車路士今夏引入前皇家馬德里前鋒莫拉達，呢位西班牙前鋒20場英超比賽射入10球，其實唔太差，不過佢近期連番失機，單刀屢屢不入，而車路士各項賽事近四場比賽只入一球，巴舒亞伊又難堪大用，令人思考車路士進攻體系到底係咪需要作出調整呢？
根據英國傳媒報導，最近車路士正物色前鋒人選，比較可信嘅《Sky Sports》近日報導，車路士正在求購韋斯咸前鋒卡路爾，但韋斯咸方面希望從這筆交易之中收取一筆可觀嘅轉會費。
另一方面，其他英國傳媒曾經指，車路士對史雲斯前鋒路蘭迪感興趣，更有報導話車路士連史篤城36歲中鋒高治都唔放過，呢個當然係得啖笑，而《Sky Sports》都已經向史篤城方面證實佢哋未收到正式報價。不過，由呢啲傳聞可以睇到，車路士依家搵緊嘅，應該係一個高大強壯嘅柱躉式中鋒，而佢嘅定位應該係嚟做一個後備球員。
阿仙奴名宿柏努亞 (Parlour) 最近就喺《Sky Sports》上面話，覺得兵工廠後備殺手基奧特係完美嘅人選。
「佢係完美嘅選擇。不過阿仙奴喺呢個時候，願唔願意再放人俾另一支競爭對手，又係另一回事。」
「不過我都幾肯定，如果車路士開出唔錯嘅條件的話，佢會有興趣，因為佢根本唔使搬，可以繼續留喺倫敦，情況就好似施治咁樣。」
另一名阿仙奴名宿美臣 (Paul Merson ) 都表示贊成：「簡直同車路士係天作之合。佢哋諗緊要買卡路爾，甚至有人話高治，其實基奧特就係答案。」
「如果佢哋想要一個高大強壯，而且可以後備上陣改變比賽嘅球員，我睇唔到有更好嘅選擇。基奧特被低估得太緊要。」
Source: Sky Sports
Chelsea make contact with West Ham to sign Andy Carroll
Olivier Giroud is the answer to Chelsea's striker search, says Ray Parlour
Stoke City deny Chelsea have made Peter Crouch approach
根據英國傳媒報導，最近車路士正物色前鋒人選，比較可信嘅《Sky Sports》近日報導，車路士正在求購韋斯咸前鋒卡路爾，但韋斯咸方面希望從這筆交易之中收取一筆可觀嘅轉會費。
另一方面，其他英國傳媒曾經指，車路士對史雲斯前鋒路蘭迪感興趣，更有報導話車路士連史篤城36歲中鋒高治都唔放過，呢個當然係得啖笑，而《Sky Sports》都已經向史篤城方面證實佢哋未收到正式報價。不過，由呢啲傳聞可以睇到，車路士依家搵緊嘅，應該係一個高大強壯嘅柱躉式中鋒，而佢嘅定位應該係嚟做一個後備球員。
阿仙奴名宿柏努亞 (Parlour) 最近就喺《Sky Sports》上面話，覺得兵工廠後備殺手基奧特係完美嘅人選。
「佢係完美嘅選擇。不過阿仙奴喺呢個時候，願唔願意再放人俾另一支競爭對手，又係另一回事。」
「不過我都幾肯定，如果車路士開出唔錯嘅條件的話，佢會有興趣，因為佢根本唔使搬，可以繼續留喺倫敦，情況就好似施治咁樣。」
另一名阿仙奴名宿美臣 (Paul Merson ) 都表示贊成：「簡直同車路士係天作之合。佢哋諗緊要買卡路爾，甚至有人話高治，其實基奧特就係答案。」
「如果佢哋想要一個高大強壯，而且可以後備上陣改變比賽嘅球員，我睇唔到有更好嘅選擇。基奧特被低估得太緊要。」
Source: Sky Sports
Chelsea make contact with West Ham to sign Andy Carroll
Olivier Giroud is the answer to Chelsea's striker search, says Ray Parlour
Stoke City deny Chelsea have made Peter Crouch approach
請按此登錄後留言。未成為會員? 立即註冊