模擬足球經營遊戲《Football Manager》 (下稱FM) 喺球迷圈中一直大受歡迎,FM嘅遊戲設計以追求真實為本,令玩家可以喺球會管理、排兵佈陣方面體會真正球會運作,例如玩家由球員買賣、職員招募、青訓系統、日常訓練、球探指令等都可以親自安排,又需要面對更衣室內部各種矛盾,但數到FM最大特色,就係佢享負盛名嘅龐大職球員資料庫,世界各地各級聯賽都有教練承認自己會用FM資料作為參考,輔助考察球員等工作!現時世界各地爆發新型冠狀病毒/武漢肺炎,球壇基本上已陷入停擺,加上大家都留家避疫,近日FM嘅線上人數創下新高,成為各地球迷抗疫良伴。有見及此,FM更於昨日宣布於遊戲平台steam上免費一星期,俾未買game又想試玩嘅朋友「入坑」,如玩家將來正式購入遊戲,仍可繼承存檔繼續遊戲。
![loading](/images/loading.svg?v=202101)
玩遊戲最重要係自己開心,FM呢隻咁深入嘅遊戲,玩家一直都有各自唔同嘅玩法同目標,例如有玩家喜歡向難度挑戰,由低組別聯賽玩起,將一隊波一手帶上頂級聯賽;有玩家喜歡挑選青訓勁旅培育新星;玩法之多不能盡錄,以下僅介紹幾個筆者提議大家試玩嘅玩法。
入門篇
1. 主流聯賽
(網上圖片)
好多球迷嘅愛隊都係屬於主流聯賽豪門,呢類球會因為資源相對充足,就算佢哋喺現實世界中成績不穩 (如曼聯、阿仙奴、熱刺),1-3季內要達成聯賽冠軍、歐聯嘅難度都唔太大,適合作為遊戲入門。玩家可以按自己喜好加添額外目標,例如不斷收購潛力小將或本土球員等。另外,如果你係英超球迷,想認識多啲其他聯賽,FM都係一個好途徑,筆者喺歐洲五大聯賽中暫時就玩過英超、德甲同法甲,將來會再試下西甲意甲。
1.1 「大水喉」新貴:RB萊比錫、狼隊
想有少少挑戰性,又有足夠資源,可以選擇RB萊比錫,呢隊波作為德甲新貴近年向拜仁步步進逼,隨時喺你幫助下取得首個德甲冠軍;狼隊投過同經理人文迪斯關係,引入唔少葡萄牙球員,連續兩季挑戰前六位置,其中唔少玩家指「筋肉人」阿達馬查奧爾相當可怕。
1.2 中下游:修咸頓/愛華頓/紐卡素……
其實執教主流聯賽中下游球會嘅難度,個人認為比低組別球隊更高,因為喺頂級聯賽生存,有時已經唔係單靠戰術心思就可以做到,你嘅主力球員踢得好就可能會被大球會挖角 (筆者就試過一名主力球員強行被球會主席接受外來報價賣出,無法阻止),你需要學會接受失利,要花多幾季先可以累積足夠實力及提升球會知名度 (影響球員來投意欲)。呢類中小型球會中有唔少選擇,各有特色,例如英超修咸頓就以青訓見稱,適合喜歡培育新星嘅玩家。筆者今集就玩緊德甲升班馬柏林聯,特色係呢間前東德球會只係首次升上德甲,而且佢哋開季時陣中大部分球員都只適合踢「高Q大棍」,對筆者自己嚟講係一個新嘗試,結果第一季以第9位完成,本以為算做得唔錯,但柏林聯現實中都排第11位,未能超越現實太多,都唔可以算成功,下季再努力。
進階篇
2. 再奪歐聯:阿積士/波圖/貝爾格萊德紅星
(網上圖片)
以歐洲為例,五大聯賽以外都有好多球會吸引玩家執教,例如葡超波圖、賓菲加、荷甲阿積士,甚至塞爾維亞聯賽貝爾格萊德紅星,呢啲球隊都曾經問鼎歐聯冠軍,執教佢哋嘅目標自然係帶領佢嘅再挑戰歐聯冠軍,喺玩家衝擊歐聯嘅過程中,更會順帶逐漸提升本土聯賽嘅歐戰系數。
3. 沒落勁旅:諾定咸森林/列斯聯/漢堡/雲達不萊梅
