品，又曾經效力AC米蘭，佢可以說服盧卡斯柏基達加盟AC米蘭絕對合情合理。根據《ESPN》報導，李安納度正促成呢筆交易，而且消息來源透露AC米蘭已經同意出資 3,500萬歐元收購盧卡斯柏基達，待球員進行體測後簽約，就可於一月轉會窗正式加盟。
法林明高體育總監Carlos Noval接受訪問時，就表示交易並未落實，但可以確認雙方正在談判，並且估計交易有機會於兩星期內完成，或者再多幾星期就可以落實。
AC米蘭今季暫時表現平平，開季7場意甲取得3勝3和1負，排聯賽第10位。暫時擁有2次大國腳上陣經驗嘅盧卡斯柏基達，今個國際賽期並冇入選，據報原因係要為球會上陣今個星期六巴甲聯賽。
有興趣了解更多嘅球迷可以參考以下一段由Tifo Football製造嘅介紹短片，裡面講到，盧卡斯柏基達喺比賽中對空間嘅觀察十分出色，喺球隊攻守銜接上十分重要：
https://youtu.be/kooNKyCR35c
Source: ESPN、Goal、calciomercato
請按此登錄後留言。未成為會員? 立即註冊