般尼茅夫前鋒迪科爾雖然已經35歲，但佢近日接受訪問時表示，仍然希望用表現爭取再次入選英格蘭國家隊，出戰今屆世界盃決賽周。
迪科爾最近喺英超作客屈福特一戰，後備登場，補時射入扳平 2-2 一球，但只係收獲佢今季第四個聯賽入球。除咗年紀漸大，最主要係佢今季經歷腳踝受傷，自12月以嚟冇再為般尼茅夫正選上陣。
因此，可以理解，呢位英格蘭老牌射手並冇入選最近國際友賽大軍名單。其實迪科爾嘅年紀並非最大障礙，因為佢似乎喺唔同球隊都有穩定入球效率，有供應就有波入，更加曾經喺世界盃外圍賽得到英格蘭主帥修夫基信任，不過傷患導致佢今季下半季上陣時間唔多，而家要用表現去爭取重返國家隊，難度極大。
「我錯過咗最近三次國家隊大名單。我可以入到更多波，但我知道首先要得到更多上陣時間。
我花咗好大努力去重返國家隊，而且我係以英格蘭球員身份加盟般尼茅夫嘅。我幾個月前就同主帥 (修夫基) 傾過，我都明白我需要喺球會有得上陣，唔能夠因為我過去喺國家隊嘅表現就假定自己值得入選。
我需要上陣、需要有表現、需要入波，一旦我開始咁樣做，我就會覺得自己準備好去俄羅斯喇。我相信只要我可以穩定咁上陣，我就會有波入，因為呢樣係我一直做嘅嘢。」
迪科爾為英格蘭國家隊上陣57場，射入20球，效率不俗，不過佢喺鋒線上需要面對李斯特城前鋒占美華迪嘅競爭，類型有些微相似嘅後者無疑比佢更加當打，而健康嘅哈利簡尼更係必然之選。坦白講句，唔係話佢唔夠班，但若果英軍今屆仍要選入呢位老將，實在唔係一件健康嘅事，相信英迷都唔樂意見到……不過如果迪科爾嚟緊場場有波入，帶個有經驗嘅老將看門口又點話呢！
Source: BBC、Sky Sports
迪科爾最近喺英超作客屈福特一戰，後備登場，補時射入扳平 2-2 一球，但只係收獲佢今季第四個聯賽入球。除咗年紀漸大，最主要係佢今季經歷腳踝受傷，自12月以嚟冇再為般尼茅夫正選上陣。
因此，可以理解，呢位英格蘭老牌射手並冇入選最近國際友賽大軍名單。其實迪科爾嘅年紀並非最大障礙，因為佢似乎喺唔同球隊都有穩定入球效率，有供應就有波入，更加曾經喺世界盃外圍賽得到英格蘭主帥修夫基信任，不過傷患導致佢今季下半季上陣時間唔多，而家要用表現去爭取重返國家隊，難度極大。
「我錯過咗最近三次國家隊大名單。我可以入到更多波，但我知道首先要得到更多上陣時間。
我花咗好大努力去重返國家隊，而且我係以英格蘭球員身份加盟般尼茅夫嘅。我幾個月前就同主帥 (修夫基) 傾過，我都明白我需要喺球會有得上陣，唔能夠因為我過去喺國家隊嘅表現就假定自己值得入選。
我需要上陣、需要有表現、需要入波，一旦我開始咁樣做，我就會覺得自己準備好去俄羅斯喇。我相信只要我可以穩定咁上陣，我就會有波入，因為呢樣係我一直做嘅嘢。」
迪科爾為英格蘭國家隊上陣57場，射入20球，效率不俗，不過佢喺鋒線上需要面對李斯特城前鋒占美華迪嘅競爭，類型有些微相似嘅後者無疑比佢更加當打，而健康嘅哈利簡尼更係必然之選。坦白講句，唔係話佢唔夠班，但若果英軍今屆仍要選入呢位老將，實在唔係一件健康嘅事，相信英迷都唔樂意見到……不過如果迪科爾嚟緊場場有波入，帶個有經驗嘅老將看門口又點話呢！
Source: BBC、Sky Sports
請按此登錄後留言。未成為會員? 立即註冊