喺大約一年之前，巴甲神奇球隊查比高恩斯遇上空難悲劇，當時佢哋啱啱晉身南美球會盃決賽，載住一班球員前往哥倫比亞出戰決賽嘅飛機不幸墜毀，只有3位球員倖存，不過佢哋仍然拒絕賽會提議嘅免降班特權，希望用自己嘅實力喺傷痛中重新振作，就好似佢哋曾經創造奇蹟一樣，佢哋啱啱喺巴甲贏波，提早三輪護級成功，簡直係Mission Impossible！
查比高恩斯喺幾年前仲係一支巴丙球隊，但喺2012、2013連續升班，成功殺上巴甲。去到2016年，佢哋喺南美球會盃中連挫獨立隊、聖羅倫素等強敵，歷史性殺入決賽。不過天意弄人，當佢哋正準備創下另一個奇蹟時，竟然喺2016年11月28日，前往哥倫比亞出戰決賽途中餘上空難，機上乘客包括球員、職員、記者，只有6人倖存，當中只有3人係查比高恩斯球員。
倖存者之一嘅門將科曼 (Jackson Follmann) 雖然被截肢，但仍然唔放棄足球，依家留喺球會任職兼跟操。
後衛阿倫路舒曹 (Alan Ruschel) 當時全身多處骨折，但已經可以再次為球隊披甲上陣。
另一名後衛尼圖 (Neto) 獲確認康復後可以回歸職業足球，目前正在康復中。
除咗心理打擊，佢哋實實在在失去咗球隊一批主力，所以當時巴甲所有球隊一致同意查比高恩斯今季無論成績如何都可以唔使降班。不過，查比高恩斯更願意球迷好似當初睇住佢哋升班咁，見到球隊憑住實力迎難而上，咁先係查比高恩斯精神，所以拒絕咗呢番好意。
佢哋今季以大批借用球員及自由轉會球員開展重建，喺五月成功拎咗巴西聖卡塔琳娜州聯賽 (Campeonato Catarinense) 冠軍，返到聯賽都曾經喺開季階段短暫上過榜首，不過球隊最終都要為護級而努力。雖然季內經歷三度換帥，佢哋最後成功喺最近嘅巴甲第35輪比賽中，喺主場以2-1撃敗維多利亞，暫時得到47分，排喺巴甲20支球隊中嘅第10位。
雖然話係第10位，但巴甲最尾4支球隊都要降班，查比高恩斯其實只係領先降班區8分，而聯賽仲有三場比賽，好彩佢哋今仗擊敗咗護級對手維多利亞，令到第16位嘅維多利亞同第17位嘅邦迪比達同樣只得39分，呢兩隊之間仲有一場直接對碰，所以查比高恩斯先可以提早三輪比賽成功護級。
賽後，一班球員為提前護級成功而興奮。當初悲劇發生後，查比高恩斯事前喺更衣室慶祝進軍決賽嘅歌 "Vamos Vamos Chape" ，被不斷重播。喺大約一年之後，"Vamos Vamos Chape" 再次喺查比高恩斯更衣室被唱起，希望佢哋捱過難關後可以再次創造奇蹟！
Source: Daily Mail
查比高恩斯喺幾年前仲係一支巴丙球隊，但喺2012、2013連續升班，成功殺上巴甲。去到2016年，佢哋喺南美球會盃中連挫獨立隊、聖羅倫素等強敵，歷史性殺入決賽。不過天意弄人，當佢哋正準備創下另一個奇蹟時，竟然喺2016年11月28日，前往哥倫比亞出戰決賽途中餘上空難，機上乘客包括球員、職員、記者，只有6人倖存，當中只有3人係查比高恩斯球員。
倖存者之一嘅門將科曼 (Jackson Follmann) 雖然被截肢，但仍然唔放棄足球，依家留喺球會任職兼跟操。
後衛阿倫路舒曹 (Alan Ruschel) 當時全身多處骨折，但已經可以再次為球隊披甲上陣。
另一名後衛尼圖 (Neto) 獲確認康復後可以回歸職業足球，目前正在康復中。
除咗心理打擊，佢哋實實在在失去咗球隊一批主力，所以當時巴甲所有球隊一致同意查比高恩斯今季無論成績如何都可以唔使降班。不過，查比高恩斯更願意球迷好似當初睇住佢哋升班咁，見到球隊憑住實力迎難而上，咁先係查比高恩斯精神，所以拒絕咗呢番好意。
佢哋今季以大批借用球員及自由轉會球員開展重建，喺五月成功拎咗巴西聖卡塔琳娜州聯賽 (Campeonato Catarinense) 冠軍，返到聯賽都曾經喺開季階段短暫上過榜首，不過球隊最終都要為護級而努力。雖然季內經歷三度換帥，佢哋最後成功喺最近嘅巴甲第35輪比賽中，喺主場以2-1撃敗維多利亞，暫時得到47分，排喺巴甲20支球隊中嘅第10位。
雖然話係第10位，但巴甲最尾4支球隊都要降班，查比高恩斯其實只係領先降班區8分，而聯賽仲有三場比賽，好彩佢哋今仗擊敗咗護級對手維多利亞，令到第16位嘅維多利亞同第17位嘅邦迪比達同樣只得39分，呢兩隊之間仲有一場直接對碰，所以查比高恩斯先可以提早三輪比賽成功護級。
賽後，一班球員為提前護級成功而興奮。當初悲劇發生後，查比高恩斯事前喺更衣室慶祝進軍決賽嘅歌 "Vamos Vamos Chape" ，被不斷重播。喺大約一年之後，"Vamos Vamos Chape" 再次喺查比高恩斯更衣室被唱起，希望佢哋捱過難關後可以再次創造奇蹟！
Source: Daily Mail
請按此登錄後留言。未成為會員? 立即註冊