喺啱啱半夜完成嘅歐聯分組賽第四輪比賽，上屆英超冠軍車路士作客到意甲嘅羅馬。估唔到，首循環雙方喺史丹福橋球場上演一場 3-3 入球show，打得難分難解，但今次去到羅馬，車路士竟然慘吞三蛋。
今場比賽，干地排出卡希爾、大衛雷斯同魯迪加三位中堅，左右翼衛就係馬高斯阿朗素同艾斯派古達，中場方面就有法比加斯同巴卡約高。比起首循環，車路士今次將大衛雷斯由防中位移返去中堅，可能係一個關鍵。不過，今場嘅配搭對藍軍嚟講應該都唔算陌生，都打成咁樣，會唔會係心態問題多於排陣或實力問題呢？
睇返第一球，車路士開波一分鐘就已經失守，好明顯係集中力問題。當時羅馬左閘高拉洛夫長傳，搵到迪斯高，迪斯高頭搥二傳，艾沙拉維切入中路一射入網。
https://i.imgur.com/ULO0yto.gif
防守位置方面，當迪斯高準備頂波嘅時候，一對中堅魯迪加同大衛雷斯同時夾咗埋去，而卡希爾就喺防線嘅右路，中場防守責任較大嘅巴卡約高完全返唔切，同防線距離太遠，而上前派牌嘅法比加斯就更加連鏡頭都影唔到。
最終，迪斯高頭搥二傳去完全冇人保護嘅禁區頂位置，馬高斯阿朗素跟艾沙拉維跟得唔係咁貼，但喺後者起腳時都盡力俾咗啲壓力佢，最大問題就係點解禁區頂完全冇人保護。魯迪加同大衛雷斯兩個夾一個，卡希爾移咗落邊補艾斯派古達個位，巴卡約高返唔切、法比加斯冇影，似乎中場防守意識同中堅之間嘅配合出咗事。
去到第二球 (36分鐘)，羅馬照樣用一個長傳越過車路士中場，第一點嘅魯迪加根本唔應該俾個波落地，但佢睇落似判斷錯誤，miss咗個落點，然後轉身追已經太遲……
https://i.imgur.com/1XTtLk3.gif
第三球 (63分鐘)就俾柏洛迪個人突破推大位遠射，佢推過第一個人之後，就完全冇人埋到佢身，睇住佢射。
https://i.imgur.com/XrPyBfS.gif
不過要講真正恐怖嗰球，反而冇失到。當時羅馬後場一個長傳，又係俾迪斯高，車仔竟然用三個人去追一個迪斯高，仲要俾佢一個轉身玩到傻仔咁，後面完全零保護，俾佢分到俾另一邊空晒嘅柏洛迪，可惜佢第一時間抽高咗，唯一解釋就係三位仁兄撞鬼，見到有幾個迪斯高衝緊埋嚟，或者鬼掩眼睇唔到已經有隊友埋身防守，如果唔係點解可以犯啲咁低級嘅錯誤呢，小學雞全部一齊追住個波？
https://i.imgur.com/3IkqVtk.gif
由另一個角度睇，呢個防守只可以用荒謬形容，完全恐怖過鬼故，睇到都打冷震。
https://i.imgur.com/Ee6TOcB.gif
車仔今場啲防守搞成咁，真係要諗諗辦法，特別係最後講嘅呢一球，一來後防配合係地獄級，二來中場防守真係無晒影，勉強可以解釋話因為球隊輸緊波壓晒上去攻，但兩位中場中路對於三個失波嚟講都係形同虛設，好彩覆蓋地球表面70%嘅簡迪即將復出，而且歐聯出線應該冇問題，如果唔係車仔有排煩。
Why so serious?
Roma vs Chelsea 3-0 - All Goals & Extended Highlights
https://youtu.be/YNnWceVgJv8
Source: SportBible
今場比賽，干地排出卡希爾、大衛雷斯同魯迪加三位中堅，左右翼衛就係馬高斯阿朗素同艾斯派古達，中場方面就有法比加斯同巴卡約高。比起首循環，車路士今次將大衛雷斯由防中位移返去中堅，可能係一個關鍵。不過，今場嘅配搭對藍軍嚟講應該都唔算陌生，都打成咁樣，會唔會係心態問題多於排陣或實力問題呢？
睇返第一球，車路士開波一分鐘就已經失守，好明顯係集中力問題。當時羅馬左閘高拉洛夫長傳，搵到迪斯高，迪斯高頭搥二傳，艾沙拉維切入中路一射入網。
https://i.imgur.com/ULO0yto.gif
防守位置方面，當迪斯高準備頂波嘅時候，一對中堅魯迪加同大衛雷斯同時夾咗埋去，而卡希爾就喺防線嘅右路，中場防守責任較大嘅巴卡約高完全返唔切，同防線距離太遠，而上前派牌嘅法比加斯就更加連鏡頭都影唔到。
最終，迪斯高頭搥二傳去完全冇人保護嘅禁區頂位置，馬高斯阿朗素跟艾沙拉維跟得唔係咁貼，但喺後者起腳時都盡力俾咗啲壓力佢，最大問題就係點解禁區頂完全冇人保護。魯迪加同大衛雷斯兩個夾一個，卡希爾移咗落邊補艾斯派古達個位，巴卡約高返唔切、法比加斯冇影，似乎中場防守意識同中堅之間嘅配合出咗事。
去到第二球 (36分鐘)，羅馬照樣用一個長傳越過車路士中場，第一點嘅魯迪加根本唔應該俾個波落地，但佢睇落似判斷錯誤，miss咗個落點，然後轉身追已經太遲……
https://i.imgur.com/1XTtLk3.gif
第三球 (63分鐘)就俾柏洛迪個人突破推大位遠射，佢推過第一個人之後，就完全冇人埋到佢身，睇住佢射。
https://i.imgur.com/XrPyBfS.gif
不過要講真正恐怖嗰球，反而冇失到。當時羅馬後場一個長傳，又係俾迪斯高，車仔竟然用三個人去追一個迪斯高，仲要俾佢一個轉身玩到傻仔咁，後面完全零保護，俾佢分到俾另一邊空晒嘅柏洛迪，可惜佢第一時間抽高咗，唯一解釋就係三位仁兄撞鬼，見到有幾個迪斯高衝緊埋嚟，或者鬼掩眼睇唔到已經有隊友埋身防守，如果唔係點解可以犯啲咁低級嘅錯誤呢，小學雞全部一齊追住個波？
https://i.imgur.com/3IkqVtk.gif
由另一個角度睇，呢個防守只可以用荒謬形容，完全恐怖過鬼故，睇到都打冷震。
https://i.imgur.com/Ee6TOcB.gif
車仔今場啲防守搞成咁，真係要諗諗辦法，特別係最後講嘅呢一球，一來後防配合係地獄級，二來中場防守真係無晒影，勉強可以解釋話因為球隊輸緊波壓晒上去攻，但兩位中場中路對於三個失波嚟講都係形同虛設，好彩覆蓋地球表面70%嘅簡迪即將復出，而且歐聯出線應該冇問題，如果唔係車仔有排煩。
Why so serious?
Roma vs Chelsea 3-0 - All Goals & Extended Highlights
https://youtu.be/YNnWceVgJv8
Source: SportBible
請按此登錄後留言。未成為會員? 立即註冊