頭髮真係唔好亂搞,尼馬萬聖節中大伏

睇足365 於 31/10/2017 發表 收藏文章
外國嘅萬聖節真係好好玩,香港雖然都有人會玩下化喪屍裝扮鬼扮馬,但就一定唔及歐美地區氣氛咁好,一到萬聖節真係一街都係鬼怪,有時就連啲球星都會搞搞新意思。

喺巴黎嘅PSG球星尼馬就不嬲都係「MK潮童」,佢由喺巴西去到巴塞早期嗰啲髮型,直頭係經典MK頭。不過之後有一排剷咗青,然後都喺髮型方面「沉寂」過一排。


不過今年萬聖節,唔知係唔係嚟到巴黎要做超級大球星,佢嘅「MK」基因又再返返嚟,不過似乎就連佢自己都嚇一跳。佢最近喺Instagram上面show咗張相,係佢掩住個嘴好似好sad咁樣,而佢頭頂就成片綠色嘢咁。


喺西人嘅說話入面,應該就冇「綠帽」、「頭頂一片綠」、「青頭」呢啲咁尷尬嘅聯想,不過就算係咁,佢個頭染成綠色都係咁俾人恥笑。

有人話,「你做咩成塊草皮鋪喺個頭度呀?」令我諗起打《FIFA》玩「ProClub」嗰陣,有時會遇到對手個頭整到同草地一樣色,好鬼搞笑。

loading

loading
loading

loading


所以話,玩還玩,唔好玩。頭髮嘅嘢真係唔好亂搞,就好似之前有人改圖證實咗,連碧咸、李安納度、彭于晏呢啲男神都唔能夠carry到地中海髮形一樣,靚仔唔係大晒架。

Source: SportBible

留言


請按此登錄後留言。未成為會員? 立即註冊
    快捷鍵:←
    快捷鍵:→