祖雲達斯前鋒希古恩最近盛傳將會離隊，特別係C朗拿度加盟之後，祖雲達斯前場變得擁擠，好大機會有人需要離隊。根據最新報導，希古恩好大機會成為離開祖雲達斯嗰個。
《Sky Sports》報導，希古恩哥哥兼經理人 Nicolas 將會與祖雲達斯管理層會面，商討去向。報導指出，希古恩希望首先同球會達成離隊協議，肯定球會將會放人，然後再同其他球會接洽。
最近嘅傳會傳聞，認為車路士新帥沙利可能想同希古恩再續前緣，不過報導引述意大利《Sky Sports》消息，指現階段車路士並未直接聯絡過希古恩，反而德甲球隊多蒙特對希古恩感到興趣。
近期關於希古恩最熾熱嘅傳聞，一定係同AC米蘭。意大利媒體《Gianluca di Marzio》指，祖雲達斯同意以2,000萬歐元借用費加3,500萬歐元買斷價，以先租後賣方式，放售希古恩予AC米蘭。
不過，《Sky Sports》認為希古恩加盟AC米蘭嘅難度甚大，原因在於佢哋相信希古恩唔願意減薪加盟，而佢現時年薪約有750萬歐元，對於AC米蘭嚟講係太大負擔，更加唔可以忽略希古恩現階段走人，要求更高人工嘅可能性亦唔細。
尤其AC米蘭今夏曾經因為違反財政公平原則而一度被禁踢歐霸盃，只係最後成功上訴，佢哋現時一年雖要喺球員薪資方面付出約1.17億歐元，陣中最高薪球員剛好係盛傳離隊嘅邦路斯 (年薪750萬歐元) 及門將當拿隆馬 (年薪600萬歐元) 。米蘭要成功簽入希古恩，除咗要放走邦路斯之外，喺人工同轉會費方面亦要清出一定空間。
Source: Sky Sports、RossoneriBlog
《Sky Sports》報導，希古恩哥哥兼經理人 Nicolas 將會與祖雲達斯管理層會面，商討去向。報導指出，希古恩希望首先同球會達成離隊協議，肯定球會將會放人，然後再同其他球會接洽。
最近嘅傳會傳聞，認為車路士新帥沙利可能想同希古恩再續前緣，不過報導引述意大利《Sky Sports》消息，指現階段車路士並未直接聯絡過希古恩，反而德甲球隊多蒙特對希古恩感到興趣。
近期關於希古恩最熾熱嘅傳聞，一定係同AC米蘭。意大利媒體《Gianluca di Marzio》指，祖雲達斯同意以2,000萬歐元借用費加3,500萬歐元買斷價，以先租後賣方式，放售希古恩予AC米蘭。
不過，《Sky Sports》認為希古恩加盟AC米蘭嘅難度甚大，原因在於佢哋相信希古恩唔願意減薪加盟，而佢現時年薪約有750萬歐元，對於AC米蘭嚟講係太大負擔，更加唔可以忽略希古恩現階段走人，要求更高人工嘅可能性亦唔細。
尤其AC米蘭今夏曾經因為違反財政公平原則而一度被禁踢歐霸盃，只係最後成功上訴，佢哋現時一年雖要喺球員薪資方面付出約1.17億歐元，陣中最高薪球員剛好係盛傳離隊嘅邦路斯 (年薪750萬歐元) 及門將當拿隆馬 (年薪600萬歐元) 。米蘭要成功簽入希古恩，除咗要放走邦路斯之外，喺人工同轉會費方面亦要清出一定空間。
Source: Sky Sports、RossoneriBlog
請按此登錄後留言。未成為會員? 立即註冊