對於俄羅斯人，好多人會諗起「戰鬥民族」嘅講法，事實上，俄羅斯人的確俾人普遍比較強悍嘅印象。最近，喺俄羅斯一場足球比賽中，就有球員用雜技方式射入12碼，精彩絕倫！
喺近日一場俄羅斯學生聯賽 National Student League 嘅比賽中，喀山國立科技大學 (Kazan National Research Technical University) 嘅一位球員——魯賓卡山青年軍成員 Norik Avdalyan 為球隊主射12碼。唔同嘅12碼方式大家都見過，有「窒步」、「散步」式助跑、笠射等，好似呢位球員咁射法就真係罕見。22歲嘅 Norik Avdalyan 如常助跑走向12碼點，突然打出一個後空翻兼將個波射出。
對手切博克薩雷教育大學 (Cheboksary Government Pedagogical University) 嘅門將，唔知係唔係掛住睇 Norik Avdalyan 美妙嘅動作，呆晒毫無反應，睇住個波入網後都仲好似難以置信咁。不過又咁講，個12碼本身唔理係唔係後空翻，本身勁度足夠而且射高波，龍門都已經難救，再加上佢個動作或多或少都分散咗門將注意力，一個學生聯賽門將又點會救到呢。另外，佢呢個動作難度最高嘅地方，係佢嘅準備動作細而快，事前完全冇大幅度坐低身體或者「chok手」，真係俾佢殺一個措手不及。
不過，都係嗰句，正式比賽時做呢啲動作，入就好型，唔入就笑死人，睇下 Norik Avdalyan 一班隊友平淡嘅反應，就知佢平時練咗幾耐，大家已經見怪不怪。之後，魯賓卡山官方頻道真係上載咗一條 Norik Avdalyan 喺訓練同另一場比賽中後空翻射12碼嘅片段，證明「成功需苦練」，大家唔好亂學。
https://youtu.be/onDCHfrlCQQ
由呢位球員Ig睇到，原來佢都幾鍾意玩花巧嘢……
Source: Sportbible、FCRubenKazan、Guardian
喺近日一場俄羅斯學生聯賽 National Student League 嘅比賽中，喀山國立科技大學 (Kazan National Research Technical University) 嘅一位球員——魯賓卡山青年軍成員 Norik Avdalyan 為球隊主射12碼。唔同嘅12碼方式大家都見過，有「窒步」、「散步」式助跑、笠射等，好似呢位球員咁射法就真係罕見。22歲嘅 Norik Avdalyan 如常助跑走向12碼點，突然打出一個後空翻兼將個波射出。
對手切博克薩雷教育大學 (Cheboksary Government Pedagogical University) 嘅門將，唔知係唔係掛住睇 Norik Avdalyan 美妙嘅動作，呆晒毫無反應，睇住個波入網後都仲好似難以置信咁。不過又咁講，個12碼本身唔理係唔係後空翻，本身勁度足夠而且射高波，龍門都已經難救，再加上佢個動作或多或少都分散咗門將注意力，一個學生聯賽門將又點會救到呢。另外，佢呢個動作難度最高嘅地方，係佢嘅準備動作細而快，事前完全冇大幅度坐低身體或者「chok手」，真係俾佢殺一個措手不及。
不過，都係嗰句，正式比賽時做呢啲動作，入就好型，唔入就笑死人，睇下 Norik Avdalyan 一班隊友平淡嘅反應，就知佢平時練咗幾耐，大家已經見怪不怪。之後，魯賓卡山官方頻道真係上載咗一條 Norik Avdalyan 喺訓練同另一場比賽中後空翻射12碼嘅片段，證明「成功需苦練」，大家唔好亂學。
https://youtu.be/onDCHfrlCQQ
由呢位球員Ig睇到，原來佢都幾鍾意玩花巧嘢……
Source: Sportbible、FCRubenKazan、Guardian
請按此登錄後留言。未成為會員? 立即註冊