香港球迷一定聽過一首網上流行嘅「阿仙奴會歌」，裡面有一句歌詞係「講真足球場上如沒有法明尼，打碌_」，前阿仙奴中場法明尼今年已經33歲，或者已經唔再係以前球場上不可或缺嘅人，但佢真係一個傳奇人物，首先係佢生涯轉過4次球會，竟然累積零轉會費，仲有就係佢近年先透露，自己瞞住家人同隊友，同朋友搞咗一間大企業，志向係拯救地球。上季完結後，法明尼同水晶宮約滿成為自由身，至今無人問津，但發咗達嘅佢並冇諗過就咁就掛靴，仲想繼續踢落去。
法明尼喺2013-14球季免費重投阿仙奴，雖然已經唔再有第一次效力兵工廠嘅巔峰狀態，但都不乏佳作，特別係喺2015年聯賽盃，一向守多於攻兼且年紀唔輕嘅「法叔」，喺北倫敦打吡對熱刺嗰陣上身，打到成個box-to-box咁，個人梅開二度，踼走熱刺。「法叔」喺啱啱周末嗰場北倫敦打吡賽前再次post返段片出嚟，阿仙奴球迷大讚佢「一日槍手，一世槍手」。
最令人震憾嘅係喺2015年，當時31歲嘅「法叔」突然透露，原來佢多年前同一位朋友合資創辦咗一間叫做 GF Biochemicals 嘅生化新能源公司，呢間公司係全球首家可以量產乙酰丙酸 (Levulinic acid) 嘅公司，美國能源署稱乙酰丙酸可以作為石油替代品。喺2015年「法叔」受訪嘅時候，GF Biochemicals嘅潛在市值係200億英鎊！真係應該叫返一聲「法總」。
佢當時又話，搞咗呢間公司七年，但從來冇同家人、AC米蘭隊友、阿仙奴隊友同雲加講過，結果令球壇震驚。佢之後更加得到一個歐洲工業生物技術論壇嘅獎項，表示佢想研究呢種更加環保嘅新能源去拯救地球。
雖然「法總」已經發咗達，加上佢上季尾同水晶宮完約之後，到依家都冇班落，其實可以掛靴專心做生意，或者過退休生活，但「法總」對足球嘅熱愛冇減退過！就算佢已經33歲，好難再搵到頂級聯賽有球會簽佢，佢寧願踢次級聯賽都要繼續踢。
近日，西班牙嘅《馬卡報》報導，話「法總」已經到咗西班牙，喺西乙球會華歷簡奴進行試腳。《馬卡報》認為由於華歷簡奴最近喺中場傷兵滿營，所以好歡迎「法總」嚟試腳。另一方面，「法總」早前接受過訪問，佢話自己雖然係自由球員，但每日都會訓練，而且一直都覺得狀態好好。相信「法總」應付西乙比賽應該冇乜問題，希望佢把握到今次機會，延續足球生涯啦。
Source: Marca、The Sun
法明尼喺2013-14球季免費重投阿仙奴，雖然已經唔再有第一次效力兵工廠嘅巔峰狀態，但都不乏佳作，特別係喺2015年聯賽盃，一向守多於攻兼且年紀唔輕嘅「法叔」，喺北倫敦打吡對熱刺嗰陣上身，打到成個box-to-box咁，個人梅開二度，踼走熱刺。「法叔」喺啱啱周末嗰場北倫敦打吡賽前再次post返段片出嚟，阿仙奴球迷大讚佢「一日槍手，一世槍手」。
最令人震憾嘅係喺2015年，當時31歲嘅「法叔」突然透露，原來佢多年前同一位朋友合資創辦咗一間叫做 GF Biochemicals 嘅生化新能源公司，呢間公司係全球首家可以量產乙酰丙酸 (Levulinic acid) 嘅公司，美國能源署稱乙酰丙酸可以作為石油替代品。喺2015年「法叔」受訪嘅時候，GF Biochemicals嘅潛在市值係200億英鎊！真係應該叫返一聲「法總」。
佢當時又話，搞咗呢間公司七年，但從來冇同家人、AC米蘭隊友、阿仙奴隊友同雲加講過，結果令球壇震驚。佢之後更加得到一個歐洲工業生物技術論壇嘅獎項，表示佢想研究呢種更加環保嘅新能源去拯救地球。
雖然「法總」已經發咗達，加上佢上季尾同水晶宮完約之後，到依家都冇班落，其實可以掛靴專心做生意，或者過退休生活，但「法總」對足球嘅熱愛冇減退過！就算佢已經33歲，好難再搵到頂級聯賽有球會簽佢，佢寧願踢次級聯賽都要繼續踢。
近日，西班牙嘅《馬卡報》報導，話「法總」已經到咗西班牙，喺西乙球會華歷簡奴進行試腳。《馬卡報》認為由於華歷簡奴最近喺中場傷兵滿營，所以好歡迎「法總」嚟試腳。另一方面，「法總」早前接受過訪問，佢話自己雖然係自由球員，但每日都會訓練，而且一直都覺得狀態好好。相信「法總」應付西乙比賽應該冇乜問題，希望佢把握到今次機會，延續足球生涯啦。
Source: Marca、The Sun
請按此登錄後留言。未成為會員? 立即註冊