歐聯分組賽第三輪，曼聯作客葡超嘅賓菲加，憑住拉舒福特罰球導致賓菲加門將失誤，以1-0小勝而回。呢位史上最年輕歐聯門將，因為呢個嚴重失誤而累球隊輸波，搞到好唔開心，但贏波嘅曼聯前鋒盧卡古就盡顯大將之風，喺賽後上前安慰呢位小師弟。
呢場比賽係歐聯分組賽A組第三輪賽事，賓菲加喺前兩輪比賽全敗，今場雖然有38歲嘅前巴西國門祖里奧斯薩坐陣，但仍然決定起用從未為一隊上陣嘅比利時小將史韋拉 (Mile Svilar) ，令佢以18歲又52日之齡，打破咗傳奇門將卡斯拿斯嘅紀錄，成為歐聯史上最年輕嘅門將。
其實佢嘅表現唔差，全場面對4次射門，有3次撲救，喺身手方面就冇問題喇，可惜真係「少年你太年輕了」。作為門將，一場波有10個神救都好，一次失誤就足以成為罪人。喺比賽第64分鐘，曼聯嘅拉舒福特處理左路罰球，直接彎向龍門，史韋拉跳起接實個波，點知落地嘅時候已經連人帶波入咗白界，呢個失波就成為咗全場唯一入球。
累到球隊輸波嘅史韋拉喺賽後好唔開心，仲有少少眼濕濕，就去場邊向主場球迷道歉。年輕球員犯錯係好平常嘅事，只要識得吸取教訓，將來一樣可以成材，只不過呢位年輕門將喺破紀錄兼第一次為一隊上陣就搞成咁，的確係好sad。呢個時候，佢最需要有人扶佢一把，呢個人就係佢嘅比利時同胞盧卡古喇。
曼聯前鋒盧卡古賽後並冇「三分已袋，理L得你」，無論係表現球星風度，定係希望比利時將來有位好門將都好啦，佢就走咗埋去史韋拉身邊，搭住佢膊頭講幾句安慰佢，再嚟個擁抱。得到大師兄嘅鼓勵，相信史韋拉好快可以振作起嚟，繼續進步。
曾經效力賓菲加嘅馬迪，加埋同為門將迪基亞嘅，同樣有份安慰呢位小將。
史韋拉失球片段
https://youtu.be/Q_vUxe6fYvw
盧卡古安慰片段
https://youtu.be/6B8HUFksT04
Source: Daily Mail、telegraph
呢場比賽係歐聯分組賽A組第三輪賽事，賓菲加喺前兩輪比賽全敗，今場雖然有38歲嘅前巴西國門祖里奧斯薩坐陣，但仍然決定起用從未為一隊上陣嘅比利時小將史韋拉 (Mile Svilar) ，令佢以18歲又52日之齡，打破咗傳奇門將卡斯拿斯嘅紀錄，成為歐聯史上最年輕嘅門將。
其實佢嘅表現唔差，全場面對4次射門，有3次撲救，喺身手方面就冇問題喇，可惜真係「少年你太年輕了」。作為門將，一場波有10個神救都好，一次失誤就足以成為罪人。喺比賽第64分鐘，曼聯嘅拉舒福特處理左路罰球，直接彎向龍門，史韋拉跳起接實個波，點知落地嘅時候已經連人帶波入咗白界，呢個失波就成為咗全場唯一入球。
累到球隊輸波嘅史韋拉喺賽後好唔開心，仲有少少眼濕濕，就去場邊向主場球迷道歉。年輕球員犯錯係好平常嘅事，只要識得吸取教訓，將來一樣可以成材，只不過呢位年輕門將喺破紀錄兼第一次為一隊上陣就搞成咁，的確係好sad。呢個時候，佢最需要有人扶佢一把，呢個人就係佢嘅比利時同胞盧卡古喇。
曼聯前鋒盧卡古賽後並冇「三分已袋，理L得你」，無論係表現球星風度，定係希望比利時將來有位好門將都好啦，佢就走咗埋去史韋拉身邊，搭住佢膊頭講幾句安慰佢，再嚟個擁抱。得到大師兄嘅鼓勵，相信史韋拉好快可以振作起嚟，繼續進步。
曾經效力賓菲加嘅馬迪，加埋同為門將迪基亞嘅，同樣有份安慰呢位小將。
史韋拉失球片段
https://youtu.be/Q_vUxe6fYvw
盧卡古安慰片段
https://youtu.be/6B8HUFksT04
Source: Daily Mail、telegraph
請按此登錄後留言。未成為會員? 立即註冊