無論你點樣評價，英格蘭長人高治 (Peter Crouch) 總係有喺英倫球壇總係有立足之處，2.01米嘅身高對佢嘅球隊嚟講係一大殺著。37歲嘅高治除咗身高鶴立雞群，都經常有出位言論，係搞笑能手。
高治試過話自己勁過C朗，因為自己英超入波多過佢，又會模仿C朗嘅薩瓦人慶祝動作。C朗對祖雲達斯射入世界波倒掛，佢又喺twitter話：「呢樣嘢得我哋做到咋！」
不過點都好，你可能當高治係笑料，但佢喺球場上一啲都唔失禮，因為佢生涯累積106個英超入球 (上陣461次)，喺英超歷史射手榜上位列23。雖然一直不被睇好，但喺國家隊都上陣42次射入22球，國家隊歷史射手榜上排第16位。今年隨史篤城降落英冠，更射入個人喺英格蘭球壇第200個入球！
高治最近推出自傳，又接受訪問，講到自己合作過最勁嘅球員：
「我好慶幸曾經喺熱刺同摩迪、加利夫巴爾合作過，喺英格蘭國家隊又同碧咸、朗尼呢啲頂級球員一齊踢過波，不過係謝拉特，令我覺得佢無所不能。
我仲記得細個曾經同佢對壘，當時我效力熱刺青年軍，佢就喺利物浦青年軍。我第一次見佢嘅時候，佢喺禁區邊爆過一個人，再過兩個人，然後以我見過最高難度嘅射門打中門楣。嗰陣我諗，嘩呢個邊個嚟架？
喺國家隊訓練，即使喺眾多世界級球員之中，佢又係最勁最勁嗰個。就算你擺佢踢右閘，佢都可以做全場最佳。
佢係我合作過最勁嘅球員，如果你問我點樣做一個好球員，學謝拉特啦！」
38歲嘅謝拉特，雖然只比高治年長半年，但今季已經執起教鞭。佢帶領蘇超傳統勁旅格拉斯哥流浪，暫時開季四戰一勝兩和一負，排第七位，想挑戰前利物浦領隊羅渣士帶領嘅些路迪，睇嚟要加把勁。
Source: Anfield Wrap 、Sportbible、Crouch Twitter
高治試過話自己勁過C朗，因為自己英超入波多過佢，又會模仿C朗嘅薩瓦人慶祝動作。C朗對祖雲達斯射入世界波倒掛，佢又喺twitter話：「呢樣嘢得我哋做到咋！」
不過點都好，你可能當高治係笑料，但佢喺球場上一啲都唔失禮，因為佢生涯累積106個英超入球 (上陣461次)，喺英超歷史射手榜上位列23。雖然一直不被睇好，但喺國家隊都上陣42次射入22球，國家隊歷史射手榜上排第16位。今年隨史篤城降落英冠，更射入個人喺英格蘭球壇第200個入球！
高治最近推出自傳，又接受訪問，講到自己合作過最勁嘅球員：
「我好慶幸曾經喺熱刺同摩迪、加利夫巴爾合作過，喺英格蘭國家隊又同碧咸、朗尼呢啲頂級球員一齊踢過波，不過係謝拉特，令我覺得佢無所不能。
我仲記得細個曾經同佢對壘，當時我效力熱刺青年軍，佢就喺利物浦青年軍。我第一次見佢嘅時候，佢喺禁區邊爆過一個人，再過兩個人，然後以我見過最高難度嘅射門打中門楣。嗰陣我諗，嘩呢個邊個嚟架？
喺國家隊訓練，即使喺眾多世界級球員之中，佢又係最勁最勁嗰個。就算你擺佢踢右閘，佢都可以做全場最佳。
佢係我合作過最勁嘅球員，如果你問我點樣做一個好球員，學謝拉特啦！」
38歲嘅謝拉特，雖然只比高治年長半年，但今季已經執起教鞭。佢帶領蘇超傳統勁旅格拉斯哥流浪，暫時開季四戰一勝兩和一負，排第七位，想挑戰前利物浦領隊羅渣士帶領嘅些路迪，睇嚟要加把勁。
Source: Anfield Wrap 、Sportbible、Crouch Twitter
請按此登錄後留言。未成為會員? 立即註冊