近年嘅利物浦門將，似乎離唔開「蝦碌」二字，哪怕係一度打破門將轉會費紀錄嘅艾利臣，亦難逃宿命，但慶幸佢只係喺一場球隊贏波而回嘅聯賽中出事，球季剛開，仍然有空間好好反省。
巴西國門艾利臣由羅馬來投，令人充滿期待，實際上佢嘅整體表現亦配得上呢份期望，撲救反應快、高波出迎駕輕就熟，英超開季頭三輪協助球隊全勝共一球不失，亦有賴於佢心理層面上為球隊後防注入穩定性同信心。好話說在前頭，但艾利臣似乎有過度自信之嫌，其實早喺上輪聯賽，佢已經展現過呢一面。
上周利物浦對白禮頓，艾利臣一次出迎面對對手衝前緊逼，佢竟然迎球挑波，可謂藝高人膽大，的確瀟灑，仁佢當時其實可以有其他選擇。事後，艾利臣接受訪問時表示自己仍然會繼續咁樣做。
https://i.imgur.com/zVTk6Xw.gif
今仗，利物浦作客李斯特城，下半場一次接應回傳，選擇控定一扣，但被伊恩拿祖捉路封住大位，結果被搶走腳下球，導致迪馬雷格雷射入空門。不幸中之大幸係紅軍當時本已領先2-0，呢個失誤並冇導致球隊失分。
https://i.imgur.com/dhSVdlk.gif
賽後高普當然再一次被問到門將犯錯嘅問題，高普話：「我事後同佢講今場波係佢咁樣做嘅最好時機，因為我哋仍然贏到場波。我哋全隊會謹記從今次錯誤中學習，唔應該喺唔適當嘅時候交個波俾佢，佢係一個傳球選項，而唔係解決辦法。
上星期佢已經咁樣做過一次（玩波），好明顯遲早有一日會出事，不過我哋後防仍然會繼續用波。我返去要睇返呢次失誤，不過我記得當時祖高美斯同雲迪克都有解圍嘅機會，而艾利臣上半場遇到呢個情況會一腳清走，當時一切都冇問題。因為某啲原因，佢冇咁做，佢帶波然後被射入。呢個係一個失誤，世上冇門將應該喺嗰個情況下帶波。
不過我留意到球員失波後嘅反應，我哋唔會次次將一定張個波交俾佢，只喺合適嘅時候回傳，而主場球迷嘗試令艾利臣更加緊張，但佢可以保持冷靜，咁樣對我哋有好大幫助。」
高普話相信同樣嘅事唔會再發生，艾利臣就表示：「我對自己失誤連累球隊感到憤怒，當時我做咗一個差嘅判斷。我喺更衣室入面同雲迪克講返，佢呢球傳得唔好，不過當然我有機會將個波大腳踢走，但我判斷錯誤。
我唔會蠢到再犯同樣嘅錯誤，呢個係我嘅踢法，但我唔會自大到話我會繼續咁樣做，我哋要從錯誤中學習。」
態度正面嘅唔指球員，球迷亦一樣，有人指出呢個係艾利臣近50場比賽入面，第一個失誤引致失球 (error leading to goal)，唔需要擔心喎～
Source: ECHO、Goal
巴西國門艾利臣由羅馬來投，令人充滿期待，實際上佢嘅整體表現亦配得上呢份期望，撲救反應快、高波出迎駕輕就熟，英超開季頭三輪協助球隊全勝共一球不失，亦有賴於佢心理層面上為球隊後防注入穩定性同信心。好話說在前頭，但艾利臣似乎有過度自信之嫌，其實早喺上輪聯賽，佢已經展現過呢一面。
上周利物浦對白禮頓，艾利臣一次出迎面對對手衝前緊逼，佢竟然迎球挑波，可謂藝高人膽大，的確瀟灑，仁佢當時其實可以有其他選擇。事後，艾利臣接受訪問時表示自己仍然會繼續咁樣做。
https://i.imgur.com/zVTk6Xw.gif
今仗，利物浦作客李斯特城，下半場一次接應回傳，選擇控定一扣，但被伊恩拿祖捉路封住大位，結果被搶走腳下球，導致迪馬雷格雷射入空門。不幸中之大幸係紅軍當時本已領先2-0，呢個失誤並冇導致球隊失分。
https://i.imgur.com/dhSVdlk.gif
賽後高普當然再一次被問到門將犯錯嘅問題，高普話：「我事後同佢講今場波係佢咁樣做嘅最好時機，因為我哋仍然贏到場波。我哋全隊會謹記從今次錯誤中學習，唔應該喺唔適當嘅時候交個波俾佢，佢係一個傳球選項，而唔係解決辦法。
上星期佢已經咁樣做過一次（玩波），好明顯遲早有一日會出事，不過我哋後防仍然會繼續用波。我返去要睇返呢次失誤，不過我記得當時祖高美斯同雲迪克都有解圍嘅機會，而艾利臣上半場遇到呢個情況會一腳清走，當時一切都冇問題。因為某啲原因，佢冇咁做，佢帶波然後被射入。呢個係一個失誤，世上冇門將應該喺嗰個情況下帶波。
不過我留意到球員失波後嘅反應，我哋唔會次次將一定張個波交俾佢，只喺合適嘅時候回傳，而主場球迷嘗試令艾利臣更加緊張，但佢可以保持冷靜，咁樣對我哋有好大幫助。」
高普話相信同樣嘅事唔會再發生，艾利臣就表示：「我對自己失誤連累球隊感到憤怒，當時我做咗一個差嘅判斷。我喺更衣室入面同雲迪克講返，佢呢球傳得唔好，不過當然我有機會將個波大腳踢走，但我判斷錯誤。
我唔會蠢到再犯同樣嘅錯誤，呢個係我嘅踢法，但我唔會自大到話我會繼續咁樣做，我哋要從錯誤中學習。」
態度正面嘅唔指球員，球迷亦一樣，有人指出呢個係艾利臣近50場比賽入面，第一個失誤引致失球 (error leading to goal)，唔需要擔心喎～
Source: ECHO、Goal
請按此登錄後留言。未成為會員? 立即註冊