李斯特城有一位被遺忘嘅人，最近終於「上水」，佢就係「遲來的新兵」艾迪恩施華 (Adrien Silva)。呢位價值2,200萬鎊嘅葡萄牙中場，本應係李斯特城喺夏季轉會窗嘅主要引援之一，但因為程序問題而被逼坐足半季，搞到1月1號先成功註冊。
艾迪恩施華不論喺前球會士砵亭，定係葡萄牙國家隊，都係著住23號波衫，但佢今次嚟到李斯特城就揀咗14號波衫。原因之一固然係李城嘅23號波衫已經俾烏路亞著咗，但仲有好多number可以選擇，點解偏偏要係14號呢？
話說28歲嘅艾迪恩施華本來喺夏季轉會截止日，以2,200萬鎊轉會費離開士砵亭，轉投李斯特城，一齊都準備好晒，但點知文件手續遲咗少少完成，時間正正係遲咗14秒。結果國際足協 FIFA 決定唔批准艾迪恩施華註冊為李城球員，就算李城後來搵英格蘭足總幫手上訴，最後都係搞唔掂，搞到施華要喺冬季轉會窗開啟嘅時候先可以註冊上陣。
就喺1月1號李斯特城對哈特斯菲嘅英超比賽，艾迪恩施華喺86分鐘後備上陣，等咗半年終於有波踢。佢著住件14號波衫，喺事後得到大眾關注，因為佢當初正正係因為轉會手續遲咗14秒而冇波踢。報導指，佢揀14號係要取笑FIFA喺處理呢件事上面態度僵化，真係明玩嘢！
Source: The Sun、Sportbible
艾迪恩施華不論喺前球會士砵亭，定係葡萄牙國家隊，都係著住23號波衫，但佢今次嚟到李斯特城就揀咗14號波衫。原因之一固然係李城嘅23號波衫已經俾烏路亞著咗，但仲有好多number可以選擇，點解偏偏要係14號呢？
話說28歲嘅艾迪恩施華本來喺夏季轉會截止日，以2,200萬鎊轉會費離開士砵亭，轉投李斯特城，一齊都準備好晒，但點知文件手續遲咗少少完成，時間正正係遲咗14秒。結果國際足協 FIFA 決定唔批准艾迪恩施華註冊為李城球員，就算李城後來搵英格蘭足總幫手上訴，最後都係搞唔掂，搞到施華要喺冬季轉會窗開啟嘅時候先可以註冊上陣。
就喺1月1號李斯特城對哈特斯菲嘅英超比賽，艾迪恩施華喺86分鐘後備上陣，等咗半年終於有波踢。佢著住件14號波衫，喺事後得到大眾關注，因為佢當初正正係因為轉會手續遲咗14秒而冇波踢。報導指，佢揀14號係要取笑FIFA喺處理呢件事上面態度僵化，真係明玩嘢！
Source: The Sun、Sportbible
請按此登錄後留言。未成為會員? 立即註冊