世界各地聯賽有唔少老牌球會,而家只淪為「升降機」或者長期護級分子,例如雲達不萊梅、漢堡等。仲有曾經奪得2屆歐聯冠軍嘅諾定咸森林,同埋歐聯亞軍列斯聯,亦係相當受歡迎嘅選擇。
3.1 沒落非勁旅:保頓/新特蘭
講開沒落勁旅,諗起一類既已沉淪,又非勁旅嘅球會,例如保頓、新特蘭之類老牌球會,現時已因為財困或管理不善等因素連跌幾級到英甲,雖然佢哋風光之時都未至於呼風喚雨,但好多球迷都因為懷舊情結,想將佢哋帶返上英超。
自虐篇
4. 凱沙羅頓奇蹟
已德甲球會凱沙羅頓 (1. FC Kaiserslautern) 命名嘅凱沙羅頓奇蹟/凱沙羅頓神話,講嘅係呢支球隊曾經以升班馬身份一舉奪得德甲,現時凱沙羅頓已跌至德丙。除咗再創凱沙羅頓奇蹟之外,你可以挑戰帶領各大聯賽任何一支升班馬第一季奪取聯賽冠軍!
5. 同市牙骹戰:1860慕尼黑/巴黎FC
同市對手之間嘅競爭喺足球世界入面係相當重要,就如曼聯曼城之間嘅關係,曼城曾經都係一支被曼聯看輕嘅球隊,現時已成為冠軍級球隊,球壇仲有好多打吡戰等你開拓,例如1860慕尼黑 (TSV 1860 München ) 現時只係德丙球會,巴黎FC就踢緊法乙,你可以帶領佢哋升上頂級聯賽,睇下幾時可以壓過同市「大哥」。
仲有一個有趣嘅組合,就係AFC溫布頓 (AFC Wimbledon) 同米爾頓凱恩斯 (Milton Keynes Dons),前者係由球迷分家建立,由最低打起嘅草根球會,現時已經升到上英甲同死敵米爾頓凱恩斯處於同一聯賽,而且更加係FM官方贊助球隊,所以有好多FM玩家揀呢隊波。曼聯七小福旗下嘅沙福城今季亦已於英乙征戰,加上由球迷成立嘅曼市聯 (F.C. United of Manchester) 於第7-8級別作賽,睇唔過眼格拉沙家族同活華特嘅曼聯球迷都有好選擇。
4. 港超聯
身為香港人,點可以唔了解下香港足球?最近一個好有心嘅本地球迷組織推出咗香港各級聯賽資料庫更新,可以體驗下經營香港球會嘅點滴,最大目標係透過於亞洲賽事衝擊更好成績,提升港超嘅亞洲賽系數排名,然後提升整個港超水平,最終希望可以見到香港隊嘅成績都有所提升,網上有球迷就見過香港隊殺入世界盃決賽周。
https://www.facebook.com/fmhkplkits/
5. 失業
喺FM做領隊同樣要面對失業問題,你更加可以體驗「白手興家」,開檔時選擇以自由身開始,呢個時候你就需要睇下邊度有工作機會然後去見工,根據你嘅教練牌照級數 (可自行設定由無牌至pro牌) 及教練名望 (如前業餘球員至前世界級國腳) ,你嘅起步點會有所不同,然後你可以隨著帶隊成績慢慢跳槽到大球會,可唔可以由港甲教練變成英超教練呢?就要睇你嘅能力同耐性 (更重要) 。
仲有好多玩法筆者自己都未試過例如國家隊,有待摸索,其實以上所講嘅只係基本球隊選擇意念,實際玩法仲有好多種,例如各種流行嘅challenge,下次再為大家介紹,想搵到其他開save靈感,可以睇埋:
Football Manager 2020: 10 Teams you need to managehttps://hitechidentity.com/football-manager-2020-10-teams-you-need-to-manage-in-fm20/
8 Interesting Teams To Manage in Football Manager 2020
