英國時間1月22日周一，曼聯官方宣佈智利球星山齊士加盟，此前曼聯、山齊士、阿仙奴及米希達恩談判已久，喺官方宣佈轉會消息之前，山齊士一早已經離開阿仙奴，準備轉會手續，不過佢可能因此惹上麻煩。
據西班牙傳媒較早前報導，歐洲足協嘅藥物控制部門曾經喺英國時間周一，派人去到阿仙奴訓練場，搵「山神」做抽樣藥檢測試，但結果冇見到佢，令佢可能因為喺藥檢時「行蹤不明」而被罰。不過，歐洲足協事後否認牽涉喺事件當中。
點知冇幾耐之後，阿仙奴領隊雲加就承認，山齊士的確喺當日錯過咗藥檢。《Sky Sports》報導指，山齊士、曼聯及阿仙奴喺事後，暫時未受到英國足協或英國反興奮劑組織就相關事件嘅接觸，而英國足協及英國反興奮劑亦未回覆《Sky Sports》嘅查詢。
雲加同記者解釋，話當時山齊士處理緊轉會，已經去到曼徹斯特，所以咁啱錯過咗藥檢，但認為責任喺阿仙奴呢邊：
「坦白講，喺行政上呢個一定係我哋責任，因為喺當時山齊士仲未正式轉會，所以責任喺我哋身上。
今次係特別情況，因為佢當時已經同經理人去咗第二度，佢曾經接受過好多次測試，完全唔需要擔心佢有禁藥問題，只係咁唔好彩要喺呢一日接受測試。
我一啲都唔驚，因為我哋一向都好合作，我自己都曾經有份推動足球反興奮劑運動，今次係一個特別事件。
最重要都係用意，山齊士同我哋都一樣無意隱藏，亦冇嘢需要隱藏。」
根據相關規例，球會同球員需要提供訓練時間表及地點，以便突擊檢查，如果球員喺12個月內三度「行蹤不明」，就會被足協處罰。因此，原則上只要阿仙奴或山齊士能事先將行程通知有關部門，應該可以避免今次事件。
另外，《BBC》指出，曼城及般尼茅夫去年曾經因違反相關規例被罰款35,000鎊。前曼聯中堅里奧費迪南，亦曾經喺2003年錯過藥檢，被足協紀律委員會重罰停賽八個月及罰款50,000鎊！
Source: Sky Sports、BBC、Daily Mail
據西班牙傳媒較早前報導，歐洲足協嘅藥物控制部門曾經喺英國時間周一，派人去到阿仙奴訓練場，搵「山神」做抽樣藥檢測試，但結果冇見到佢，令佢可能因為喺藥檢時「行蹤不明」而被罰。不過，歐洲足協事後否認牽涉喺事件當中。
點知冇幾耐之後，阿仙奴領隊雲加就承認，山齊士的確喺當日錯過咗藥檢。《Sky Sports》報導指，山齊士、曼聯及阿仙奴喺事後，暫時未受到英國足協或英國反興奮劑組織就相關事件嘅接觸，而英國足協及英國反興奮劑亦未回覆《Sky Sports》嘅查詢。
雲加同記者解釋，話當時山齊士處理緊轉會，已經去到曼徹斯特，所以咁啱錯過咗藥檢，但認為責任喺阿仙奴呢邊：
「坦白講，喺行政上呢個一定係我哋責任，因為喺當時山齊士仲未正式轉會，所以責任喺我哋身上。
今次係特別情況，因為佢當時已經同經理人去咗第二度，佢曾經接受過好多次測試，完全唔需要擔心佢有禁藥問題，只係咁唔好彩要喺呢一日接受測試。
我一啲都唔驚，因為我哋一向都好合作，我自己都曾經有份推動足球反興奮劑運動，今次係一個特別事件。
最重要都係用意，山齊士同我哋都一樣無意隱藏，亦冇嘢需要隱藏。」
根據相關規例，球會同球員需要提供訓練時間表及地點，以便突擊檢查，如果球員喺12個月內三度「行蹤不明」，就會被足協處罰。因此，原則上只要阿仙奴或山齊士能事先將行程通知有關部門，應該可以避免今次事件。
另外，《BBC》指出，曼城及般尼茅夫去年曾經因違反相關規例被罰款35,000鎊。前曼聯中堅里奧費迪南，亦曾經喺2003年錯過藥檢，被足協紀律委員會重罰停賽八個月及罰款50,000鎊！
Source: Sky Sports、BBC、Daily Mail
請按此登錄後留言。未成為會員? 立即註冊