阿仙奴喺周末英超作客般尼茅夫一仗，並冇帶上主將山齊士，最近盛傳山齊士即將在本月轉會窗之內離隊，加上佢今仗喺冇受傷跡象之下缺陣，傳聞似乎更加可信。阿仙奴領隊雲加喺呢場比賽後，終於罕有咁明確表示，山齊士嘅去留，好大機會喺近日有定案，亦都談到佢今日缺陣嘅原因。
阿仙奴作客般尼茅夫，兩名大將山齊士同奧斯爾同時缺陣，後者係因為受傷，而前者缺陣嘅原因就盛傳同佢即將轉會有關。結果喺主力缺陣之下，「兵工廠」呢場比賽以1-2被般尼茅夫反勝。今場因為受足總處分而要喺看台上睇波嘅雲加，賽後出席記者會，除咗球隊低迷嘅表現之外，傳媒發問嘅焦點當然係山齊士嘅去向之上。
一向擅長「語言藝術」嘅雲加，雖然始終唔肯講到100%，但對於山齊士係咪即將離隊，佢都算罕有咁話：
「呢樣嘢可能喺今日或者聽日發生，又或者唔發生。」
「山齊士可以比賽，但呢段日子對佢嚟講好艱難，佢一直都好努力比賽，不過佢有可能喺今日、噚日離隊又或者唔會離隊，但呢樣嘢會喺未來48小時之內有定案。」
「因為佢需要做好準備，所以我決定唔帶佢嚟比賽，而唔係佢唔肯踢。」
熟悉雲加作風嘅球迷應該都知道，佢咁講得，意味著無論係唔係真係48小時之內都好，山齊士基本上一定會喺今個轉會窗之內離開。
至於替代人選，外間盛傳曼聯願意以米希達恩加轉會費換取山齊士，亦有傳阿仙奴有意收購波爾多新星馬爾甘 (Malcom) ，雲加當然唔會答你啦，但佢就叫大家放心，佢寫包單一定會買一個替代人選返嚟：
「如果山齊士離開，我哋就需要搵人代替佢。今場比賽我哋陣中缺少咗好多球員，你哋都見到佢哋嘅重要性。」
「一個好似山齊士咁嘅級數嘅球員走咗，我哋一定要做返啲嘢。佢會唔會走？唔知呢，不過依家係轉會窗，喺呢個時期，你就需要用一啲肯定完全專注喺球隊上嘅人。」
「我可以保證，一定會喺呢個轉會窗之內搵到佢嘅替代人選。我哋同馬爾甘之間暫時未有任何確實嘅嘢可以講。」
記者會片段
https://youtu.be/BoGHmsq17sg
Source: SkySports、BBC
阿仙奴作客般尼茅夫，兩名大將山齊士同奧斯爾同時缺陣，後者係因為受傷，而前者缺陣嘅原因就盛傳同佢即將轉會有關。結果喺主力缺陣之下，「兵工廠」呢場比賽以1-2被般尼茅夫反勝。今場因為受足總處分而要喺看台上睇波嘅雲加，賽後出席記者會，除咗球隊低迷嘅表現之外，傳媒發問嘅焦點當然係山齊士嘅去向之上。
一向擅長「語言藝術」嘅雲加，雖然始終唔肯講到100%，但對於山齊士係咪即將離隊，佢都算罕有咁話：
「呢樣嘢可能喺今日或者聽日發生，又或者唔發生。」
「山齊士可以比賽，但呢段日子對佢嚟講好艱難，佢一直都好努力比賽，不過佢有可能喺今日、噚日離隊又或者唔會離隊，但呢樣嘢會喺未來48小時之內有定案。」
「因為佢需要做好準備，所以我決定唔帶佢嚟比賽，而唔係佢唔肯踢。」
引用"It could happen today or tomorrow or not at all.
That's why I didn't want to travel with him today for him to go somewhere else.
Alexis would have played but this is a difficult period for him. He has always been committed until now.
He could have moved today or yesterday or not, but it will be decided in the next 48 hours. He is on standby so I decided not to bring him today. It wasn't that he didn't want to play."
熟悉雲加作風嘅球迷應該都知道，佢咁講得，意味著無論係唔係真係48小時之內都好，山齊士基本上一定會喺今個轉會窗之內離開。
至於替代人選，外間盛傳曼聯願意以米希達恩加轉會費換取山齊士，亦有傳阿仙奴有意收購波爾多新星馬爾甘 (Malcom) ，雲加當然唔會答你啦，但佢就叫大家放心，佢寫包單一定會買一個替代人選返嚟：
「如果山齊士離開，我哋就需要搵人代替佢。今場比賽我哋陣中缺少咗好多球員，你哋都見到佢哋嘅重要性。」
「一個好似山齊士咁嘅級數嘅球員走咗，我哋一定要做返啲嘢。佢會唔會走？唔知呢，不過依家係轉會窗，喺呢個時期，你就需要用一啲肯定完全專注喺球隊上嘅人。」
「我可以保證，一定會喺呢個轉會窗之內搵到佢嘅替代人選。我哋同馬爾甘之間暫時未有任何確實嘅嘢可以講。」
引用"I have been assured he will be replaced in this window. There is nothing concrete on Malcom yet."
記者會片段
https://youtu.be/BoGHmsq17sg
Source: SkySports、BBC
請按此登錄後留言。未成為會員? 立即註冊