意大利將於下周國際賽期，友賽烏克蘭及出戰歐洲國家聯賽對波蘭，主帥文仙尼公佈28人大軍名單，其中有「原子螞蟻」基奧雲高時隔三年重返國家隊。
意大利國家隊換上文仙尼掛帥之後， 以為將會有一番新氣象，但其實絕非一時三刻可以扭轉頹勢。事實上佢哋喺文仙尼上任後，正式賽事連同友賽，7場只得一勝 (對手只係沙地阿拉伯)，歐洲國家聯賽兩戰一和一負，改革之路悠長，唯有不斷測試唔同嘅進攻組合。
文仙尼今次選入前鋒恩莫比利、恩斯治尼、基奧雲高、施蒙尼薩沙、古度尼、貝拉迪、卡柏里、基艾沙，其中森多利亞翼鋒卡柏里屬首次入選，基奧雲高就得以重返國家隊，至於近仗狀態欠奉嘅巴洛迪利及比洛迪就齊齊落選。
現效力美職球隊DC多倫多嘅基奧雲高，身高只得1.63米，但爆發力驚人、盤扭功夫了得，因此得到「原子螞蟻」嘅稱號，可以勝任前鋒/輔鋒及進攻中場嘅佢曾經為國家隊出戰23場，不過喺2015年轉戰美職聯，自此與國家隊無緣。喺美職聯，基奧雲高首季已經射入22球，當選美職聯季度MVP，至今累積189場82個入球50次助攻，今季繼續保持高效，25場貢獻12入球7助攻。不過，基奧雲高上一次為國家隊上陣已是2015年10月，今次剛好相隔三年再次入選，31歲嘅佢可唔可以為國家隊帶嚟改變，相信唔可以太過樂觀。
Source: ESPN
意大利國家隊換上文仙尼掛帥之後， 以為將會有一番新氣象，但其實絕非一時三刻可以扭轉頹勢。事實上佢哋喺文仙尼上任後，正式賽事連同友賽，7場只得一勝 (對手只係沙地阿拉伯)，歐洲國家聯賽兩戰一和一負，改革之路悠長，唯有不斷測試唔同嘅進攻組合。
文仙尼今次選入前鋒恩莫比利、恩斯治尼、基奧雲高、施蒙尼薩沙、古度尼、貝拉迪、卡柏里、基艾沙，其中森多利亞翼鋒卡柏里屬首次入選，基奧雲高就得以重返國家隊，至於近仗狀態欠奉嘅巴洛迪利及比洛迪就齊齊落選。
現效力美職球隊DC多倫多嘅基奧雲高，身高只得1.63米，但爆發力驚人、盤扭功夫了得，因此得到「原子螞蟻」嘅稱號，可以勝任前鋒/輔鋒及進攻中場嘅佢曾經為國家隊出戰23場，不過喺2015年轉戰美職聯，自此與國家隊無緣。喺美職聯，基奧雲高首季已經射入22球，當選美職聯季度MVP，至今累積189場82個入球50次助攻，今季繼續保持高效，25場貢獻12入球7助攻。不過，基奧雲高上一次為國家隊上陣已是2015年10月，今次剛好相隔三年再次入選，31歲嘅佢可唔可以為國家隊帶嚟改變，相信唔可以太過樂觀。
Source: ESPN
請按此登錄後留言。未成為會員? 立即註冊