英超冠軍早已塵埃落定，但護級形勢爭持激烈，仍有兩個降班位置待最後兩輪英超分出高下。據 Sheffield Hallam University 一名足球財政專家估計，英超球隊一旦護級失敗，意味著失去來季喺英超嘅1.2億鎊收入，只會得到降班保護傘計劃提供嘅4,000萬鎊，餘下幾支護級球隊自然爭崩頭。
喺香港時間5月9日02:45，英超第31輪補賽將會上演一場護級「六分波」，由史雲斯主場對修咸頓。賽前，雙方36場聯賽過後同得33分，修咸頓以得失球差 -19 排第17位，而史雲斯得失球差只有 -26 ，排第18。今仗勝出嘅一方將會處於護級十分有利嘅形勢，而落敗一方就好大機會需要降班。另外，史雲斯喺最後一場比賽只需要對已鐵定降班嘅史篤城，修咸頓最後一場就要對冠軍曼城，預計即使曼城「hea踢」，修咸頓都絕對唔易拎分，所以史雲斯同修咸頓雙方極大機會兩隊只能活一隊。
球隊作客一般都會提早到達當地住酒店（除非兩隊位置太近），今次修咸頓雖然早已經喺上個月預訂史雲斯萬豪酒店40間房，但突然被拒入住。據當地報導，史雲斯萬豪酒店係全史雲斯唯一能夠容納一支英超球隊嘅酒店，但呢間酒店以出現「病毒」為由，稱未能為修咸頓提供房間，不過竟然可以繼續對公眾開放。
結果，修咸頓需要臨時改到卡迪夫住酒店，由3英里約10分鐘路程變成40英里約1 小時20分鐘路程，加上由卡迪夫前往史雲斯嘅公路可能會出現大塞車，令修咸頓極為不便。報導稱內部人士認為球隊受到「有心人」 刻意刁難。當然，酒店還酒店，球隊還球隊，只係事情實在太過巧合。
Source: Daily Mail
喺香港時間5月9日02:45，英超第31輪補賽將會上演一場護級「六分波」，由史雲斯主場對修咸頓。賽前，雙方36場聯賽過後同得33分，修咸頓以得失球差 -19 排第17位，而史雲斯得失球差只有 -26 ，排第18。今仗勝出嘅一方將會處於護級十分有利嘅形勢，而落敗一方就好大機會需要降班。另外，史雲斯喺最後一場比賽只需要對已鐵定降班嘅史篤城，修咸頓最後一場就要對冠軍曼城，預計即使曼城「hea踢」，修咸頓都絕對唔易拎分，所以史雲斯同修咸頓雙方極大機會兩隊只能活一隊。
球隊作客一般都會提早到達當地住酒店（除非兩隊位置太近），今次修咸頓雖然早已經喺上個月預訂史雲斯萬豪酒店40間房，但突然被拒入住。據當地報導，史雲斯萬豪酒店係全史雲斯唯一能夠容納一支英超球隊嘅酒店，但呢間酒店以出現「病毒」為由，稱未能為修咸頓提供房間，不過竟然可以繼續對公眾開放。
結果，修咸頓需要臨時改到卡迪夫住酒店，由3英里約10分鐘路程變成40英里約1 小時20分鐘路程，加上由卡迪夫前往史雲斯嘅公路可能會出現大塞車，令修咸頓極為不便。報導稱內部人士認為球隊受到「有心人」 刻意刁難。當然，酒店還酒店，球隊還球隊，只係事情實在太過巧合。
Source: Daily Mail
請按此登錄後留言。未成為會員? 立即註冊