曼聯對車路士固然係英超嘅精彩戲碼，但近期兩軍主帥喺場下嘅「泥漿摔角」似乎仲精彩！曼聯領隊摩連奴早前就話車路士領隊干地喺場邊慶祝似「小丑」，干地就反擊話摩連奴有「認知障礙」，之後兩人仲繼續隔空對罵，前英格蘭主帥卡比路最近就對佢哋兩人嘅罵戰發表意見。
跟據《Sky Sports》嘅整理《Jose Mourinho v Antonio Conte: A timeline of insults between the warring managers》，摩連奴同干地早喺2016年10月已經結怨，當時嘅事可能大家仲記得，就係車路士大勝曼聯4-0之後，摩佬被鏡頭影到，疑似同干地講，話佢贏到4-0仲慶祝得咁激動係好唔尊重。之後，雙方其實一直都有間中串下大家，摩佬甚至曾經喺2017年7月拎過干地禿頭嘅事嚟講。
去到最近，摩佬就同記者講，話自己唔需要好似個「小丑」咁喺場邊舞嚟舞去，先只代表有激情，暗示干地經常喺場邊好激動咁指揮同慶祝。干地之後就回應，話摩佬有認知障礙 (demenza senile) ，話摩佬有口話人冇口話自己，應該係失憶。
摩佬再次回應，話自己永遠唔會好似某人咁樣打假波，諷刺干地執教祖雲達斯時曾經因為「操控賽果」而被罰停賽。干地就再次反撃，話摩佬以前係一個小人，依家仍然係一個小人，將來都會係。
已經71歲嘅卡比路，曾經執教皇家馬德里同英格蘭國家隊等球隊，可以話係見慣大場面，佢就話兩位後輩已經喪失理智：
「車路士波衫會令領隊神經緊張，我哋大家都記得摩連奴喺車路士時嗰種焦慮嘅表現。」
「干地依家做嘅同摩連奴一樣。我哋大家都記得摩連奴衝入球場剷草，或者喺贏波之後跑嚟跑去慶祝。」
「我諗干地唔係好清楚自己同邊個拗緊。我覺得摩連奴係一個擅長辯論嘅人，而且佢今次可能都係想嘗試分散媒體嘅注意力。」
「佢哋兩個都失去咗理智，我完全估唔到佢哋可以依家都仲拗緊。」
話晒都係意大利同鄉，卡比路就袋錢干地個袋度，佢話建議干地唔好再同摩佬嘈，如果要喺英超同摩佬玩呢個遊戲，首先要英文好，同埋要有一個信得過嘅傳譯員，如果唔係就好易引起誤會。
Source: Sky Sports、ESPN
跟據《Sky Sports》嘅整理《Jose Mourinho v Antonio Conte: A timeline of insults between the warring managers》，摩連奴同干地早喺2016年10月已經結怨，當時嘅事可能大家仲記得，就係車路士大勝曼聯4-0之後，摩佬被鏡頭影到，疑似同干地講，話佢贏到4-0仲慶祝得咁激動係好唔尊重。之後，雙方其實一直都有間中串下大家，摩佬甚至曾經喺2017年7月拎過干地禿頭嘅事嚟講。
去到最近，摩佬就同記者講，話自己唔需要好似個「小丑」咁喺場邊舞嚟舞去，先只代表有激情，暗示干地經常喺場邊好激動咁指揮同慶祝。干地之後就回應，話摩佬有認知障礙 (demenza senile) ，話摩佬有口話人冇口話自己，應該係失憶。
摩佬再次回應，話自己永遠唔會好似某人咁樣打假波，諷刺干地執教祖雲達斯時曾經因為「操控賽果」而被罰停賽。干地就再次反撃，話摩佬以前係一個小人，依家仍然係一個小人，將來都會係。
已經71歲嘅卡比路，曾經執教皇家馬德里同英格蘭國家隊等球隊，可以話係見慣大場面，佢就話兩位後輩已經喪失理智：
「車路士波衫會令領隊神經緊張，我哋大家都記得摩連奴喺車路士時嗰種焦慮嘅表現。」
「干地依家做嘅同摩連奴一樣。我哋大家都記得摩連奴衝入球場剷草，或者喺贏波之後跑嚟跑去慶祝。」
「我諗干地唔係好清楚自己同邊個拗緊。我覺得摩連奴係一個擅長辯論嘅人，而且佢今次可能都係想嘗試分散媒體嘅注意力。」
「佢哋兩個都失去咗理智，我完全估唔到佢哋可以依家都仲拗緊。」
話晒都係意大利同鄉，卡比路就袋錢干地個袋度，佢話建議干地唔好再同摩佬嘈，如果要喺英超同摩佬玩呢個遊戲，首先要英文好，同埋要有一個信得過嘅傳譯員，如果唔係就好易引起誤會。
Source: Sky Sports、ESPN
請按此登錄後留言。未成為會員? 立即註冊