最近講起足球電子遊戲《FIFA 19》，好多球迷都對球員數值有唔同意見，不過點都好，今時今日嘅《FIFA》作為足球電子遊戲嘅大哥，製作已經認真咗好多，超碼唔會出現以下咁樣令人百思不得其解嘅設定。
話說近日喺外國網上睇到有人講，當年《FIFA 2003》中數值最高嘅球員呢個話題，呢位球員竟然仲踢緊意甲球會，即刻嚇一跳。因為印象中2003年左右最勁嘅球員應該都已經退晒休，最起碼都一定離開咗頂級聯賽。
2003年球壇有咩勁人？當年金球獎三甲係尼維特、亨利同馬甸尼，世界足球先生三甲係施丹、亨利同「大哨」朗拿度，講到《FIFA 2003》封面就係卡路士、傑斯同戴維斯，不過數值最高之人，竟然唔係上面提過嘅球星，而係當年意大利中場超新星比基(Matteo Brighi) ！
請恕小弟當時年紀尚輕，實在冇乜印象，更加搵唔返《FIFA 2003》嚟查證，不過喺網上好多人都話，比基喺呢一集得97嘅綜合能力值，係全集最高數值。離奇嘅係，佢雖然被譽為意大利球壇超新星，喺2002年得到意甲最佳年輕球員，但《FIFA 2003》推出時佢年僅22歲，就可以超越一班金球獎、世界足球先生嘅球王級前輩？未免太誇張，證明當時《FIFA》係亂咁嚟。
現年37歲嘅比基，今季效力於意甲球隊安玻里，生涯曾經效力過祖雲達斯、柏爾馬、拖連奴等球會，效力時間最長嘅係羅馬，為「首都狼」上陣108場聯賽，其餘時間不斷轉換球會。國家隊方面，曾經係意大利U21隊長嘅比基，只係喺2002年及2009年合共4次對表意大利大國腳上陣。
比基於《FIFA 18》中數值為71：
Source: Sportbible、theSun、90min
話說近日喺外國網上睇到有人講，當年《FIFA 2003》中數值最高嘅球員呢個話題，呢位球員竟然仲踢緊意甲球會，即刻嚇一跳。因為印象中2003年左右最勁嘅球員應該都已經退晒休，最起碼都一定離開咗頂級聯賽。
2003年球壇有咩勁人？當年金球獎三甲係尼維特、亨利同馬甸尼，世界足球先生三甲係施丹、亨利同「大哨」朗拿度，講到《FIFA 2003》封面就係卡路士、傑斯同戴維斯，不過數值最高之人，竟然唔係上面提過嘅球星，而係當年意大利中場超新星比基(Matteo Brighi) ！
請恕小弟當時年紀尚輕，實在冇乜印象，更加搵唔返《FIFA 2003》嚟查證，不過喺網上好多人都話，比基喺呢一集得97嘅綜合能力值，係全集最高數值。離奇嘅係，佢雖然被譽為意大利球壇超新星，喺2002年得到意甲最佳年輕球員，但《FIFA 2003》推出時佢年僅22歲，就可以超越一班金球獎、世界足球先生嘅球王級前輩？未免太誇張，證明當時《FIFA》係亂咁嚟。
現年37歲嘅比基，今季效力於意甲球隊安玻里，生涯曾經效力過祖雲達斯、柏爾馬、拖連奴等球會，效力時間最長嘅係羅馬，為「首都狼」上陣108場聯賽，其餘時間不斷轉換球會。國家隊方面，曾經係意大利U21隊長嘅比基，只係喺2002年及2009年合共4次對表意大利大國腳上陣。
比基於《FIFA 18》中數值為71：
Source: Sportbible、theSun、90min
請按此登錄後留言。未成為會員? 立即註冊