https://medium.com/love-hate-fm/8-interesting-teams-to-manage-in-football-manager-2020-e534b544f30d
玩遊戲最重要係自己開心,FM呢隻咁深入嘅遊戲,玩家一直都有各自唔同嘅玩法同目標,例如有玩家喜歡向難度挑戰,由低組別聯賽玩起,將一隊波一手帶上頂級聯賽;有玩家喜歡挑選青訓勁旅培育新星;玩法之多不能盡錄,以下僅介紹幾個筆者提議大家試玩嘅玩法。
入門篇
1. 主流聯賽
(網上圖片)
好多球迷嘅愛隊都係屬於主流聯賽豪門,呢類球會因為資源相對充足,就算佢哋喺現實世界中成績不穩 (如曼聯、阿仙奴、熱刺),1-3季內要達成聯賽冠軍、歐聯嘅難度都唔太大,適合作為遊戲入門。玩家可以按自己喜好加添額外目標,例如不斷收購潛力小將或本土球員等。另外,如果你係英超球迷,想認識多啲其他聯賽,FM都係一個好途徑,筆者喺歐洲五大聯賽中暫時就玩過英超、德甲同法甲,將來會再試下西甲意甲。
1.1 「大水喉」新貴:RB萊比錫、狼隊
想有少少挑戰性,又有足夠資源,可以選擇RB萊比錫,呢隊波作為德甲新貴近年向拜仁步步進逼,隨時喺你幫助下取得首個德甲冠軍;狼隊投過同經理人文迪斯關係,引入唔少葡萄牙球員,連續兩季挑戰前六位置,其中唔少玩家指「筋肉人」阿達馬查奧爾相當可怕。
1.2 中下游:修咸頓/愛華頓/紐卡素……
其實執教主流聯賽中下游球會嘅難度,個人認為比低組別球隊更高,因為喺頂級聯賽生存,有時已經唔係單靠戰術心思就可以做到,你嘅主力球員踢得好就可能會被大球會挖角 (筆者就試過一名主力球員強行被球會主席接受外來報價賣出,無法阻止),你需要學會接受失利,要花多幾季先可以累積足夠實力及提升球會知名度 (影響球員來投意欲)。呢類中小型球會中有唔少選擇,各有特色,例如英超修咸頓就以青訓見稱,適合喜歡培育新星嘅玩家。筆者今集就玩緊德甲升班馬柏林聯,特色係呢間前東德球會只係首次升上德甲,而且佢哋開季時陣中大部分球員都只適合踢「高Q大棍」,對筆者自己嚟講係一個新嘗試,結果第一季以第9位完成,本以為算做得唔錯,但柏林聯現實中都排第11位,未能超越現實太多,都唔可以算成功,下季再努力。
進階篇
2. 再奪歐聯:阿積士/波圖/貝爾格萊德紅星
(網上圖片)
以歐洲為例,五大聯賽以外都有好多球會吸引玩家執教,例如葡超波圖、賓菲加、荷甲阿積士,甚至塞爾維亞聯賽貝爾格萊德紅星,呢啲球隊都曾經問鼎歐聯冠軍,執教佢哋嘅目標自然係帶領佢嘅再挑戰歐聯冠軍,喺玩家衝擊歐聯嘅過程中,更會順帶逐漸提升本土聯賽嘅歐戰系數。
3. 沒落勁旅:諾定咸森林/列斯聯/漢堡/雲達不萊梅
世界各地聯賽有唔少老牌球會,而家只淪為「升降機」或者長期護級分子,例如雲達不萊梅、漢堡等。仲有曾經奪得2屆歐聯冠軍嘅諾定咸森林,同埋歐聯亞軍列斯聯,亦係相當受歡迎嘅選擇。
3.1 沒落非勁旅:保頓/新特蘭
講開沒落勁旅,諗起一類既已沉淪,又非勁旅嘅球會,例如保頓、新特蘭之類老牌球會,現時已因為財困或管理不善等因素連跌幾級到英甲,雖然佢哋風光之時都未至於呼風喚雨,但好多球迷都因為懷舊情結,想將佢哋帶返上英超。
自虐篇
4. 凱沙羅頓奇蹟
已德甲球會凱沙羅頓 (1. FC Kaiserslautern) 命名嘅凱沙羅頓奇蹟/凱沙羅頓神話,講嘅係呢支球隊曾經以升班馬身份一舉奪得德甲,現時凱沙羅頓已跌至德丙。除咗再創凱沙羅頓奇蹟之外,你可以挑戰帶領各大聯賽任何一支升班馬第一季奪取聯賽冠軍!
