自從李斯特城奇蹟封王，一批功臣受到追撐，當時占美華迪同馬列斯都同多間球會拉上關係，中場孖寶簡迪同真禾特先後投奔藍軍，占美華迪錯過咗第一個轉會窗之後，因為年紀唔細，已經好難得到大球會青睞，只剩返馬列斯一人，一直想走、一直有人想要，而又走唔到。
26歲嘅馬列斯正值當打之年，喺轉會市場上絕對係有價有市，早前有報導指馬列斯不滿李城多番承諾放佢離隊但硬留佢四個轉會窗，終於忍無可忍憤而罷操。喺大約一個星期之前，《Sky Sports》指曼城喺利萊辛尼受傷後多番報價求購馬列斯，喺最後一次報價，提出以一名球員加現金交換，總值達到6,500萬鎊，但李斯特城還價接近9,500萬鎊，令曼城放棄。
當時，《Sky Sports》表示馬列斯透過一位朋友表明十分失望，稱自己一直為李城獻出所有，但被硬留四個轉會窗，十分失望。馬列斯喺轉會窗截止期前後失去蹤影，冇向球會報到兼罷操。不過，佢近日已經返到球會參加操練，並發聲明反擊。
「過去10日，有好多人自稱係我朋友，同圍講一啲佢哋唔知道嘅嘢。然後好多人同記者都喺冇查清真相嘅情況之下，作出一啲唔真實嘅假設，我要講清楚，呢啲有關我缺席操練嘅設想，係唔真實嘅。」
「李城一直都知道我嘅行蹤，亦都直接從我或者我嘅顧問口中得知我嘅想法。我同李城一齊有過好多成功經歷，包括升班同奪冠。我嘅目標一直冇變，我一直都為球會、球迷同隊友盡100%努力。呢樣嘢永遠都唔會變，當我被要求留喺李城成為球隊一分子嘅時候，我會繼續全力以赴。」
咁樣講法真係同之前嘅報導各執一詞，不過假設之前嘅報導係真，呢個都係馬列斯需要嘅落台階，可能佢一時意氣之後，終於諗通，萬一同球會反面，坐到2021年完約，到時就唔會有人想要佢架喇。順帶一提，李斯特城即將要喺香港時間2月11日凌晨作客曼城，亦即係馬列斯嘅潛在下家，唔知佢會唔會上陣爭取表現呢？
Source: Sky Sports、BBC
26歲嘅馬列斯正值當打之年，喺轉會市場上絕對係有價有市，早前有報導指馬列斯不滿李城多番承諾放佢離隊但硬留佢四個轉會窗，終於忍無可忍憤而罷操。喺大約一個星期之前，《Sky Sports》指曼城喺利萊辛尼受傷後多番報價求購馬列斯，喺最後一次報價，提出以一名球員加現金交換，總值達到6,500萬鎊，但李斯特城還價接近9,500萬鎊，令曼城放棄。
當時，《Sky Sports》表示馬列斯透過一位朋友表明十分失望，稱自己一直為李城獻出所有，但被硬留四個轉會窗，十分失望。馬列斯喺轉會窗截止期前後失去蹤影，冇向球會報到兼罷操。不過，佢近日已經返到球會參加操練，並發聲明反擊。
「過去10日，有好多人自稱係我朋友，同圍講一啲佢哋唔知道嘅嘢。然後好多人同記者都喺冇查清真相嘅情況之下，作出一啲唔真實嘅假設，我要講清楚，呢啲有關我缺席操練嘅設想，係唔真實嘅。」
「李城一直都知道我嘅行蹤，亦都直接從我或者我嘅顧問口中得知我嘅想法。我同李城一齊有過好多成功經歷，包括升班同奪冠。我嘅目標一直冇變，我一直都為球會、球迷同隊友盡100%努力。呢樣嘢永遠都唔會變，當我被要求留喺李城成為球隊一分子嘅時候，我會繼續全力以赴。」
咁樣講法真係同之前嘅報導各執一詞，不過假設之前嘅報導係真，呢個都係馬列斯需要嘅落台階，可能佢一時意氣之後，終於諗通，萬一同球會反面，坐到2021年完約，到時就唔會有人想要佢架喇。順帶一提，李斯特城即將要喺香港時間2月11日凌晨作客曼城，亦即係馬列斯嘅潛在下家，唔知佢會唔會上陣爭取表現呢？
Source: Sky Sports、BBC
請按此登錄後留言。未成為會員? 立即註冊