球員插水就見得多，主帥插水就真係少見。前曼聯領隊雲高爾就試過喺場邊扮跌低，但佢唔係插水，係想表示場內球員跌得太浮誇，所以喺場邊做戲，不過利華古遜主帥最近就真係插水喇。
喺最近嘅德國盃比賽中，利華古遜作客慕遜加柏，佢哋喺70分鐘憑里安拜尼嘅入波領先1-0。由於作客，加上主隊慕遜加柏嘅形勢佔優，利華古遜梗係想拖下時間保持1-0戰果完場啦。
喺75分鐘，個波喺戰術指導區旁邊出界，想拖時間嘅利華古遜主帥靴列治 (Heiko Herrlich) 當然冇咁順灘幫慕遜加柏控停個波啦。靴列治仲用身位掩護個波，轉身由個波溜走。慕遜加柏嘅薩卡利亞心急追波，於是用手輕輕一撥擋路嘅靴列治，點知靴列治勁誇張成個飛開跌落地。
事件仲引起慕遜加柏不滿，圍晒過嚟理論。結果靴列治如願以償，保住1-0戰果完場，晉級德國盃八強。不過，德國足總之後證實，佢哋正在調查呢件事，已經發信俾靴列治。如果調查後認為靴列治確實係故意插水拖時間，可能會罰佢停賽，令佢喺冬季休賽期之後對拜仁幕尼黑嘅德甲賽事中停賽。
Source: The Sun、Daily Mail
喺最近嘅德國盃比賽中，利華古遜作客慕遜加柏，佢哋喺70分鐘憑里安拜尼嘅入波領先1-0。由於作客，加上主隊慕遜加柏嘅形勢佔優，利華古遜梗係想拖下時間保持1-0戰果完場啦。
喺75分鐘，個波喺戰術指導區旁邊出界，想拖時間嘅利華古遜主帥靴列治 (Heiko Herrlich) 當然冇咁順灘幫慕遜加柏控停個波啦。靴列治仲用身位掩護個波，轉身由個波溜走。慕遜加柏嘅薩卡利亞心急追波，於是用手輕輕一撥擋路嘅靴列治，點知靴列治勁誇張成個飛開跌落地。
事件仲引起慕遜加柏不滿，圍晒過嚟理論。結果靴列治如願以償，保住1-0戰果完場，晉級德國盃八強。不過，德國足總之後證實，佢哋正在調查呢件事，已經發信俾靴列治。如果調查後認為靴列治確實係故意插水拖時間，可能會罰佢停賽，令佢喺冬季休賽期之後對拜仁幕尼黑嘅德甲賽事中停賽。
Source: The Sun、Daily Mail
請按此登錄後留言。未成為會員? 立即註冊