5. 同市牙骹戰:1860慕尼黑/巴黎FC
同市對手之間嘅競爭喺足球世界入面係相當重要,就如曼聯曼城之間嘅關係,曼城曾經都係一支被曼聯看輕嘅球隊,現時已成為冠軍級球隊,球壇仲有好多打吡戰等你開拓,例如1860慕尼黑 (TSV 1860 München ) 現時只係德丙球會,巴黎FC就踢緊法乙,你可以帶領佢哋升上頂級聯賽,睇下幾時可以壓過同市「大哥」。
仲有一個有趣嘅組合,就係AFC溫布頓 (AFC Wimbledon) 同米爾頓凱恩斯 (Milton Keynes Dons),前者係由球迷分家建立,由最低打起嘅草根球會,現時已經升到上英甲同死敵米爾頓凱恩斯處於同一聯賽,而且更加係FM官方贊助球隊,所以有好多FM玩家揀呢隊波。曼聯七小福旗下嘅沙福城今季亦已於英乙征戰,加上由球迷成立嘅曼市聯 (F.C. United of Manchester) 於第7-8級別作賽,睇唔過眼格拉沙家族同活華特嘅曼聯球迷都有好選擇。
4. 港超聯
身為香港人,點可以唔了解下香港足球?最近一個好有心嘅本地球迷組織推出咗香港各級聯賽資料庫更新,可以體驗下經營香港球會嘅點滴,最大目標係透過於亞洲賽事衝擊更好成績,提升港超嘅亞洲賽系數排名,然後提升整個港超水平,最終希望可以見到香港隊嘅成績都有所提升,網上有球迷就見過香港隊殺入世界盃決賽周。
https://www.facebook.com/fmhkplkits/
5. 失業
喺FM做領隊同樣要面對失業問題,你更加可以體驗「白手興家」,開檔時選擇以自由身開始,呢個時候你就需要睇下邊度有工作機會然後去見工,根據你嘅教練牌照級數 (可自行設定由無牌至pro牌) 及教練名望 (如前業餘球員至前世界級國腳) ,你嘅起步點會有所不同,然後你可以隨著帶隊成績慢慢跳槽到大球會,可唔可以由港甲教練變成英超教練呢?就要睇你嘅能力同耐性 (更重要) 。
仲有好多玩法筆者自己都未試過例如國家隊,有待摸索,其實以上所講嘅只係基本球隊選擇意念,實際玩法仲有好多種,例如各種流行嘅challenge,下次再為大家介紹,想搵到其他開save靈感,可以睇埋:
Football Manager 2020: 10 Teams you need to managehttps://hitechidentity.com/football-manager-2020-10-teams-you-need-to-manage-in-fm20/
8 Interesting Teams To Manage in Football Manager 2020
https://medium.com/love-hate-fm/8-interesting-teams-to-manage-in-football-manager-2020-e534b544f30d
請按此登錄後留言。未成為會員? 立即註冊