基沙文電視節目上宣佈留隊:「馬體會是我家」

睇足365 於 15/06/2018 發表 收藏文章
馬德里體育會球星基沙文一直受到多間球會關注,曾經傳聞將會加盟曼聯,直至近來與巴塞隆拿越行越近,巴塞同佢之間已經唔係傳聞咁簡單,而係巴塞確實接觸過基沙文,不過今次最終決定權始終喺球員手中,除咗有隊友公開講過希望並相信佢會留隊之外,基沙文自己亦曾表示會喺世界盃前盡快宣佈去向。


跟據較早前報導,巴塞主席巴杜美奧 (Josep Maria Bartomeu) 接受訪問時承認早已聯絡基沙文經理人,而美斯更公開表示希望基沙文來投。馬體會指巴塞涉嫌非法接觸基沙文,已經去國際足協提出抗議。巴塞確實正準備簽入基沙文,只要佢哋支付 1億歐元解約金,再得到球員同意個人條款,就可以如願以償,前者對巴塞嚟講應該不成問題,所以只剩後者,到底基沙文願唔願意去巴塞呢?

基沙文傳會風波擾攘太耐,令到馬體會球迷都感到不滿,認為佢心已不再馬德里,所以球迷仲試過喺主場比賽對呢位球隊核心報以噓聲,加上基沙文需要代表法國出戰世界盃,及早決定未來對佢嚟講係好事。

喺一個西班牙收費電視頻道特備節目《La Decision》上,基沙文提到曾經以為迪阿高哥斯達嘅加盟,意味著自己要離開,大家都以為佢已經同巴塞簽約,但其實事情並未發生,佢願意留低幫馬體會爭取更多冠軍。


基沙文之後喺Twitter上表明心跡:

loading



Source: MarcaBBC

留言


請按此登錄後留言。未成為會員? 立即註冊
    快捷鍵:←
    快捷鍵:→