瑞典前鋒伊巴謙莫域經歷嚴重傷患，早前奇蹟般提早復出，但隨後又再因傷缺陣，相信好大機會喺季後約滿離隊，而曼聯領隊摩連奴近日都承認此事。
36歲嘅伊巴謙莫域自從喺 Boxing Day 上陣鬥般尼之後，就再冇為紅魔上陣。佢今季總共只錄得各項賽事7次上陣，其中5次英超上陣及於聯賽盃射入1球，似乎礙於年紀及傷病問題，難以再為曼聯作出貢獻，離隊對雙方都係好事。
領隊摩連奴最近就坦言，佢都相信係咁：
「對於伊巴嚟講，我哋所有人都認為，今季將會係佢喺曼聯嘅最後一季。至於繼唔繼續踢波，就係佢非常私人嘅決定。
我諗佢有權去決定自己嘅生活、佢嘅將來。佢係一個非常出色嘅球員，有一個非常出色嘅生涯，只係喺唁適當嘅時候出現咗傷患，摧毀咗佢本來可以喺度渡過嘅幾個球季。
今季對佢嚟講好難過。佢係咪傷咗？唔係。佢係咪覺得好開心，而且確信自己嘅狀態可以幫助球隊？都唔係。
不過佢就係一個坦承嘅人，亦係一個贏家，佢想喺覺得『我已經完全準備好』嘅時候先返嚟。佢一直努力，希望佢可以返到嗰個水平。」
另外，美職聯球隊洛杉磯銀河有意邀請伊巴謙莫域加盟，都唔係近期嘅事，但傳聞最近再次被重提。近日瑞典傳媒報導，伊巴謙莫域對於登陸美職聯似乎感到興趣：「我之前都唔知原來有啲瑞典球員喺美職聯踢波，咁即係代表喺美國踢波其實都幾吸引。洛杉磯係一個好正嘅城市，我都成日去渡假。成日都有關於我嘅傳聞。當我有落場踢波或者冇落場，都會有傳聞。咁係好事，證明我仲在生。」
Source: Telegraph、Guardian、ESPN
36歲嘅伊巴謙莫域自從喺 Boxing Day 上陣鬥般尼之後，就再冇為紅魔上陣。佢今季總共只錄得各項賽事7次上陣，其中5次英超上陣及於聯賽盃射入1球，似乎礙於年紀及傷病問題，難以再為曼聯作出貢獻，離隊對雙方都係好事。
領隊摩連奴最近就坦言，佢都相信係咁：
「對於伊巴嚟講，我哋所有人都認為，今季將會係佢喺曼聯嘅最後一季。至於繼唔繼續踢波，就係佢非常私人嘅決定。
我諗佢有權去決定自己嘅生活、佢嘅將來。佢係一個非常出色嘅球員，有一個非常出色嘅生涯，只係喺唁適當嘅時候出現咗傷患，摧毀咗佢本來可以喺度渡過嘅幾個球季。
今季對佢嚟講好難過。佢係咪傷咗？唔係。佢係咪覺得好開心，而且確信自己嘅狀態可以幫助球隊？都唔係。
不過佢就係一個坦承嘅人，亦係一個贏家，佢想喺覺得『我已經完全準備好』嘅時候先返嚟。佢一直努力，希望佢可以返到嗰個水平。」
另外，美職聯球隊洛杉磯銀河有意邀請伊巴謙莫域加盟，都唔係近期嘅事，但傳聞最近再次被重提。近日瑞典傳媒報導，伊巴謙莫域對於登陸美職聯似乎感到興趣：「我之前都唔知原來有啲瑞典球員喺美職聯踢波，咁即係代表喺美國踢波其實都幾吸引。洛杉磯係一個好正嘅城市，我都成日去渡假。成日都有關於我嘅傳聞。當我有落場踢波或者冇落場，都會有傳聞。咁係好事，證明我仲在生。」
Source: Telegraph、Guardian、ESPN
請按此登錄後留言。未成為會員? 立即註冊