如果唔係阿仙奴球迷，可能已經忘記咗辛迪卡蘇拿呢位球員。人稱「卡叔」嘅卡蘇拿，深受阿仙奴球迷愛戴，好多球迷都覺得如果佢能夠出場，阿仙奴嘅成績應該唔會搞成咁喎。阿仙奴總係離唔開傷患，越係好波嘅球員越易傷，而卡叔上一次喺正式比賽中為阿仙奴上陣，已經係2016年10月，原來佢仲差啲以後都踢唔到波。
西班牙中場卡蘇拿「人仔細細」，初初嚟到阿仙奴時，有球迷懷疑佢「嬌小」嘅身型能唔能夠適應碰撞激烈嘅英超，但佢好快就用表現征服咗一眾廠迷，甚至喺可以喺競爭激烈嘅西班牙國家隊中場佔一席位，更估唔到嘅係，奧斯爾加盟之後，卡蘇拿移後打墮後中場，適應一排之後仍然有好表現，派牌依然有功架、防守遮線都做到足，以佢同大衛施華差唔多嘅身型嚟講，真係十分難得。
喺2016年10月尾嘅歐聯分組賽中，卡蘇拿同高基連拍檔上陣，喺56分鐘以一個絕妙長傳，助攻奧斯爾單刀射入，但佢喺57分鐘就退下火線。賽後，雲加表示卡蘇拿有少少傷，點知呢少少傷就傷足一年，甚至危及卡叔嘅職業生涯。
https://i.imgur.com/7wrlmtO.gif
之後嘅檢查，證實卡叔腳踭嘅阿基理斯腱受傷，需要進行手術。結果，因為傷勢反覆，卡叔直至最近已經完成咗8次手術！
最近刊出嘅《馬卡報》，登出咗一張十分震撼嘅相片，就係卡叔經歷過8次手術嘅腳踭。卡叔喺呢個訪問中透露，醫生喺佢當初接受治療之後，患處無法癒合，發現佢喺開刀後受細菌感染，呢次感染有可能威脅到佢嘅生命，所以一度考慮要幫佢截肢保命，而且曾經同佢講，佢可以喺後花園同仔仔散步已經好好彩。
卡叔話佢嘅右腳阿基理斯腱喺多次手術中少咗8厘米，更加因為多次開刀，腳踭已經唔夠皮膚，須要移植皮膚，而最終就用咗佢手上紋上咗女女個名嘅部份。
不過，大家唔需要太擔心，因為佢講緊嘅嘢已經過咗去，卡叔早排已經喺Instagram上傳咗自己康復訓練嘅相，雖然應該冇得踢波住，但至少睇落行得，仲可以做GYM，希望佢早日康復啦！
佢都感謝阿仙奴對佢嘅支持，佢喺5月接受訪問時話：「阿仙奴對我好好，佢哋喺我做手術之前同我續約，領隊都有同我傾計，令我放心。」
另外，雲加最近回答記者，話卡蘇拿有可能喺2018年1月復出：「初步睇落係正面嘅，不過佢有成一年幾冇踢過波。佢仲未可以參加完整訓練，佢亦將會需要踢幾場預備組比賽先。如果一切順利的話，將會係聖誕之後嘅事。」點都好，最緊要唔好勉強！
Source: Daily Mail、Telegraph、Mirror
西班牙中場卡蘇拿「人仔細細」，初初嚟到阿仙奴時，有球迷懷疑佢「嬌小」嘅身型能唔能夠適應碰撞激烈嘅英超，但佢好快就用表現征服咗一眾廠迷，甚至喺可以喺競爭激烈嘅西班牙國家隊中場佔一席位，更估唔到嘅係，奧斯爾加盟之後，卡蘇拿移後打墮後中場，適應一排之後仍然有好表現，派牌依然有功架、防守遮線都做到足，以佢同大衛施華差唔多嘅身型嚟講，真係十分難得。
喺2016年10月尾嘅歐聯分組賽中，卡蘇拿同高基連拍檔上陣，喺56分鐘以一個絕妙長傳，助攻奧斯爾單刀射入，但佢喺57分鐘就退下火線。賽後，雲加表示卡蘇拿有少少傷，點知呢少少傷就傷足一年，甚至危及卡叔嘅職業生涯。
https://i.imgur.com/7wrlmtO.gif
之後嘅檢查，證實卡叔腳踭嘅阿基理斯腱受傷，需要進行手術。結果，因為傷勢反覆，卡叔直至最近已經完成咗8次手術！
最近刊出嘅《馬卡報》，登出咗一張十分震撼嘅相片，就係卡叔經歷過8次手術嘅腳踭。卡叔喺呢個訪問中透露，醫生喺佢當初接受治療之後，患處無法癒合，發現佢喺開刀後受細菌感染，呢次感染有可能威脅到佢嘅生命，所以一度考慮要幫佢截肢保命，而且曾經同佢講，佢可以喺後花園同仔仔散步已經好好彩。
卡叔話佢嘅右腳阿基理斯腱喺多次手術中少咗8厘米，更加因為多次開刀，腳踭已經唔夠皮膚，須要移植皮膚，而最終就用咗佢手上紋上咗女女個名嘅部份。
不過，大家唔需要太擔心，因為佢講緊嘅嘢已經過咗去，卡叔早排已經喺Instagram上傳咗自己康復訓練嘅相，雖然應該冇得踢波住，但至少睇落行得，仲可以做GYM，希望佢早日康復啦！
佢都感謝阿仙奴對佢嘅支持，佢喺5月接受訪問時話：「阿仙奴對我好好，佢哋喺我做手術之前同我續約，領隊都有同我傾計，令我放心。」
另外，雲加最近回答記者，話卡蘇拿有可能喺2018年1月復出：「初步睇落係正面嘅，不過佢有成一年幾冇踢過波。佢仲未可以參加完整訓練，佢亦將會需要踢幾場預備組比賽先。如果一切順利的話，將會係聖誕之後嘅事。」點都好，最緊要唔好勉強！
Source: Daily Mail、Telegraph、Mirror
請按此登錄後留言。未成為會員? 立即註冊