要數一位近年keep住受傷，又可以keep住有好表現嘅公認好波「玻璃人」，點都會數到萊斯 (Marco Reus；馬高列奧斯) 。佢喺2014世界盃決賽周之前因傷退隊，令德國球迷十分傷心，而德國喺當屆嘅奪冠賠率更即時上升，間接反映出球迷對萊斯實力嘅評價。雖然萊斯因為經常受傷患困擾，始終冇喺世界盃之類嘅大賽發光發熱，但德國名宿森馬 (Matthias Sammer) 就話，覺得萊斯嘅堅毅不屈，令佢比C朗美斯更值得尊重。
28歲嘅德國國腳萊斯，曾經話過佢偶像係前多蒙特及阿仙奴球星路斯基，可惜佢都好似路斯基咁，成為公認好波「玻璃人」。2013-14球季可能係萊斯嘅巔峰，佢當季喺德甲為多蒙特上陣30場錄得16入球14助攻，場均製造一個入球，而佢喺2014世界盃外圍賽亦表現出色，自然令人十分期待佢喺世界盃決賽周成為德國隊領軍人物。不過佢喺決賽周開始之前因傷退隊，無法隨德國隊捧起大力神盃。
之後佢都冇遠離過傷患，單係由16-17球季至今，已經合共養傷304日，缺陣40場聯賽。最近，佢終於由2017年5月嘅傷患中康復，連續三場德甲上陣超過70分鐘，除咗復出第一仗對漢堡冇入波，之後連續兩場都有進賬，包括啱啱喺德甲對奧格斯堡成功後上補射，可惜球隊最終以1-1和波，未能拿下四連勝。
https://imgur.com/rXPdOvd.gifhttps://i.imgur.com/5MGMZhW.gif
有見萊斯復出表現如此勇猛，前多蒙特冠軍領隊及前拜仁體育總監森馬都忍唔住大讚呢位後輩：「我完全俾萊斯嘅表現說服，因為佢嘅經歷，令我對佢嘅尊重更多。
如果你拎C朗、美斯嚟講，佢兩個一直好少嚴重傷患而且可以keep到十年都有神級表現，咁當然係好勁，我都尊重佢哋。
不過我覺得要考慮到萊斯嘅經歷，簡直係人生嘅課堂。佢對於好多人嚟講係真正嘅榜樣。永不放棄、不斷努力、闖過困境，呢個就係萊斯。」
Source: Goal、Transfermarkt
28歲嘅德國國腳萊斯，曾經話過佢偶像係前多蒙特及阿仙奴球星路斯基，可惜佢都好似路斯基咁，成為公認好波「玻璃人」。2013-14球季可能係萊斯嘅巔峰，佢當季喺德甲為多蒙特上陣30場錄得16入球14助攻，場均製造一個入球，而佢喺2014世界盃外圍賽亦表現出色，自然令人十分期待佢喺世界盃決賽周成為德國隊領軍人物。不過佢喺決賽周開始之前因傷退隊，無法隨德國隊捧起大力神盃。
之後佢都冇遠離過傷患，單係由16-17球季至今，已經合共養傷304日，缺陣40場聯賽。最近，佢終於由2017年5月嘅傷患中康復，連續三場德甲上陣超過70分鐘，除咗復出第一仗對漢堡冇入波，之後連續兩場都有進賬，包括啱啱喺德甲對奧格斯堡成功後上補射，可惜球隊最終以1-1和波，未能拿下四連勝。
https://imgur.com/rXPdOvd.gifhttps://i.imgur.com/5MGMZhW.gif
有見萊斯復出表現如此勇猛，前多蒙特冠軍領隊及前拜仁體育總監森馬都忍唔住大讚呢位後輩：「我完全俾萊斯嘅表現說服，因為佢嘅經歷，令我對佢嘅尊重更多。
如果你拎C朗、美斯嚟講，佢兩個一直好少嚴重傷患而且可以keep到十年都有神級表現，咁當然係好勁，我都尊重佢哋。
不過我覺得要考慮到萊斯嘅經歷，簡直係人生嘅課堂。佢對於好多人嚟講係真正嘅榜樣。永不放棄、不斷努力、闖過困境，呢個就係萊斯。」
Source: Goal、Transfermarkt
請按此登錄後留言。未成為會員? 立即註冊