【樹大招風?】巴神一箭定江山,完場前紅牌被逐,你話合唔合理?

睇足365 於 06/11/2017 發表 收藏文章
人稱「巴神」嘅意大利前鋒巴洛迪利的確係性情古怪,有時候會做出一啲常人唔能夠理解嘅嘢,例如喺自己屋企入面放煙花,搞到成間屋燒咗,比賽時突然情緒失控申請拎紅牌。不過,巴神去咗法甲尼斯之後,不單止有好表現,而且修心養性咗好多,今次真係冤枉呀!


喺啱啱周末嘅法甲比賽,巴洛迪利效力嘅尼斯喺主場出戰迪安。比賽去到40分鐘,尼斯嘅柏利亞為球隊搏得12碼,巴洛迪利主射建功,成為全場唯一入球,而尼斯就憑巴神一箭定江山,以1-0小勝迪安。呢個亦係巴神今季第6個聯賽入球,8場入6球,效率好高。

不過,可能係樹大招風,巴神個底太花,一路俾球證嘅印象都唔係咁好,唔知係咪令佢俾逐嘅原因。

喺比賽嘅89分鐘,巴神喺前場落地攔截迪安18號嘅恩比尼,佢的確係踢唔到個波而且踢到對方隻腳,但動作唔算粗野,唔係雙腳飛剷,亦都貼住地面去,拎面黃牌都合理,但球證竟然俾張紅牌直接趕佢出場!

https://streamable.com/kyyrw
難怪巴神行返更衣室嗰陣咁嬲,一拳打落後備席塊透明圍板度,嚇到入面個阿伯成個彈起。今次大家嚟評下理喇。

巴神今場入球片段:
https://streamable.com/oqujv

loading
loading

loading
loading


Source: Daily MailSportBible

留言


請按此登錄後留言。未成為會員? 立即註冊
    快捷鍵:←
    快捷鍵:→