根據較早前報導，西甲豪門皇家馬德里希望喺今個轉會窗內羅致車路士門將古圖斯，轉會費大約3,500萬歐元左右，不過球會之間嘅談判尚未完成。據悉車路士已經暫停有關談判，原因好大機會係因為要觀望其他球會嘅轉會動向。
比利時國門古圖斯同車路士嘅合約將會喺明夏到期，而球員已經多次明示或暗示自己未必會繼續留效。喺呢個情況之下，車路士避免人財兩失嘅動機十分明顯，因此有傳佢哋會以僅僅3,500萬歐元放售呢位陣中頭號門將。不過，根據另一啲傳聞，呢單轉會可能變得更為複雜，有機會涉及韋利安或夏薩特，可信性成疑。
根據《Sky Sports》最新報導，車路士已經暫停與皇馬相討古圖斯轉會事宜，直至球隊覓得一號門將替代人選為止，令到情況變得複雜。早前，消息指出車路士嘅目標係舊將施治，以及丹麥國門卡斯柏舒米高（《門將連環轉會分析：利物浦62M正式求購艾利臣，傳古圖斯登「艦」、施治「愛回家」》）。不過最近《Sky Sports》認為，車路士現階段頭號目標，係今屆世界盃躍升為英格蘭正選門將嘅碧福特。
碧福特為國出戰之後，現時正在度假，英國傳媒指喺佢休息過後，就會先同愛華頓進行續約談判。不過，碧福特同愛華頓嘅合約直至2022夏天，今次續約只係提高待遇防止挖角，即使續約唔成功，都唔代表愛華頓需要今個轉會窗就放人。所以，今次古圖斯去皇馬，又變成一串互相關連嘅轉會，要睇下愛華頓放唔放碧福特去車路士先得。
Source: Sky Sports
比利時國門古圖斯同車路士嘅合約將會喺明夏到期，而球員已經多次明示或暗示自己未必會繼續留效。喺呢個情況之下，車路士避免人財兩失嘅動機十分明顯，因此有傳佢哋會以僅僅3,500萬歐元放售呢位陣中頭號門將。不過，根據另一啲傳聞，呢單轉會可能變得更為複雜，有機會涉及韋利安或夏薩特，可信性成疑。
根據《Sky Sports》最新報導，車路士已經暫停與皇馬相討古圖斯轉會事宜，直至球隊覓得一號門將替代人選為止，令到情況變得複雜。早前，消息指出車路士嘅目標係舊將施治，以及丹麥國門卡斯柏舒米高（《門將連環轉會分析：利物浦62M正式求購艾利臣，傳古圖斯登「艦」、施治「愛回家」》）。不過最近《Sky Sports》認為，車路士現階段頭號目標，係今屆世界盃躍升為英格蘭正選門將嘅碧福特。
碧福特為國出戰之後，現時正在度假，英國傳媒指喺佢休息過後，就會先同愛華頓進行續約談判。不過，碧福特同愛華頓嘅合約直至2022夏天，今次續約只係提高待遇防止挖角，即使續約唔成功，都唔代表愛華頓需要今個轉會窗就放人。所以，今次古圖斯去皇馬，又變成一串互相關連嘅轉會，要睇下愛華頓放唔放碧福特去車路士先得。
Source: Sky Sports
請按此登錄後留言。未成為會員? 立即註冊