英格蘭球隊新特蘭話晒都係老牌球會，上一季先由英超降班落到英冠，點知佢哋一沉不起，今季踢咗半季就排緊英冠尾二，隨時要連續再降埋落英甲。佢哋最近又喺主場以1-3輸波，唔知係唔係太屎波，搞到有球迷喺看台上面痾屎洩憤……
新特蘭同紐卡素嘅東北打吡係英格蘭球壇最激烈嘅打吡之一，曾經有新特蘭球迷話過，如果要喺輸俾紐卡素同降班之中揀一樣嘅話，佢會揀降班，都唔願意輸俾對手。你要有得贏，都要有機會踢先得架？依家紐卡素就上咗英超，而且暫時不受降班威脅，但新特蘭就喺英冠排緊尾二，隨時跌埋落英甲，新特蘭球迷真係冇晒面喇。
喺周末英冠第20周比賽，新特蘭主場對中游嘅雷丁，佢哋先有卡林麥馬拿文兩黃一紅被逐，再俾雷丁嘅大衛艾華斯先開紀錄，加上莫度巴路梅開二度而落後0-3，最後只能靠加比賓嘅12碼破蛋，輸1-3完場。呢場波之後，佢哋喺英冠20戰只係錄得2勝8和10負，以14分排喺聯賽榜尾二，只係靠較佳得失球差壓住同分嘅伯頓。
所以話廣東話博大精深，球技差俗稱「屎波」，原來「屎波」起上嚟真係可以睇到瀨屎。比賽之後就有新特蘭球迷喺網上出post，話目擊到一個球迷喺看台上面除褲大便，仲有圖有真相。
原post主人留言表示，見到圖中嘅男球迷突然張條褲除咗，然後痾咗舊屎落地，嚇到周圍其他球迷雞飛狗走，而且有最少一位球迷當場嘔吐。
初步相信，嗰位球迷係不滿黑貓嘅成績而抗議，不過當事人就冇講明點解咁做，而佢喺事發之後，已經被保安趕出球場。奉勸大家，玩還玩，唔好玩屎。
Sunderland vs Reading (冇痾屎片段) :
https://streamable.com/eki62
Source: The Sun、Mirror、Metro、Sportbible
新特蘭同紐卡素嘅東北打吡係英格蘭球壇最激烈嘅打吡之一，曾經有新特蘭球迷話過，如果要喺輸俾紐卡素同降班之中揀一樣嘅話，佢會揀降班，都唔願意輸俾對手。你要有得贏，都要有機會踢先得架？依家紐卡素就上咗英超，而且暫時不受降班威脅，但新特蘭就喺英冠排緊尾二，隨時跌埋落英甲，新特蘭球迷真係冇晒面喇。
喺周末英冠第20周比賽，新特蘭主場對中游嘅雷丁，佢哋先有卡林麥馬拿文兩黃一紅被逐，再俾雷丁嘅大衛艾華斯先開紀錄，加上莫度巴路梅開二度而落後0-3，最後只能靠加比賓嘅12碼破蛋，輸1-3完場。呢場波之後，佢哋喺英冠20戰只係錄得2勝8和10負，以14分排喺聯賽榜尾二，只係靠較佳得失球差壓住同分嘅伯頓。
所以話廣東話博大精深，球技差俗稱「屎波」，原來「屎波」起上嚟真係可以睇到瀨屎。比賽之後就有新特蘭球迷喺網上出post，話目擊到一個球迷喺看台上面除褲大便，仲有圖有真相。
原post主人留言表示，見到圖中嘅男球迷突然張條褲除咗，然後痾咗舊屎落地，嚇到周圍其他球迷雞飛狗走，而且有最少一位球迷當場嘔吐。
初步相信，嗰位球迷係不滿黑貓嘅成績而抗議，不過當事人就冇講明點解咁做，而佢喺事發之後，已經被保安趕出球場。奉勸大家，玩還玩，唔好玩屎。
Sunderland vs Reading (冇痾屎片段) :
https://streamable.com/eki62
Source: The Sun、Mirror、Metro、Sportbible
請按此登錄後留言。未成為會員? 立即註冊