有時候有人幫你整雕像都未必係好事，一個唔覺意整到成件山寨貨咁，真係俾人笑到面都黃。近期比較經典嘅就有C朗個雕像，整到面容扭曲咁，連佢隊友加里夫巴爾都走唔甩被「雕」嘅命運。
前車路士中場艾辛喺祖國加納嘅江湖地位一定好高，最近佢都得到呢種「禮遇」。喺佢家鄉，出現咗一座艾辛大型雕像，好明顯佢喺同鄉嘅心目中，地位比得上C朗美斯啦。
不過睇下呢個雕像，真係好奇怪。身型比例方面係上闊下窄，呈倒三角形，一對腳板又唔知點解睇落勁細，件藍色波衫擺明係車路士波衫，但可能礙於版權問題而冇咗個隊徽，搞到好似山寨嘢咁 (其實應該真係)。最出事都係個樣，髮型方面都還可以，但個樣好似整容失敗咁，亦都可能係印象派大師所為。
好彩睇落仲有兩分似樂壇天后祖兒，如果唔係真係講都唔信佢係艾辛。睇睇下，係咪即刻覺得C朗個雕像已經係神作呢？。
（合成照 來源：香港網絡大典）
順帶一提，35歲嘅艾辛其實仲未退休，佢2017年3月開始效力印尼聯賽嘅佩西比萬隆。近日本地球壇最爆嘅新聞就係科蘭加盟傑志，有網民話不如好似以前J League咁幾乎每隊都搵個經典球員，反正「祖兒」都係喺印尼聯賽，其他港超隊不妨諗諗佢，等「祖兒s」可以喺香港重逢。
（當事人似乎都唔太介意 來源：香港網絡大典）
Source: Daily Mail 、The Sun、Skly Sports
前車路士中場艾辛喺祖國加納嘅江湖地位一定好高，最近佢都得到呢種「禮遇」。喺佢家鄉，出現咗一座艾辛大型雕像，好明顯佢喺同鄉嘅心目中，地位比得上C朗美斯啦。
不過睇下呢個雕像，真係好奇怪。身型比例方面係上闊下窄，呈倒三角形，一對腳板又唔知點解睇落勁細，件藍色波衫擺明係車路士波衫，但可能礙於版權問題而冇咗個隊徽，搞到好似山寨嘢咁 (其實應該真係)。最出事都係個樣，髮型方面都還可以，但個樣好似整容失敗咁，亦都可能係印象派大師所為。
好彩睇落仲有兩分似樂壇天后祖兒，如果唔係真係講都唔信佢係艾辛。睇睇下，係咪即刻覺得C朗個雕像已經係神作呢？。
（合成照 來源：香港網絡大典）
順帶一提，35歲嘅艾辛其實仲未退休，佢2017年3月開始效力印尼聯賽嘅佩西比萬隆。近日本地球壇最爆嘅新聞就係科蘭加盟傑志，有網民話不如好似以前J League咁幾乎每隊都搵個經典球員，反正「祖兒」都係喺印尼聯賽，其他港超隊不妨諗諗佢，等「祖兒s」可以喺香港重逢。
（當事人似乎都唔太介意 來源：香港網絡大典）
Source: Daily Mail 、The Sun、Skly Sports
請按此登錄後留言。未成為會員? 立即註冊