英超球隊水晶宮近來可謂頭頭碰著黑，佢哋喺今季英超踢咗6場波，一場都贏唔到，兼且一球都冇入過，排喺聯賽榜尾，佢哋最近又有一個壞消息。
之前，佢哋已經炒咗今季先請返嚟嘅領隊法蘭迪保亞，改由前英格蘭國家隊主帥鶴臣領軍，不過有名你叫「學神」，大部份球迷都唔睇好「學神」可以拯救水晶宮，而佢接手之後，球隊繼續兩場全敗零入球嘅頹勢。
喺香港時間9月23號晚10點嗰場英超比賽，水晶宮作客曼城，級數加近況都差幾皮之下，被大炒5-0都可以話預咗，不過最慘係賠了夫人又折兵，佢哋嘅主力中鋒賓迪基竟然喺呢場波入面傷出，最新消息話佢傷得唔輕，相信佢因為膝部韌帶傷勢，而需要休戰六至八周。
六個星期，如果水晶宮仍然走唔出谷底，形勢隨時變成神仙難救，所以外界估計水晶宮好有可能盡快物色一位自由身嘅前鋒人選代替賓迪基。根據英超規定，雖然轉會窗已經完結，球會依家仍然可以簽入自由球員，同埋只要25人名單中有留有空缺，就可以註冊新球員，而水晶宮依家只係註冊咗24人，仲有一個位可以簽前鋒。
水晶宮陣中都唔係完全冇正中鋒，不過本來應該可以代替賓迪基嘅域咸，本身就已經傷咗，起碼都要唞多幾個星期；另外一個人選，就係水晶宮喺2016年由非聯賽球隊簽入嘅拉達普，但佢一場英超都未踢過，「學神」會唔會賭喺佢身上呢？
所以有傳「學神」會搵暫時仲係失業嘅列基林拔頂上，林拔現年35歲，佢喺7月以自由身離開卡迪夫城，到依家仍然冇班落，老係老啲，不過佢嘅柱躉式踢法應該幾適合「學神」嘅。
Source: DailyMail
之前，佢哋已經炒咗今季先請返嚟嘅領隊法蘭迪保亞，改由前英格蘭國家隊主帥鶴臣領軍，不過有名你叫「學神」，大部份球迷都唔睇好「學神」可以拯救水晶宮，而佢接手之後，球隊繼續兩場全敗零入球嘅頹勢。
喺香港時間9月23號晚10點嗰場英超比賽，水晶宮作客曼城，級數加近況都差幾皮之下，被大炒5-0都可以話預咗，不過最慘係賠了夫人又折兵，佢哋嘅主力中鋒賓迪基竟然喺呢場波入面傷出，最新消息話佢傷得唔輕，相信佢因為膝部韌帶傷勢，而需要休戰六至八周。
六個星期，如果水晶宮仍然走唔出谷底，形勢隨時變成神仙難救，所以外界估計水晶宮好有可能盡快物色一位自由身嘅前鋒人選代替賓迪基。根據英超規定，雖然轉會窗已經完結，球會依家仍然可以簽入自由球員，同埋只要25人名單中有留有空缺，就可以註冊新球員，而水晶宮依家只係註冊咗24人，仲有一個位可以簽前鋒。
水晶宮陣中都唔係完全冇正中鋒，不過本來應該可以代替賓迪基嘅域咸，本身就已經傷咗，起碼都要唞多幾個星期；另外一個人選，就係水晶宮喺2016年由非聯賽球隊簽入嘅拉達普，但佢一場英超都未踢過，「學神」會唔會賭喺佢身上呢？
所以有傳「學神」會搵暫時仲係失業嘅列基林拔頂上，林拔現年35歲，佢喺7月以自由身離開卡迪夫城，到依家仍然冇班落，老係老啲，不過佢嘅柱躉式踢法應該幾適合「學神」嘅。
Source: DailyMail
請按此登錄後留言。未成為會員? 立即註冊