早前星期日英超上演咗兩場大戰，分別係曼城對阿仙奴同埋車路士對曼聯，其中曼城以3-1撃敗阿仙奴呢場波，被球證判決搶晒焦點，但原來賽後有單嘢都幾有趣，主角就係大衛施華同哥斯尼，睇嚟佢哋對大家景仰，就如滔滔江水，連綿不絕，更有如黃河氾濫，一發不可收拾……
呢場波曼城主導形勢，但係佢哋入嘅第二球波係一個值得爭議嘅12碼，而第三球波更加係明顯越位，仲淋熄咗阿仙奴啱啱先追返一球嘅士氣。不過，普遍都認為，雖然對親強隊都腳軟嘅阿仙奴今場算唔失禮，但對比起如日中天嘅曼城始終都係唔夠揪，輸都係遲早嘅事，只係曼城可以贏得更有說服力啫。至於喺今場比賽中多次交手嘅阿仙奴場上隊長哥斯尼、同埋今場Sky Sports選出嘅Man of the Match大衛施華就識英雄重英雄喇。
喺曼城官方YouTube Channel上面就出咗一條比賽當日嘅Tunnel Cam，等大家可以睇到球員喺通道中嘅互動。小弟就好鍾意睇呢啲Tunnel Cam，因為可以睇到邊幾個球員Friend過打Band、邊個球員出場前會叫大家加油、舊隊友或同胞碰頭會唔會攬下、輸波有冇頭耷耷……不過今次條片就影到啲特別嘢！
喺完場返更衣室嘅時候，見到哥斯尼同大衛施華兩個一齊行，雙方都拎住一件對手球員嘅波衫，但就唔知係唔係對方嘅。
鏡頭一轉，兩位去到兩隊更衣室路口之際，竟然一齊除咗條褲！你冇睇錯，我冇打錯，佢哋居然交換波褲，然後著住條底褲行返更衣室。請恕小弟年紀輕見識又少，交換波衫就睇得多，交換波褲真係第一次睇到，所以呢段片就喺網上爆紅。唔知佢哋到底係已經換咗其他人件波衫，但又好景仰對方所以波褲都唔放過丫，定係已經換咗對方件波衫而又想儲埋上下身全套呢？有傳媒就話係後者，不過段片入面就證實唔到喇。
https://i.imgur.com/ZYPcrqJ.gif
雖然唔係咩大新聞，不過小弟就覺得好得意，想同大家分享下，而且其他球員都可以學下，下次換唔到波衫不妨換下波褲，甚至有球迷話建議佢哋換埋波襪儲齊全套喎～
註: 小弟之後google過，足球界交換波褲嘅新聞只係搵到2014世界盃克羅地亞對喀麥隆，拉傑迪 (Ivan Rakitic) 同麥比亞 (Stephane M'Bia) 交換波褲，唔知各位球迷仲有冇提供呢？
Source: Daily Mail 、Man City
呢場波曼城主導形勢，但係佢哋入嘅第二球波係一個值得爭議嘅12碼，而第三球波更加係明顯越位，仲淋熄咗阿仙奴啱啱先追返一球嘅士氣。不過，普遍都認為，雖然對親強隊都腳軟嘅阿仙奴今場算唔失禮，但對比起如日中天嘅曼城始終都係唔夠揪，輸都係遲早嘅事，只係曼城可以贏得更有說服力啫。至於喺今場比賽中多次交手嘅阿仙奴場上隊長哥斯尼、同埋今場Sky Sports選出嘅Man of the Match大衛施華就識英雄重英雄喇。
喺曼城官方YouTube Channel上面就出咗一條比賽當日嘅Tunnel Cam，等大家可以睇到球員喺通道中嘅互動。小弟就好鍾意睇呢啲Tunnel Cam，因為可以睇到邊幾個球員Friend過打Band、邊個球員出場前會叫大家加油、舊隊友或同胞碰頭會唔會攬下、輸波有冇頭耷耷……不過今次條片就影到啲特別嘢！
喺完場返更衣室嘅時候，見到哥斯尼同大衛施華兩個一齊行，雙方都拎住一件對手球員嘅波衫，但就唔知係唔係對方嘅。
鏡頭一轉，兩位去到兩隊更衣室路口之際，竟然一齊除咗條褲！你冇睇錯，我冇打錯，佢哋居然交換波褲，然後著住條底褲行返更衣室。請恕小弟年紀輕見識又少，交換波衫就睇得多，交換波褲真係第一次睇到，所以呢段片就喺網上爆紅。唔知佢哋到底係已經換咗其他人件波衫，但又好景仰對方所以波褲都唔放過丫，定係已經換咗對方件波衫而又想儲埋上下身全套呢？有傳媒就話係後者，不過段片入面就證實唔到喇。
https://i.imgur.com/ZYPcrqJ.gif
雖然唔係咩大新聞，不過小弟就覺得好得意，想同大家分享下，而且其他球員都可以學下，下次換唔到波衫不妨換下波褲，甚至有球迷話建議佢哋換埋波襪儲齊全套喎～
註: 小弟之後google過，足球界交換波褲嘅新聞只係搵到2014世界盃克羅地亞對喀麥隆，拉傑迪 (Ivan Rakitic) 同麥比亞 (Stephane M'Bia) 交換波褲，唔知各位球迷仲有冇提供呢？
Source: Daily Mail 、Man City
請按此登錄後留言。未成為會員? 立即註冊