2018雅加達亞運男子足球決賽，由兩大東亞勁旅南韓及日本聯手炮製。賽前，南韓沿路擊敗伊朗、香港隊對手烏茲別克，再贏越南殺入決賽。另一邊廂，日本就擊敗咗西亞強敵沙特阿拉伯、阿聯酋。相比起只派出以U21球員為主嘅日本，南韓U23今次爭勝心更盛，原因正係為咗免服兵役。
眾所周知，南韓國民必須為國服兵役，連演藝界天王巨星都唔例外，而且更係運動員噩夢。足球員生涯苦短，有力外流嘅球員被逼按規定喺28歲前回國服役，黃金之年勢必毀於一旦，所以每一代南韓國腳都全力爭取免服兵役。南韓頭號球星孫興民，上季喺英超熱刺穩佔主力位置實屬難能可貴，如果現年26歲嘅佢要受兵役，實在太可惜。相比世界盃及奧運，亞運係佢哋最大機會，根據南韓法例，佢哋只要喺亞運取得金牌就可以免役。
南韓喺亞運男足項目派出三位超齡球員，分別係隊長孫興民、世界盃門將趙賢祐及前鋒黃義助，全力爭取亞運金牌，決賽全場壓住日本狂攻，但未能把握機會，令比賽拖入加時。93分鐘，孫興民禁區接應推橫稍遠，李昇祐勁射破網，打破僵局。101分鐘，孫興民處理左路罰球，黃喜燦遠柱頂成2-0。115分鐘，日本由上田綺世接應角球頂入追回一球，但仍無阻南韓以2-1奪金。
https://streamable.com/ttr50
南韓繼上屆亞運足球決賽擊敗北韓之後，衛冕成功，意義亦遠不及免兵役大。
Source: BBC
眾所周知，南韓國民必須為國服兵役，連演藝界天王巨星都唔例外，而且更係運動員噩夢。足球員生涯苦短，有力外流嘅球員被逼按規定喺28歲前回國服役，黃金之年勢必毀於一旦，所以每一代南韓國腳都全力爭取免服兵役。南韓頭號球星孫興民，上季喺英超熱刺穩佔主力位置實屬難能可貴，如果現年26歲嘅佢要受兵役，實在太可惜。相比世界盃及奧運，亞運係佢哋最大機會，根據南韓法例，佢哋只要喺亞運取得金牌就可以免役。
南韓喺亞運男足項目派出三位超齡球員，分別係隊長孫興民、世界盃門將趙賢祐及前鋒黃義助，全力爭取亞運金牌，決賽全場壓住日本狂攻，但未能把握機會，令比賽拖入加時。93分鐘，孫興民禁區接應推橫稍遠，李昇祐勁射破網，打破僵局。101分鐘，孫興民處理左路罰球，黃喜燦遠柱頂成2-0。115分鐘，日本由上田綺世接應角球頂入追回一球，但仍無阻南韓以2-1奪金。
https://streamable.com/ttr50
南韓繼上屆亞運足球決賽擊敗北韓之後，衛冕成功，意義亦遠不及免兵役大。
Source: BBC
請按此登錄後留言。未成為會員? 立即註冊