英超球隊史篤城今季面臨降班危機，輸俾阿仙奴之後，踼咗32場聯賽，只得27分，排第19位。最近，佢哋都有一啲負面消息，例如有阿費利因為態度差勁，被禁止參加操練及比賽，直至球季結束為止，如果指控屬實，球會果斷咁樣做好合理，因為護級關頭最重要係球隊上下團結一致。不過沙基利呢單又點計呢？
喺史篤城作客阿仙奴之前，史篤城嘅瑞士國腳沙基利就接受訪問，佢竟然喺訪問中話，由於隊友質素所限，自己冇咩可以做到：
「我覺得就算係朗拿甸奴嚟到呢度，都做唔到啲乜。
我要明白，而家同以前喺拜仁有列貝利同堤亞高或者喺國米有伊卡迪同高華錫，係好唔同。
喺史篤城呢度，我發揮唔到咩影響力，只係因為身邊缺乏有質素嘅球員。」
睇返沙基利，其實佢喺拜仁同國米表現都唔算出色，拜仁時期還好，但去到國米同史篤城，個人認為係雷聲大雨點小，係咪真係有資格嫌棄自己隊友呢？仲要喺護級關頭講啲咁嘅嘢，證明佢講嘢唔經大腦，即刻明白點解生涯越踼越沉，史篤城絕對啱你踼。陣前亂軍心者，當斬。既然阿費利要被趕走，沙基利又點計先？不過沙基利係球隊主力，相信球會都敢做啲咩喇⋯⋯
( 補充: 睇到有球迷叫我睇返阿仙奴對史篤城場波，其實我係有睇足90分鐘嘅，但完全冇影響以上對沙基利嘅評價，因為小弟從來冇否定一點，就係「沙基利係史篤城陣中較具質素一人」，大家可以再睇一次，絕冇否定「沙基利係史篤城陣中較具質素一人」，但事情係要分開去睇。
第一，即使「沙基利係史篤城陣中較具質素一人」，唔代表佢勁到足以有資格嫌棄自己隊友。
第二，即使「沙基利係史篤城陣中較具質素一人」，佢喺呢個關鍵時刻公開講呢番說話，反映佢一係智慧有限，一係心態有問題，縱使球技再高，級數都注定有限。就算C朗有時會不滿隊友，都絕對唔會喺關鍵賽事前咁樣講，反而會講鼓勵說話，對於史篤城，嚟緊每一場都係關鍵。
第三，朗拿甸奴一定唔會咁講，值得尊重嘅球星唔會講呢啲說話，何況沙基利距離世界頂級不知差幾多萬丈遠……
唔係唔可以批評隊友，但呢個時候批評隊友嘅用意一般係激起大家鬥志，例如科蘭喺傑志經歷亞冠大敗，佢唔會同記者講「身邊啲隊友質素太差，冇得救」，而係批評隊友嘅鬥志不足，話如果大家努力啲就唔會輸咁多。
如果沙基利係講隊友唔夠搏命，激勵大家餘下比賽要齊心搏盡，咁冇人會反對，但佢所講嘅係隊友本身就唔夠班同佢踢波，有推卸責任之嫌，同時亦係將自己抽離於團隊，談何齊心搏盡？咁樣嘅態度真係冇問題？)
Source: Telegraph、Goal
喺史篤城作客阿仙奴之前，史篤城嘅瑞士國腳沙基利就接受訪問，佢竟然喺訪問中話，由於隊友質素所限，自己冇咩可以做到：
「我覺得就算係朗拿甸奴嚟到呢度，都做唔到啲乜。
我要明白，而家同以前喺拜仁有列貝利同堤亞高或者喺國米有伊卡迪同高華錫，係好唔同。
喺史篤城呢度，我發揮唔到咩影響力，只係因為身邊缺乏有質素嘅球員。」
睇返沙基利，其實佢喺拜仁同國米表現都唔算出色，拜仁時期還好，但去到國米同史篤城，個人認為係雷聲大雨點小，係咪真係有資格嫌棄自己隊友呢？仲要喺護級關頭講啲咁嘅嘢，證明佢講嘢唔經大腦，即刻明白點解生涯越踼越沉，史篤城絕對啱你踼。陣前亂軍心者，當斬。既然阿費利要被趕走，沙基利又點計先？不過沙基利係球隊主力，相信球會都敢做啲咩喇⋯⋯
( 補充: 睇到有球迷叫我睇返阿仙奴對史篤城場波，其實我係有睇足90分鐘嘅，但完全冇影響以上對沙基利嘅評價，因為小弟從來冇否定一點，就係「沙基利係史篤城陣中較具質素一人」，大家可以再睇一次，絕冇否定「沙基利係史篤城陣中較具質素一人」，但事情係要分開去睇。
第一，即使「沙基利係史篤城陣中較具質素一人」，唔代表佢勁到足以有資格嫌棄自己隊友。
第二，即使「沙基利係史篤城陣中較具質素一人」，佢喺呢個關鍵時刻公開講呢番說話，反映佢一係智慧有限，一係心態有問題，縱使球技再高，級數都注定有限。就算C朗有時會不滿隊友，都絕對唔會喺關鍵賽事前咁樣講，反而會講鼓勵說話，對於史篤城，嚟緊每一場都係關鍵。
第三，朗拿甸奴一定唔會咁講，值得尊重嘅球星唔會講呢啲說話，何況沙基利距離世界頂級不知差幾多萬丈遠……
唔係唔可以批評隊友，但呢個時候批評隊友嘅用意一般係激起大家鬥志，例如科蘭喺傑志經歷亞冠大敗，佢唔會同記者講「身邊啲隊友質素太差，冇得救」，而係批評隊友嘅鬥志不足，話如果大家努力啲就唔會輸咁多。
如果沙基利係講隊友唔夠搏命，激勵大家餘下比賽要齊心搏盡，咁冇人會反對，但佢所講嘅係隊友本身就唔夠班同佢踢波，有推卸責任之嫌，同時亦係將自己抽離於團隊，談何齊心搏盡？咁樣嘅態度真係冇問題？)
Source: Telegraph、Goal
請按此登錄後留言。未成為會員? 立即註冊