啱啱星期日晚踢嘅英超第9輪賽事，熱刺主場大戰利物浦，開波十幾分鐘就已經領先2-0，利物浦高普眼見球隊防守發緊夢，一怒之下做出罕見嘅換人舉動，喺上半場31分鐘就用翼鋒張伯倫入替中堅路夫雲，寧願用身型比較單薄嘅右閘祖高美斯客串中堅。
呢番舉動令路夫雲成為焦點，搞到係人都知道高普覺得路夫雲係輸波罪人，而曼聯名宿舒米高就話覺得高普特登提早換人，只係推卸責任，對事情完全冇幫助。
至於舒米高嘅前隊友「加利佬」加利尼維利，都有類似嘅睇法，佢認為紅軍防守整體表現都有問題，又話路夫雲嚟利記之前根本唔係咁樣：
「高普嘅中堅同門將永遠都會害死佢，佢哋根本唔夠好。就算前面踢得幾好，佢哋都會令你失望。」
「我諗起當年路夫雲喺修咸頓跟住普捷天奴嘅時候，覺得佢係英超最佳中堅之一。依家佢完全唔同晒。」
唔知「加利佬」係咪暗示高普嘅防守執教能力遠遠比唔上普帥呢？
睇返路夫雲喺2013-14球季加盟當時由普捷天奴執教嘅修咸頓，會唔會睇到一啲端倪呢？以下就係2013年9月21日修咸頓作客以1-0撃敗利物浦嘅陣容。
呢場比賽中，普捷天奴排出嘅防線係路夫雲搭荷西方迪，左右兩閘就係梳爾同佳尼，而前面仲有雲耶馬同舒尼達連保護，路夫雲仲喺呢場波接應拉蘭拿角球頂入個人第一個英超入球。
比較返路夫雲喺今季踢咗7場比賽之後，同2013-14球季喺修咸頓時嘅表現，絕對係一落千丈。不論係整體防守表現、場均攔截數據、防守失誤，都全部差一大截，特別係場均防守失誤數字由0.03次大幅提升至0.19次。用七場比賽去比較可能唔公平，但即使用佢上季嘅數據去同修咸頓時期比較，都已經係退步咗好多。
個人認為，除咗因為身前有覆蓋面極大同掃蕩力極強嘅雲耶馬同舒尼達連保護，係好重要嘅因素之外，佢嘅中堅拍檔荷西方迪都功不可沒。當年呢對拍檔中，似乎係路夫雲嘅表現較為搶眼，然後以接近2300萬鎊傳投紅軍，而睇落冇咁耀眼嘅荷西方迪，上季只係以828萬鎊加盟韋斯咸，但結果荷西方迪先係一路keep住最穩定嗰個，不禁令人諗返，其實當年路夫雲咁勁係咪多得方迪喺隔離幫佢做咗好多唔起眼嘅嘢呢？另一方面，高普識唔識得活用現有人腳，調整戰術同陣容配搭，去保護防線呢，另外又有冇眼光去物色球隊最需要補充嘅人員呢(如果老細肯科水)？
荷西方迪唔會好搶鏡，但一路都穩：
相反，普捷天奴喺熱刺重用嘅艾達維列特同維頓漢就穩陣得多喇……相信高普一定要搵到一個防守力強啲嘅中場配搭，同埋一個防線大佬，先可以真正改善防守。
Source: Telegragh、Squawka
呢番舉動令路夫雲成為焦點，搞到係人都知道高普覺得路夫雲係輸波罪人，而曼聯名宿舒米高就話覺得高普特登提早換人，只係推卸責任，對事情完全冇幫助。
至於舒米高嘅前隊友「加利佬」加利尼維利，都有類似嘅睇法，佢認為紅軍防守整體表現都有問題，又話路夫雲嚟利記之前根本唔係咁樣：
「高普嘅中堅同門將永遠都會害死佢，佢哋根本唔夠好。就算前面踢得幾好，佢哋都會令你失望。」
「我諗起當年路夫雲喺修咸頓跟住普捷天奴嘅時候，覺得佢係英超最佳中堅之一。依家佢完全唔同晒。」
唔知「加利佬」係咪暗示高普嘅防守執教能力遠遠比唔上普帥呢？
睇返路夫雲喺2013-14球季加盟當時由普捷天奴執教嘅修咸頓，會唔會睇到一啲端倪呢？以下就係2013年9月21日修咸頓作客以1-0撃敗利物浦嘅陣容。
呢場比賽中，普捷天奴排出嘅防線係路夫雲搭荷西方迪，左右兩閘就係梳爾同佳尼，而前面仲有雲耶馬同舒尼達連保護，路夫雲仲喺呢場波接應拉蘭拿角球頂入個人第一個英超入球。
比較返路夫雲喺今季踢咗7場比賽之後，同2013-14球季喺修咸頓時嘅表現，絕對係一落千丈。不論係整體防守表現、場均攔截數據、防守失誤，都全部差一大截，特別係場均防守失誤數字由0.03次大幅提升至0.19次。用七場比賽去比較可能唔公平，但即使用佢上季嘅數據去同修咸頓時期比較，都已經係退步咗好多。
個人認為，除咗因為身前有覆蓋面極大同掃蕩力極強嘅雲耶馬同舒尼達連保護，係好重要嘅因素之外，佢嘅中堅拍檔荷西方迪都功不可沒。當年呢對拍檔中，似乎係路夫雲嘅表現較為搶眼，然後以接近2300萬鎊傳投紅軍，而睇落冇咁耀眼嘅荷西方迪，上季只係以828萬鎊加盟韋斯咸，但結果荷西方迪先係一路keep住最穩定嗰個，不禁令人諗返，其實當年路夫雲咁勁係咪多得方迪喺隔離幫佢做咗好多唔起眼嘅嘢呢？另一方面，高普識唔識得活用現有人腳，調整戰術同陣容配搭，去保護防線呢，另外又有冇眼光去物色球隊最需要補充嘅人員呢(如果老細肯科水)？
荷西方迪唔會好搶鏡，但一路都穩：
相反，普捷天奴喺熱刺重用嘅艾達維列特同維頓漢就穩陣得多喇……相信高普一定要搵到一個防守力強啲嘅中場配搭，同埋一個防線大佬，先可以真正改善防守。
Source: Telegragh、Squawka
請按此登錄後留言。未成為會員? 立即註冊