Lord賓分享經驗兼爆球員召妓史:免費嘢先係最貴!

睇足365 於 13/10/2020 發表 收藏文章
前阿仙奴中鋒賓特拿 (Nicklas Bendtner) 向來係一個爭議人物,佢狂妄自大、言論出位、行為大膽,當年曾經被視為有一定嘅潛質前鋒,可以話性格摧毀咗佢嘅足球生涯。被戲稱「Lord賓」嘅佢今年已經32歲,最近佢推出自傳,大談「性經」,承認召妓係足球員圈子內常見現象。


「Lord賓」喺自傳《Both Sides》入面提到,好多足球員,特別係喺英格蘭,都有召妓習慣,更喜歡分享「賽後報告」。賓特拿稱:「呢個現象喺職業球員之間好普遍,只係唔係咁多人『斷正』。相信我,呢個行業裡面,每個人都聽過其他人嘅經歷,特別喺英格蘭,向一大班聽眾分享『戰績』係一個古老傳統。

搵性工作者比起隨意喺出面識女仔係冇咁大風險。當成名之後,好多球員都唔敢同普通女仔發生關係。我知道好多關於召妓嘅故事,亦都聽到好多因為上社交媒體識女仔而被勒索嘅故事。

我想講嘅係有啲拜金女會喺夜店痴埋嚟,然後趁你瞓著之後影你裸照,再要求你俾錢佢封口。雖然都唔係一定,但妓女起碼有職業道德。我自己就親眼見過有球員喺比賽前一晚集宿時召妓。

我有一次遇到一個女仔,佢返嚟同我講佢有咗BB,叫我俾錢佢『處理』,原來我最終係俾咗錢佢去做隆胸手術。」


不僅如此,「Lord賓」仲大爆曾經有一位隊友喺泳池滑梯同人發生關係:「我哋要喺酒店留宿一晚,我同佢去咗酒店間酒吧識女仔,我哋兩對男女突然決定要去室內泳池裸泳,仲發現嗰度有條滑梯,喺嗰度用各種姿勢做愛。之後返到球隊練波,我發現嗰位隊友膝頭損晒,原來佢喺泳池玩『狗仔式』玩到磨損晒皮膚。」


賓特拿近年足球發展一落千丈,2019年中離開洛辛堡後,佢返回丹麥效力哥本哈根,但只得到半年合約,亦於年底不獲續約離隊;到今年8月,賓特拿加盟丹麥第4級別球隊Tårnby FF,只係為球隊嘅32歲以上隊伍 ("M+32 Old Boys" team) 比賽 (相信係業餘性質),據悉原因係佢同球隊組織者相識多年。

賓特拿與現任女友 Philine Roepstorff

Source: Daily MailThe Sun

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
    快捷鍵:←
    快捷鍵:→