車路士球迷睇完巴舒亞伊嘅表現，會唔會好掛住外借咗出去嘅阿巴謙 (Tammy Abraham) 呢？依家喺電視台講波嘅阿仙奴傳奇射手伊恩胡禮早前表示，睇完巴舒亞伊上場對水晶宮嘅表現，假如當初冇借走阿巴謙嘅話，寧願用呢位20歲小將咁話喎，大家又認唔認同呢？
早前喺9月底嗰場車路士對曼城嘅英超賽事，車仔嘅正印中鋒莫拉達因傷離場，佢喺之前嗰6場英超比賽入面，貢獻咗6個入波、2個助攻，fit 到漏油，車仔冇咗佢都幾頭痕，咁啱計埋佢傷出呢場比賽，兩場英超都輸晒，好彩中間隔咗個國際賽期。
伊恩胡禮就認為上仗對水晶宮出任正箭頭嘅巴舒亞伊，走位實在係太差：「我最唔鍾意佢嘅地方係，佢冇努力用走位去為對手守將增加麻煩，從而為自己增加空位同入禁區嘅機會，呢樣係佢需要嘅嘢。佢需要用走位去創造空間。」
「當你睇佢踢波嗰陣就會發現佢唔走位……對水晶宮時都有幾球好嘅傳送俾佢，但佢好多時都起動得太遲。」
呢一點喺另一位仁兄嘅專欄《理性足球分析》就有清楚嘅影片分析，由於事先冇問過片主，大家可以直接上佢Facebook page上面睇。 ( https://www.facebook.com/rationalanalysishk/videos/735547626652805/ )
不過喺另一邊廂，今季由車路士外借去史雲斯嘅阿巴謙就啱啱相反，佢喺同一輪英超比賽，史雲斯對哈特斯菲爾特入面，梅開二度，備受讚賞。難怪史雲斯隊長里安比頓都話，十分睇好呢個小將未來可以喺車路士打出頭，甚至將佢同英格蘭老牌射手迪科爾比較，而迪科爾正正就係以靈活走位入楔見長。
伊恩胡禮睇完呢場波之後都話好欣賞阿巴謙嘅走位：「佢好勤力走動，第一個入波展現咗佢嘅冷靜，而佢今日嘅走動係十分出色。見到佢嘅走動，我會揀用佢。」
https://www.youtube.com/watch?v=6JYT5u2eNcI
其實阿巴謙嘅表現絕對唔係曇花一現，佢上一季外借咗去英冠球隊布里斯托城，上陣41場射入23球，效率相當唔錯，唔好忘記佢啱啱今個月先滿20歲。佢舊年開始為英格蘭U21上陣，13場射入5球，而今季「升lv」踢英超暫時都keep到，8場入咗4球。
Squawka比拼：
Whoscored比拼：
阿巴謙係未來嘅事，但好彩各大傳媒都報導，莫拉達已經準備好喺今晚歐聯分組賽出戰，甚至正選上陣。巴舒亞伊個衰仔唔止一次有機會都唔識把握，加盟車仔一季有多，都數唔出有邊場好波 (除咗FIFA 99分嗰場?) ，依家莫拉達出得返，相信大家有一排都唔會再見到佢喇。
Source: Squawka、DailyMail
早前喺9月底嗰場車路士對曼城嘅英超賽事，車仔嘅正印中鋒莫拉達因傷離場，佢喺之前嗰6場英超比賽入面，貢獻咗6個入波、2個助攻，fit 到漏油，車仔冇咗佢都幾頭痕，咁啱計埋佢傷出呢場比賽，兩場英超都輸晒，好彩中間隔咗個國際賽期。
伊恩胡禮就認為上仗對水晶宮出任正箭頭嘅巴舒亞伊，走位實在係太差：「我最唔鍾意佢嘅地方係，佢冇努力用走位去為對手守將增加麻煩，從而為自己增加空位同入禁區嘅機會，呢樣係佢需要嘅嘢。佢需要用走位去創造空間。」
「當你睇佢踢波嗰陣就會發現佢唔走位……對水晶宮時都有幾球好嘅傳送俾佢，但佢好多時都起動得太遲。」
呢一點喺另一位仁兄嘅專欄《理性足球分析》就有清楚嘅影片分析，由於事先冇問過片主，大家可以直接上佢Facebook page上面睇。 ( https://www.facebook.com/rationalanalysishk/videos/735547626652805/ )
不過喺另一邊廂，今季由車路士外借去史雲斯嘅阿巴謙就啱啱相反，佢喺同一輪英超比賽，史雲斯對哈特斯菲爾特入面，梅開二度，備受讚賞。難怪史雲斯隊長里安比頓都話，十分睇好呢個小將未來可以喺車路士打出頭，甚至將佢同英格蘭老牌射手迪科爾比較，而迪科爾正正就係以靈活走位入楔見長。
伊恩胡禮睇完呢場波之後都話好欣賞阿巴謙嘅走位：「佢好勤力走動，第一個入波展現咗佢嘅冷靜，而佢今日嘅走動係十分出色。見到佢嘅走動，我會揀用佢。」
https://www.youtube.com/watch?v=6JYT5u2eNcI
其實阿巴謙嘅表現絕對唔係曇花一現，佢上一季外借咗去英冠球隊布里斯托城，上陣41場射入23球，效率相當唔錯，唔好忘記佢啱啱今個月先滿20歲。佢舊年開始為英格蘭U21上陣，13場射入5球，而今季「升lv」踢英超暫時都keep到，8場入咗4球。
Squawka比拼：
Whoscored比拼：
阿巴謙係未來嘅事，但好彩各大傳媒都報導，莫拉達已經準備好喺今晚歐聯分組賽出戰，甚至正選上陣。巴舒亞伊個衰仔唔止一次有機會都唔識把握，加盟車仔一季有多，都數唔出有邊場好波 (除咗FIFA 99分嗰場?) ，依家莫拉達出得返，相信大家有一排都唔會再見到佢喇。
Source: Squawka、DailyMail
請按此登錄後留言。未成為會員? 立即註冊