球壇上唔少擔任創造者角色嘅中場球員，都缺乏上佳嘅身體質素，例如沙維、派路之類嘅頂級墮後組織者 (deep-lying playmaker) ，同樣跑得唔快、身體唔夠健碩，甚至移動速度幾慢，但佢哋可以用智慧、經驗，又或者俗稱嘅「路數」去彌補不足，喺球場上往往可以透過閱讀球賽、預判形勢，提早出現喺適當位置上攔截或者接應隊友傳球。不過，如果喺訓練場上直接比較速度同靈活性，佢哋一般都會輸俾隊友。今次，車路士中場法比加斯就示範咗，只要唔係直路鬥跑，「路數型」球員一樣可以用智慧取勝。
英超球隊車路士陣中不乏「快馬」，其中包括今次「苦主」柏度同韋利安。雖然電子遊戲《FIFA19》入面嘅數值只係屬於遊玩性質不宜太認真看待，但不妨借嚟參考一下，首先俾大家對幾位球員嘅速度有一個基本印象。喺遊戲入面，韋利安嘅衝刺速度 (Sprint Speed) 、 加速 (Acceleration) 及靈活度 (Agility) 達到86、91、89，柏度就有74、79、82，而法比加斯就只有54、56、62，反映出一般認為法比加斯嘅速度係遠遠不如柏度同韋利安。
不過，喺車路士一次訓練中，三位球員被安排同場進行一項速度測試，並唔係單純跑直路鬥快，而係三位球員要以來回跑將分佈喺唔同方向嘅雪糕筒拎返中心點，相信由於冇硬性規定路線先後次序 (如果路線係有規定的話，就證明設計有明顯缺憾)，令法比加斯「有機可乘」。
可以留意法比加斯所選取嘅路線同先後次序，三位球員執起雪糕筒嘅時候一定係需要180度轉向，呢點大家都無從取巧，但法比加斯由一個雪糕筒去到另一個雪糕筒之間， 從來冇轉過急彎，全部係以盡可能接近直線嘅大弧線去跑，令自己省去轉向時嘅減速同重新加速時間，反映佢選取路線嘅方式頗有智慧。
相反，柏度同韋利安都曾經大幅度轉向，柏度最後一個彎位用咗個靚轉身，慳咗少少時間，所以稍稍快過韋利安完成，但贏家始終係法比加斯。
有球迷睇到條片，就話車路士有兩個唔用腦淨係識跑嘅球員，佢哋就係韋利安同摩西斯，唔知佢哋兩個一齊玩呢個訓練會發生咩事呢？
其實喺比賽入面，好似喺田徑場咁純粹鬥跑嘅機會唔多，所以速度偏慢嘅球員只要有高超嘅足球智商，一樣可以有一席位！
影片後備：
https://streamable.com/ws41n
英超球隊車路士陣中不乏「快馬」，其中包括今次「苦主」柏度同韋利安。雖然電子遊戲《FIFA19》入面嘅數值只係屬於遊玩性質不宜太認真看待，但不妨借嚟參考一下，首先俾大家對幾位球員嘅速度有一個基本印象。喺遊戲入面，韋利安嘅衝刺速度 (Sprint Speed) 、 加速 (Acceleration) 及靈活度 (Agility) 達到86、91、89，柏度就有74、79、82，而法比加斯就只有54、56、62，反映出一般認為法比加斯嘅速度係遠遠不如柏度同韋利安。
不過，喺車路士一次訓練中，三位球員被安排同場進行一項速度測試，並唔係單純跑直路鬥快，而係三位球員要以來回跑將分佈喺唔同方向嘅雪糕筒拎返中心點，相信由於冇硬性規定路線先後次序 (如果路線係有規定的話，就證明設計有明顯缺憾)，令法比加斯「有機可乘」。
可以留意法比加斯所選取嘅路線同先後次序，三位球員執起雪糕筒嘅時候一定係需要180度轉向，呢點大家都無從取巧，但法比加斯由一個雪糕筒去到另一個雪糕筒之間， 從來冇轉過急彎，全部係以盡可能接近直線嘅大弧線去跑，令自己省去轉向時嘅減速同重新加速時間，反映佢選取路線嘅方式頗有智慧。
相反，柏度同韋利安都曾經大幅度轉向，柏度最後一個彎位用咗個靚轉身，慳咗少少時間，所以稍稍快過韋利安完成，但贏家始終係法比加斯。
有球迷睇到條片，就話車路士有兩個唔用腦淨係識跑嘅球員，佢哋就係韋利安同摩西斯，唔知佢哋兩個一齊玩呢個訓練會發生咩事呢？
其實喺比賽入面，好似喺田徑場咁純粹鬥跑嘅機會唔多，所以速度偏慢嘅球員只要有高超嘅足球智商，一樣可以有一席位！
影片後備：
https://streamable.com/ws41n
請按此登錄後留言。未成為會員? 立即註冊