阿仙奴名宿亨利本身曾經係一位世界級射手，佢係阿仙奴歷史射手榜第一、法國國家隊歷史射手榜第一、英超歷史射手榜第5位，究竟喺佢眼中，依家英超有邊位後輩稱得上係世界級射手？佢嘅答案只有一個。
最近，亨利同利物浦名宿加歷查喺《Sky Sports》嘅著名節目《Monday Night Football》上面，討論到底依家英超有邊位前鋒係世界級。佢哋提到阿古路、莫拉達、哈利簡尼同盧卡古，四位前鋒同樣喺啱啱嘅周末英超賽事入波，除咗哈利簡尼之外，另外3位都已經攻入6個英超入球，哈利簡尼都有4個。
不過喺呢4個前鋒入面，亨利認為只有阿古路屬於世界級射手。
「最接近世界級，或者係世界級，又或者曾經係世界級嘅係阿古路，因為佢長年喺英超入面保持到年年都有好表現。」
「佢贏過聯賽冠軍，入過世界盃決賽。佢咁樣嘅表現保持得最耐，所以值得俾佢一啲肯定。我諗我哋有時會忽視咗阿古路 (討論世界級射手時)，但我哋都會同意，數據顯示佢係最強嘅。」
「至於另外3位，佢哋將會係世界級，但依家仲未係。盧卡古只係啱啱先加盟曼聯，而且之前未踢過歐聯。我哋經常都會講邊個係世界級，而爭論永遠都唔會停落嚟，不過阿古路係最接近嘅人。」
亨利表示，佢認為一位前鋒要成為世界級，除咗喺聯賽要有好表現之外，去到歐聯、國家隊都一樣要交到貨，所以佢認為莫拉達、哈利簡尼同盧卡古將來都可以成為世界級，但依家就未係住喇。
佢話，哈利簡尼唔係咁好彩，熱刺不論喺歐聯定歐霸都走得唔遠，所以喺歐洲賽方面暫時冇乜說服力。至於莫拉達，佢喺皇馬經常都冇正選踢，去到祖雲達斯嘅時候表現唔錯，但球隊當時唔係以佢為重心，佢依家需要將車路士變成自己嘅球隊。
加歷查都認同亨利所講，認為只有阿古路屬於世界級，莫拉達、哈利簡尼同盧卡古距離佢心目中嘅世界級，例如利雲杜夫斯基同蘇亞雷斯，仲有一段距離。佢唔會拎C朗同美斯嚟比較，因為佢哋嘅層次更高。
Source: Sky Sports
最近，亨利同利物浦名宿加歷查喺《Sky Sports》嘅著名節目《Monday Night Football》上面，討論到底依家英超有邊位前鋒係世界級。佢哋提到阿古路、莫拉達、哈利簡尼同盧卡古，四位前鋒同樣喺啱啱嘅周末英超賽事入波，除咗哈利簡尼之外，另外3位都已經攻入6個英超入球，哈利簡尼都有4個。
不過喺呢4個前鋒入面，亨利認為只有阿古路屬於世界級射手。
「最接近世界級，或者係世界級，又或者曾經係世界級嘅係阿古路，因為佢長年喺英超入面保持到年年都有好表現。」
「佢贏過聯賽冠軍，入過世界盃決賽。佢咁樣嘅表現保持得最耐，所以值得俾佢一啲肯定。我諗我哋有時會忽視咗阿古路 (討論世界級射手時)，但我哋都會同意，數據顯示佢係最強嘅。」
「至於另外3位，佢哋將會係世界級，但依家仲未係。盧卡古只係啱啱先加盟曼聯，而且之前未踢過歐聯。我哋經常都會講邊個係世界級，而爭論永遠都唔會停落嚟，不過阿古路係最接近嘅人。」
亨利表示，佢認為一位前鋒要成為世界級，除咗喺聯賽要有好表現之外，去到歐聯、國家隊都一樣要交到貨，所以佢認為莫拉達、哈利簡尼同盧卡古將來都可以成為世界級，但依家就未係住喇。
佢話，哈利簡尼唔係咁好彩，熱刺不論喺歐聯定歐霸都走得唔遠，所以喺歐洲賽方面暫時冇乜說服力。至於莫拉達，佢喺皇馬經常都冇正選踢，去到祖雲達斯嘅時候表現唔錯，但球隊當時唔係以佢為重心，佢依家需要將車路士變成自己嘅球隊。
加歷查都認同亨利所講，認為只有阿古路屬於世界級，莫拉達、哈利簡尼同盧卡古距離佢心目中嘅世界級，例如利雲杜夫斯基同蘇亞雷斯，仲有一段距離。佢唔會拎C朗同美斯嚟比較，因為佢哋嘅層次更高。
Source: Sky Sports
請按此登錄後留言。未成為會員? 立即註冊