有時做老闆嘅，心情好多會請下班員工食嘢，振奮下士氣，但原來咁樣做喺英乙係不被允許，真係夠特別，搞到呢位良心老闆鬼咁嬲。
英乙球會阿克寧頓 (Accrington Stanley) 現時喺英乙少賽兩場之下仍然高據榜首，來季有機會升上英甲，原來班主有特別嘅鼓勵士氣方法，就係贏波會請全體食飯。阿克寧頓班主 Andy Holt 最近就喺 Twitter 上面抱怨，自己呢個行為竟然惹上麻煩，認真荒謬。
Andy Holt 話自己會喺球隊贏波之後請大家食麥當勞或者類似食物，但最近竟然因此收到英格蘭聯賽會信件，要求佢解釋喎。原因係根據英格蘭聯賽會規定第61.6條，"full details of all payments to or benefits paid in cash or in kind on behalf of players must be included in the standard contract" 簡單嚟講即係話班主向球員提供任何形式嘅報酬都要白紙黑字寫落合約，。
呢條規定嘅設立一定有佢嘅因由，但衰在冇設定豁免限額，正如香港公務員受《防止賄賂條例》規定原則上唔可以收禮物，但都有豁免金額同申報機制。聯賽會居然因為班主請食麥記而展開調查，實在荒謬，而且呢位班主只係拎咗唔夠 200 英鎊出嚟，都要俾人查，難怪佢咁激氣，佢喺 Twitter 上面話佢好懷疑如果唔係自己犯下呢個「錯誤」，賽會班人嘅生活到底有幾苦悶。
賽會發言人確認呢件事，話由於睇到班主喺 Twitter 上面提到向球員提供「額外報酬」，所以發信要求球會作出解釋，而球會已經回覆，賽會將會考慮是否作出行動。
班主就話，呢啲係佢自掏荷包嘅錢而唔係球會資金，自己有權決定點樣用自己嘅錢，佢都試過請球迷去酒吧飲嘢，完全唔覺得有問題，認為要捍衛自己請人食漢堡包嘅權利。不過佢就表示一啲都唔擔心後果，認為最多都係入紙申請返，然後用球會錢埋單，但其實最終都係用返佢啲錢。
Source: BBC
英乙球會阿克寧頓 (Accrington Stanley) 現時喺英乙少賽兩場之下仍然高據榜首，來季有機會升上英甲，原來班主有特別嘅鼓勵士氣方法，就係贏波會請全體食飯。阿克寧頓班主 Andy Holt 最近就喺 Twitter 上面抱怨，自己呢個行為竟然惹上麻煩，認真荒謬。
Andy Holt 話自己會喺球隊贏波之後請大家食麥當勞或者類似食物，但最近竟然因此收到英格蘭聯賽會信件，要求佢解釋喎。原因係根據英格蘭聯賽會規定第61.6條，"full details of all payments to or benefits paid in cash or in kind on behalf of players must be included in the standard contract" 簡單嚟講即係話班主向球員提供任何形式嘅報酬都要白紙黑字寫落合約，。
呢條規定嘅設立一定有佢嘅因由，但衰在冇設定豁免限額，正如香港公務員受《防止賄賂條例》規定原則上唔可以收禮物，但都有豁免金額同申報機制。聯賽會居然因為班主請食麥記而展開調查，實在荒謬，而且呢位班主只係拎咗唔夠 200 英鎊出嚟，都要俾人查，難怪佢咁激氣，佢喺 Twitter 上面話佢好懷疑如果唔係自己犯下呢個「錯誤」，賽會班人嘅生活到底有幾苦悶。
賽會發言人確認呢件事，話由於睇到班主喺 Twitter 上面提到向球員提供「額外報酬」，所以發信要求球會作出解釋，而球會已經回覆，賽會將會考慮是否作出行動。
班主就話，呢啲係佢自掏荷包嘅錢而唔係球會資金，自己有權決定點樣用自己嘅錢，佢都試過請球迷去酒吧飲嘢，完全唔覺得有問題，認為要捍衛自己請人食漢堡包嘅權利。不過佢就表示一啲都唔擔心後果，認為最多都係入紙申請返，然後用球會錢埋單，但其實最終都係用返佢啲錢。
Source: BBC
請按此登錄後留言。未成為會員? 立即註冊