曾幾何時，英格蘭球員甚少出國到歐洲五大聯賽搵食，但近年趨勢已經有所不同，德甲多次向英格蘭年輕球員「埋手」，租借甚至買斷，已經成為新一代英軍練兵地。根據《Sky Sports》報導，近日兩間德甲球會分別洽購英格蘭年輕球員，已經進入最終階段，成事機會極高。
當年為韋斯咸上陣鋒芒初露時，只有16歲嘅「牛津仔」Reece Oxford，近幾季甚少於一隊級別比賽上陣，漸漸於大眾球迷注目中淡出，不過並唔代表佢前途黯淡，可能只係低調喺青年隊潛心訓練。事實上，20歲嘅「牛津仔」今季被外借到奧格斯堡，雖然只為奧格斯堡一隊踢過8場比賽，但仍然吸引到奧格斯堡主帥舒密特 (Martin Schmidt) 將佢收歸旗下。
《Sky Sports》報導指，奧格斯堡主帥舒密特近日接受《Kicker》訪問時承認十分欣賞「牛津仔」，只要價錢合適，球會必定將佢買斷。報導又指，奧格斯堡接近以300萬鎊完成收購「牛津仔」，談判已經進入個人條款階段。
另一方面，今季借用阿仙奴小將尼爾遜 (Reiss Nelson) 嘅賀芬咸，食髓知味，睇中19歲車路士小將 Martell Taylor-Crossdale 。《Sky Sports》指呢位英格蘭U18代表隊前鋒，雖然從未有一隊上陣經歷，但仍吸引到賀芬咸注意，車路士早前向佢開出續約條件，但雙方最終已經達成「分手協議」， Martell Taylor-Crossdale 將會喺今個夏天免費離隊，而球員將會前往賀芬咸進行體測。
《Sky Sports》又指，賀芬咸除 Martell Taylor-Crossdale 外，有機會於今個月底簽下另一位英籍小將，但球員身份未明。賀芬咸今季由阿仙奴借來19歲前鋒/翼鋒尼爾遜，季內上陣19次射入7球；據較早前報導，阿仙奴主帥艾馬利並不希望球會放售尼爾遜。
Source:
Chelsea's Martell Taylor-Crossdale to join HoffenheimReece Oxford set to leave West Ham for Augsburg in £3m deal
當年為韋斯咸上陣鋒芒初露時，只有16歲嘅「牛津仔」Reece Oxford，近幾季甚少於一隊級別比賽上陣，漸漸於大眾球迷注目中淡出，不過並唔代表佢前途黯淡，可能只係低調喺青年隊潛心訓練。事實上，20歲嘅「牛津仔」今季被外借到奧格斯堡，雖然只為奧格斯堡一隊踢過8場比賽，但仍然吸引到奧格斯堡主帥舒密特 (Martin Schmidt) 將佢收歸旗下。
《Sky Sports》報導指，奧格斯堡主帥舒密特近日接受《Kicker》訪問時承認十分欣賞「牛津仔」，只要價錢合適，球會必定將佢買斷。報導又指，奧格斯堡接近以300萬鎊完成收購「牛津仔」，談判已經進入個人條款階段。
另一方面，今季借用阿仙奴小將尼爾遜 (Reiss Nelson) 嘅賀芬咸，食髓知味，睇中19歲車路士小將 Martell Taylor-Crossdale 。《Sky Sports》指呢位英格蘭U18代表隊前鋒，雖然從未有一隊上陣經歷，但仍吸引到賀芬咸注意，車路士早前向佢開出續約條件，但雙方最終已經達成「分手協議」， Martell Taylor-Crossdale 將會喺今個夏天免費離隊，而球員將會前往賀芬咸進行體測。
《Sky Sports》又指，賀芬咸除 Martell Taylor-Crossdale 外，有機會於今個月底簽下另一位英籍小將，但球員身份未明。賀芬咸今季由阿仙奴借來19歲前鋒/翼鋒尼爾遜，季內上陣19次射入7球；據較早前報導，阿仙奴主帥艾馬利並不希望球會放售尼爾遜。
Source:
Chelsea's Martell Taylor-Crossdale to join HoffenheimReece Oxford set to leave West Ham for Augsburg in £3m deal
請按此登錄後留言。未成為會員? 立即註冊