《Sky Sports》:加利夫巴爾正談判以100萬鎊周薪轉投江蘇蘇寧,成事與否7月31日前揭曉

睇足365 於 28/07/2019 發表 收藏文章
有關皇家馬德里翼鋒加利夫巴爾 (Gareth Bale) 嘅離隊傳聞不絕於耳,甚至連皇馬主帥施丹都公開表示認為加利夫巴爾應該離隊他投。上星期開始,傳出加利夫巴爾正與中超球會談判嘅消息。

根據《Sky Sports》最新報導,傳聞中成為最新大熱嘅中超球會江蘇蘇寧,對於簽下巴爾越來越有信心 (Jiangsu Suning are increasingly confident they can convince Bale to sign) ,雙方已展開談判,而且進展順利。


30歲嘅加利夫巴爾雖然喺皇馬失寵,多年嚟未能融入球隊,又不時受傷患困擾,令佢已經唔喺主帥施丹計劃之內,但相信以佢能力要喺其他歐洲大球會立足,應該唔成問題。不過,早前根據其經理人 Jonathan Barnett 嘅講法,巴爾一來唔會以外借方式離隊,二來唔會接受減薪。因此,市場上有能力而願意「接貨」嘅球會已經好少,令到一向唔介意使出天價買人增強實力兼宣傳嘅中超球會成為熱門目的地。

《Sky Sports》報導指,巴爾現時於皇馬周薪為60萬英鎊,江蘇蘇寧為吸引巴爾,願意開出100萬英鎊周薪!另外,由於巴爾與皇馬仍有三年合約,相信佢嘅轉會費亦所費不菲。皇馬最近於季前賽中有阿辛斯奧重傷收咧,因此施丹即使唔需要巴爾,估計仍不至於急於賤賣,甚至解約免費放走巴爾。

另一邊廂,江蘇蘇寧或任何希望簽下巴爾嘅中超球會面臨一大障礙,就係佢哋引入外援時需要支付100%轉會稅 (「調節費」),用作支持本土青訓,意味著佢哋需要投入雙倍轉會費。


最後,《Sky Sports》提醒,加利夫巴爾最終是否轉會到中超,必定會喺7月31日或以前揭曉,因為呢一日正係中超轉會窗最後一日,喺呢三日內大家可以拭目以待。

Source: Sky Sports

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→