真係有排"J"?夏薩特對利物浦入球竟被上傳著名色情影片網站

睇足365 於 29/09/2018 發表 收藏文章
車路士球星夏薩特有「夏神」之稱,到底有幾「神」?佢可以喺關鍵時刻以一己之力扭轉戰局。周中英格蘭聯賽盃第三圈,利物浦同車路士碰頭,正正係夏薩特「憑個人技術連過兩關一射入網」,喺比賽尾段為車路士反超前2-1取勝。

https://i.imgur.com/ChUoKzE.gif

喺香港球迷入面流行幾句說話,關於金球嘅有「好波不妨一睇再睇」,又或者會話「呢球真係有排 "J" 」,"J" 作為動詞嘅意思相信大家都明,夾硬要認真地解釋全句意思的話,可以話呢個入波靚嘅程度,足以好似色情物品一樣,被反覆觀看以產生快感。不過你又點會估得到,呢個咁妙嘅比喻,原來真係有人付諸實行,而且原來中英語世界喺呢方面可以相通!

loading

近日有球迷發現,夏薩特於周中對利物浦嘅入球,竟然被上傳到著名色情影片網站 PornHub !影片嘅題目係 "THICK BELGIAN EXPLOITS MULTIPLE GAPING HOLES" ,意思大約係「粗大的比利時開發洞穴……」,大家自己慢慢領略。奇就奇在全個標題冇提過「夏薩特」、「車路士」、「利物浦」、「足球」等字眼,除咗上傳者自推之外,唔知網民係點樣發現嘅。如果球迷可以唔小心發現呢條片,就證明你係不折不扣嘅真「球」迷,係成人網站嘅常客,標題就俾咗大家,年滿18歲而又有興趣嘅朋友可以自己上網搵。

講返場比賽,呢場波夏薩特同簡迪同樣先列後備,結果車路士先落後一球再和1-1,夏薩特不得不落場救主,夏薩特後尾同記者講返射入金球嘅「原因」:「我同簡迪喺後備席傾計,佢話佢唔想互射12碼,所以我咪要入波囉!」
loading


Source: SportbibleMirror

留言


請按此登錄後留言。未成為會員? 立即註冊
    快捷鍵:←
    快捷鍵:→