早前喺英格蘭足總盃第三圈，阿仙奴意外以2-4作客不敵英冠球隊諾定咸森林，阿仙奴畢竟喺近年多次贏得足總盃，咁早就出局都破咗雲加紀錄，一班球迷當然好嬲啦，但諾定咸森林嘅球員同球迷就一定好興奮，特別係入波功臣列查積 (Eric Lichaj) 。
呢位29歲嘅美國後衛，效力咗諾定咸森林四季，錄得3個聯賽入球。佢就一直都好想養返隻狗仔，但太太就唔係咁想，於是就開出一個「不可能的任務」俾列查積。佢幾季加埋先入得3球，老婆大人竟然要踢右閘嘅佢，喺一場波入面上演帽子戲法先可以養狗，真係太難。
點知列查積喺足總盃對阿仙奴，上半場梅開二度威到盡，可惜都仲係達唔到太太嘅條件。死心不惜嘅列查積非常識玩，佢喺呢場波之後食住個勢，喺Twitter上發起咗「#GetEricADog」大行動，趁自己人氣急升，叫球迷一齊搵啲得意嘅狗仔圖，喺Twitter洗佢太太版。
結果佢太太Kathryn喺大家轟炸之下投降，批准列查積養隻狗仔。
如願以償嘅列查積，最近喺Twitter上多謝大家幫手，佢話：「我想show俾大家睇列查積家族嘅新成員，佢叫 Gunner。」
"Gunner" 即係阿仙奴嘅花名「槍手」，唔知係咪代表阿仙奴係佢嘅手下敗將呢？阿仙奴球迷又唔使咁嬲嘅，呢一場波對佢嚟講一定係一生難忘，紀念下都好正常，同埋隻狗仔都幾得意丫。
Source: BBC、Goal、Fox Sports
呢位29歲嘅美國後衛，效力咗諾定咸森林四季，錄得3個聯賽入球。佢就一直都好想養返隻狗仔，但太太就唔係咁想，於是就開出一個「不可能的任務」俾列查積。佢幾季加埋先入得3球，老婆大人竟然要踢右閘嘅佢，喺一場波入面上演帽子戲法先可以養狗，真係太難。
點知列查積喺足總盃對阿仙奴，上半場梅開二度威到盡，可惜都仲係達唔到太太嘅條件。死心不惜嘅列查積非常識玩，佢喺呢場波之後食住個勢，喺Twitter上發起咗「#GetEricADog」大行動，趁自己人氣急升，叫球迷一齊搵啲得意嘅狗仔圖，喺Twitter洗佢太太版。
結果佢太太Kathryn喺大家轟炸之下投降，批准列查積養隻狗仔。
如願以償嘅列查積，最近喺Twitter上多謝大家幫手，佢話：「我想show俾大家睇列查積家族嘅新成員，佢叫 Gunner。」
"Gunner" 即係阿仙奴嘅花名「槍手」，唔知係咪代表阿仙奴係佢嘅手下敗將呢？阿仙奴球迷又唔使咁嬲嘅，呢一場波對佢嚟講一定係一生難忘，紀念下都好正常，同埋隻狗仔都幾得意丫。
Source: BBC、Goal、Fox Sports
請按此登錄後留言。未成為會員? 立即註冊