車路士換帥風波擾攘幾個月，直至藍軍終於喺噚日宣佈同干地解約，距離新球季展開仲有大約一個月，事情終於有定案。
根據《Sky Sports》報導，原主帥干地喺球隊展開集訓當日返回球會報到，並且同球會總監 Marina Granovskaia 會面2.5小時，最後正式離任。《Sky Sports》根據意大利消息，亦相信前拿玻里主帥沙利 (Maurizio Sarri) 已經與車路士簽約。
於干地正式離隊前兩日，拿玻里主席已透露，沙利與車路士嘅談判已經七七八八。消息指出，車路士喺此前一度因為沙利不時與意大利足協發生衝突而卻步，佢最近一次遇上紀律問題係喺1月，因為對於文仙尼發表恐同言論 (homophobic abuse) 而被罰款20,000歐元及停賽2場。
不過，車路士現已發表聲明宣佈呢位59歲意大利教頭上任，佢將會帶同車路士名宿、同為意大利人嘅蘇拿(Gianfranco Zola) 上任，的確係明智之舉。蘇拿球員生涯為車路士上陣229場，除咗可以作為沙利同球員之間嘅橋樑，亦曾經執教韋斯咸、屈福特、伯明翰三間英格蘭球會，有一定執教經驗，雖然唔算成功，但擔任副手應不成問題。另外，根據轉會傳聞，沙利亦可能與拿玻里中場佐真奴重逢。
Source: Sky Sports
根據《Sky Sports》報導，原主帥干地喺球隊展開集訓當日返回球會報到，並且同球會總監 Marina Granovskaia 會面2.5小時，最後正式離任。《Sky Sports》根據意大利消息，亦相信前拿玻里主帥沙利 (Maurizio Sarri) 已經與車路士簽約。
於干地正式離隊前兩日，拿玻里主席已透露，沙利與車路士嘅談判已經七七八八。消息指出，車路士喺此前一度因為沙利不時與意大利足協發生衝突而卻步，佢最近一次遇上紀律問題係喺1月，因為對於文仙尼發表恐同言論 (homophobic abuse) 而被罰款20,000歐元及停賽2場。
不過，車路士現已發表聲明宣佈呢位59歲意大利教頭上任，佢將會帶同車路士名宿、同為意大利人嘅蘇拿(Gianfranco Zola) 上任，的確係明智之舉。蘇拿球員生涯為車路士上陣229場，除咗可以作為沙利同球員之間嘅橋樑，亦曾經執教韋斯咸、屈福特、伯明翰三間英格蘭球會，有一定執教經驗，雖然唔算成功，但擔任副手應不成問題。另外，根據轉會傳聞，沙利亦可能與拿玻里中場佐真奴重逢。
Source: Sky Sports
請按此登錄後留言。未成為會員? 立即註冊