莫拉達單刀射斜，被換出發脾氣掟嘢　網民：廢過韋大帝

車路士喺香港時間周四深夜作客般尼，以2-1擊敗對手。領隊干地今仗派出基奧特及莫拉達嘅「雙塔」陣容攻堅，莫拉達喺下半場單刀失機，又喺被換出後發脾氣……


西班牙前鋒莫拉達以高價由皇家馬德里加盟，球迷自然對佢寄予厚望，不過佢除咗喺開季初段交出不俗入球率之外就再無建樹，亦未能擔任球隊支點，先令干地喺冬季轉會窗購入基奧特。莫拉達嘅信心似乎受到動搖，一啲以往能夠把握嘅機會，都無法把握。


喺今場比賽54分鐘，車路士中場簡迪送出致命直線，令莫拉達喺中場線附近已形成單刀，身後嘅最後一名守將勞頓苦追不及，莫拉達推進至12碼點位置面對門將普比，一腳射斜，令人失望至極。

https://i.imgur.com/4Mtulb2.gif

稍後於71分鐘，領隊干地將佢換走，以夏薩特入替，返到後備席嘅莫拉達顯得十分氣憤，被拍到掟嘢發洩，又喃喃自語。佢賽後喺 Twitter 上解釋，只係對於自己失機感到生氣，而唔係不滿被干地換走。
https://i.imgur.com/waYkj59.gif

唔止莫拉達自己嬲，球迷明顯仲嬲過佢，有球迷仲話覺得佢係英超前六球隊最差前鋒，仲渣過阿仙奴嘅韋碧克喎！




不過睇開阿仙奴嘅小弟就唔敢講韋碧克肯定入到呢一球，加上仲有呢一腳：

https://i.imgur.com/5WFY7I0.gif