阿仙奴中場韋舒亞有一串長長嘅傷病史，最嚴重嘅時候係早幾年，幾乎踢幾場就要休養一季，但佢喺上一季被外借去般尼茅夫，有好表現都係其次，球迷最開心嘅係見到佢已經逐步擺脫傷患。韋舒亞今季返到阿仙奴爭奪正選，暫時未成功，但至少可以喺盃賽中上陣，亦見到佢有幫助球隊嘅能力。
其實講天份，同埋腳下功夫、創造力，韋舒亞喺英格蘭中場之中的確係一流，而且佢今年其實都只係25歲，如果之後唔再遇到大傷，仲有得進步嘅。不過最令人擔心嘅，就係佢嘅私生活唔多檢點，之前曾經俾人影到佢食煙，有時想足球生壇更進一步，係需要犧牲下私人娛樂嘅。
作為「玻璃人」，「韋太子」從來冇停止過考驗球迷嘅心臟，佢最近就一家大細去咗溜冰，溜冰只係小事，但對佢嚟講就係高風險活動喇，喺雪地上面跣下跣下咁，點知佢會唔會跣一跣撻落地，又整親架，搞到阿迷個心都離一離。
不過「太子」就好識自嘲，佢自己喺 Twitter 上面，post咗自己同家人溜冰張相，仲話：「正面的一周，成功溜冰20分鐘而冇受傷。」
有唔少球迷都回應「太子」個post，其中一個超好笑，係佢叫下次麻煩包晒膠先好去溜冰，韋舒亞本人仲轉發咗呢個tweet添！
另外，就有球迷叫佢唔好玩命：
Source: DailyMail、BTSport、independent
其實講天份，同埋腳下功夫、創造力，韋舒亞喺英格蘭中場之中的確係一流，而且佢今年其實都只係25歲，如果之後唔再遇到大傷，仲有得進步嘅。不過最令人擔心嘅，就係佢嘅私生活唔多檢點，之前曾經俾人影到佢食煙，有時想足球生壇更進一步，係需要犧牲下私人娛樂嘅。
作為「玻璃人」，「韋太子」從來冇停止過考驗球迷嘅心臟，佢最近就一家大細去咗溜冰，溜冰只係小事，但對佢嚟講就係高風險活動喇，喺雪地上面跣下跣下咁，點知佢會唔會跣一跣撻落地，又整親架，搞到阿迷個心都離一離。
不過「太子」就好識自嘲，佢自己喺 Twitter 上面，post咗自己同家人溜冰張相，仲話：「正面的一周，成功溜冰20分鐘而冇受傷。」
有唔少球迷都回應「太子」個post，其中一個超好笑，係佢叫下次麻煩包晒膠先好去溜冰，韋舒亞本人仲轉發咗呢個tweet添！
另外，就有球迷叫佢唔好玩命：
Source: DailyMail、BTSport、independent
請按此登錄後留言。未成為會員? 立即註冊