又話倫敦? 經理人又玩嘢,耶耶托尼重返奧林比亞高斯

睇足365 於 03/09/2018 發表 收藏文章
前曼城中場耶耶托尼今夏告別8年曼城生涯,約滿成為自由身。早前一度傳出佢將會加盟一間倫敦球會,消息正係嚟自耶耶托尼經理人 (Dimitry Seluk) ,但耶耶托尼最近正式公佈加盟希臘球隊奧林比亞高斯。


35歲科特迪瓦中場自哥迪奧拿執教曼城起,甚少受到重用,結果今夏約滿離隊。其實,的確早有傳聞指佢將會加盟奧林比亞高斯,但畢竟係轉會傳聞,而佢經理人親口透露嘅目的地係倫敦。耶耶托尼經理人喺twitter上指耶耶托尼希望喺英超證明自己仍然係英超最強中場,到香港時間上周三,又透露球員已經喺倫敦完成體測,好快會簽下新合約,其後再稱耶耶托尼目的地係比韋斯咸、水晶宮更大規模嘅球會。

loading
loading

loading

除咗暗示耶耶托尼將會繼續踢英超,經理人又分享咗有關耶耶托尼加盟阿仙奴、車路士、富咸等倫敦球會嘅分析文章,又指耶耶托尼剛剛已經正式成為英國公民。

loading

loading

最後,經理人取笑韋斯咸主帥柏歷堅尼拒絕簽下耶耶托尼,又再次分享有關耶耶托尼完成體測嘅消息,進一步透露,新球會曾經喺8月與般尼作賽。

loading

loading

翻查賽程,般尼8月對手包括富咸及奧林比亞高斯,而耶耶托尼經理人一直放風嘅關鍵字「英超」、「倫敦」自然令人聯想到今夏大手擴軍嘅富咸。結果,今日耶耶托尼已經穿起奧林比亞高斯球衣,受到當地球迷熱烈歡迎,耶耶托尼就喺個人網頁上話,自己2005-06球季已效力過奧林比亞高斯,當時話過會返嚟,而家重返球隊,係信守承諾。

loading

今次轉會最大趣一定係耶耶托尼經理人同傳媒玩嘅文字遊戲,因為佢只係話耶耶托尼喺倫敦完成體測,但佢可以喺倫敦進行奧林比亞高斯嘅體測,而奧林比亞高斯又的確喺8月對過般尼,不過點解要拎韋斯咸、水晶宮出嚟講,又分享有關耶耶托尼加盟倫敦球會嘅分析文章?放風的藝術,都係經理人必修一課,你懂的。唔好忘記,耶耶托尼生日蛋糕事件,起初都係出自呢位經理人口中,然後話球員喺曼城唔開心,放風睇下有冇球會想買佢。

Source: Sky SportsBBC

留言


請按此登錄後留言。未成為會員? 立即註冊
    快捷鍵:←
    快捷鍵:→