曼聯喺最近一場英超比賽終結三連和，早前被名宿史高斯批評嘅普巴亦一吐烏氣，喺今仗交出兩個助攻，助球隊以2-0擊敗愛華頓。領隊摩連奴近日喺球隊戰績差勁之時，不時語出驚人，佢最近就對史高斯嘅言論進行大反擊。
依家擔任球評嘅曼聯名宿史高斯，對於曼聯不濟嘅表現自然愛之深責之切，佢喺曼聯0-0賽和修咸頓之後，點名批評天價中場普巴，話佢完全唔fit，而且喺球場上只係散步。
對愛華頓一仗，普巴唔知係唔係因為俾史高斯嘅言論激親，馬上貢獻兩個助攻，並且被《Sky Sports》 評為Man of the Match。摩連奴見普巴表現出色，忍唔住喺賽後記者會上反擊史高斯。
佢好唔客氣咁話：「我諗史高斯淨係識批評。我唔覺得佢係評論緊，佢只係批評，兩樣嘢好唔同，而我哋唔需要每個人都好似佢做球員嗰陣咁，有非凡嘅表現。」
「普巴每一次都想做到最好。有時佢踢得非常好，有時佢踢得好，有時佢踢得唔好。」
「佢搵錢多過史高斯好多，不過唔係佢嘅錯，依家嘅足球就係咁。」
「我諗史高斯會因為佢係一個非凡嘅球員而被寫入歷史，但就唔係因為作為一個球評家。所以我寧願將佢睇成一個出色並為球會奉獻嘅球員，我都為代表呢間球會而自豪，而且每日都竭盡所能。」
「如果史高斯有一日決定成為領隊，我希望佢有我25%咁成功，因為50%代表12.5個獎盃，25%大約就6個。如果佢有25%，都好開心咯。」
「喺我腦海入面，史高斯係一個出色嘅球員，我所見過最出色嘅中場之一，同埋佢為球會貢獻良多，我只可以為此多謝佢，因為呢間球會嘅威望係建基於好似佢咁嘅人。」
Source: Sky Sports、Daily Mail
依家擔任球評嘅曼聯名宿史高斯，對於曼聯不濟嘅表現自然愛之深責之切，佢喺曼聯0-0賽和修咸頓之後，點名批評天價中場普巴，話佢完全唔fit，而且喺球場上只係散步。
對愛華頓一仗，普巴唔知係唔係因為俾史高斯嘅言論激親，馬上貢獻兩個助攻，並且被《Sky Sports》 評為Man of the Match。摩連奴見普巴表現出色，忍唔住喺賽後記者會上反擊史高斯。
佢好唔客氣咁話：「我諗史高斯淨係識批評。我唔覺得佢係評論緊，佢只係批評，兩樣嘢好唔同，而我哋唔需要每個人都好似佢做球員嗰陣咁，有非凡嘅表現。」
「普巴每一次都想做到最好。有時佢踢得非常好，有時佢踢得好，有時佢踢得唔好。」
「佢搵錢多過史高斯好多，不過唔係佢嘅錯，依家嘅足球就係咁。」
「我諗史高斯會因為佢係一個非凡嘅球員而被寫入歷史，但就唔係因為作為一個球評家。所以我寧願將佢睇成一個出色並為球會奉獻嘅球員，我都為代表呢間球會而自豪，而且每日都竭盡所能。」
「如果史高斯有一日決定成為領隊，我希望佢有我25%咁成功，因為50%代表12.5個獎盃，25%大約就6個。如果佢有25%，都好開心咯。」
「喺我腦海入面，史高斯係一個出色嘅球員，我所見過最出色嘅中場之一，同埋佢為球會貢獻良多，我只可以為此多謝佢，因為呢間球會嘅威望係建基於好似佢咁嘅人。」
Source: Sky Sports、Daily Mail
請按此登錄後留言。未成為會員? 立即註冊