曼城前鋒加比爾捷西斯人仔細細已經好好波，佢今年初先至由巴甲球會彭美拉斯轉投英超曼城。對於嚟自巴甲、年僅20歲嘅佢嚟講，要適應歐洲主流聯賽嘅強度兼喺一支強隊中爭奪正選，絕對唔係易事，睇下當時名氣比佢有過之而無不及嘅同鄉加比爾巴布沙 (Gabriel Barbosa) 嘅現況就知。不過「耶穌仔」好快就企穩陣腳，依家不時同曼城隊史神射手阿古路輪流或者同時上陣，今季已經貢獻8入球3助攻。
加比爾捷西斯同曼城今季喺球場上就未逢敵手，原來佢連喺屋企都掛住踢波，仲連阿媽都唔放過，真係「不孝子」！
最近，佢媽媽就趁聖誕佳節，由巴西嚟咗英國一家團聚，「耶穌仔」喺屋企入面拎個玩具波同媽媽切磋一番。佢將條片放上Instagram，一開始見到佢媽媽帶波先，但睇嚟伯母腳下功夫麻麻地，好快俾「耶穌仔」搶咗個波。
「耶穌仔」帶住個波，開始個人表演，多次通阿媽坑渠。《Daily Mail》就話條片證明「耶穌仔」嘅球技唔係遺傳自媽媽，多得佢「讓賽」先搶到一次波。不過小弟就覺得，嗰一球「穌媽」一嘢夾住個波，嗰下防守功力係值得一睇再睇。之後，「耶穌仔」就再次以一下清脆嘅通渠成功「報仇」。
呢啲只係玩下姐，其實「耶穌仔」同媽媽嘅感情非常好，佢喺最近嘅訪問中透露，自己入波時嘅聽電話慶祝動作，就係為咗向媽媽致敬：
「媽媽成日都要喺巴西同英格蘭之間飛嚟飛去。要我離開佢實在太困難，因為佢就係我嘅所有。佢母兼父職咁樣湊大我。」
「佢係一個無名英雄。所以當我入波嗰陣，就算佢唔係球場入面，我都要『拎起個電話』同佢講。」
Source: Daily Mail
加比爾捷西斯同曼城今季喺球場上就未逢敵手，原來佢連喺屋企都掛住踢波，仲連阿媽都唔放過，真係「不孝子」！
最近，佢媽媽就趁聖誕佳節，由巴西嚟咗英國一家團聚，「耶穌仔」喺屋企入面拎個玩具波同媽媽切磋一番。佢將條片放上Instagram，一開始見到佢媽媽帶波先，但睇嚟伯母腳下功夫麻麻地，好快俾「耶穌仔」搶咗個波。
「耶穌仔」帶住個波，開始個人表演，多次通阿媽坑渠。《Daily Mail》就話條片證明「耶穌仔」嘅球技唔係遺傳自媽媽，多得佢「讓賽」先搶到一次波。不過小弟就覺得，嗰一球「穌媽」一嘢夾住個波，嗰下防守功力係值得一睇再睇。之後，「耶穌仔」就再次以一下清脆嘅通渠成功「報仇」。
呢啲只係玩下姐，其實「耶穌仔」同媽媽嘅感情非常好，佢喺最近嘅訪問中透露，自己入波時嘅聽電話慶祝動作，就係為咗向媽媽致敬：
「媽媽成日都要喺巴西同英格蘭之間飛嚟飛去。要我離開佢實在太困難，因為佢就係我嘅所有。佢母兼父職咁樣湊大我。」
「佢係一個無名英雄。所以當我入波嗰陣，就算佢唔係球場入面，我都要『拎起個電話』同佢講。」
Source: Daily Mail
請按此登錄後留言。未成為會員? 立即註冊